ЕК ќе го промовира Патоказот за одбранбена подготвеност на ЕУ - Канал 5

Свет

ЕК ќе го промовира Патоказот за одбранбена подготвеност на ЕУ

 Европската комисија денеска официјално ќе го промовира најавениот Патоказот за одбранбена подготвеност, кој треба да постави планови и цели за зајакнување на одбраната и безбедноста на ЕУ. 

ЕК ќе го промовира Патоказот за одбранбена подготвеност на ЕУ

Патоказот треба да биде усвоен на денешното заседание на Колеџот на комесари, по што попладнево ќе биде презентиран на прес-конференција од страна на високата претставничка на ЕУ за надворешни работи и безбедносна политика Каја Калас, извршната потпретседателка на Европската комисија за технолошки суверенитет, безбедност и демократија Хена Виркунен и еврокомесарот за одбрана и Вселената Андриус Кубилиус.

Ова е нова стратегија на ЕК посветена на европската безбедност по Белата книга за одбраната објавена во март годинава и инструментите „Ревооружување на Европа“ (РеАрм) и „Безбедносна акција за Европа“ (САФЕ).

Според најавите, со Патоказот ќе се промовира реализација на четири приоритетни проекти и тоа „Чувар на источното крило“, „Европски ѕид од дронови“, „Европски воздушен штит“ и „Европски одбранбен вселенски штит“, како и заложбата до 2027 година земјите членки 40 отсто од одбранбените набавки да ги реализираат заеднички.

Со Патоказот нема да биде промовиран и нов финансиски механизам, туку ќе се предвиди за реализацијата на овие планови да се користат постојните инструменти РеАрм, вреден 800 милијарди евра за периодот до 2030 година, како и САФЕ, за кој се предвидени 150 милијарди евра наменети за позајмици за заеднички набавки за до почетокот на 2028 година.

По денешната официјална промоција, се предвидува Патоказот да биде разгледуван на Самитот на ЕУ закажан за следниот четврток.

Се очекува обврските за спроведување на плановите и целите од документот да и биде доверено на Европската агенција за одбрана, чие формирање беше најавено во заклучоци од еден од претходните заседанија на Европскиот совет.

Агенцијата е замислена како меѓувладино тело на земјите членки на ЕУ, што се оценува како нивна заложба тие да го имаат клучниот збор во реализацијата на големите европски одбранбени проекти, наместо тоа да и се препушти на Комисијата, со што би се зајакнала нејзината улога во одбраната.

Тагови: ЕК ЕУ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Кривичниот суд одреди 30 дена притвор за Стефан Богоев и други три лица

Кривичниот суд одреди 30 дена притвор за Стефан Богоев и други три лица осомничени за случајот со злоупотреби  околу тендер за чистење на граничните премини и терминалите, во периодот од јули 2023 до март 2024 година.

Кривичниот суд одреди 30 дена притвор за Стефан Богоев и други три лица

Oсомничените преку фаворизирање на одреден економски оператор и ограничување на конкуренцијата му овозможиле на правниот субјект да се стекне со противправна имотна корист во износ од над 18 милиони денари од обвинителството велат и дека во рамките на истрагата се обезбедени докази и за примање и давање награда за противзаконито влијание и дека првоосомничениот примил награда во износ од 111.600 денари за искористување на својата службена положба.

По распитот обвинителката соопшти дека барањето за притвор е заради опасност од бегство и влијание врз сведоци...

Тагови: Кривичен суд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Вучиќ: „Не ме исплашија ниту ме фасцинираат заканите“

Претседателот на Република Србија, Александар Вучиќ, изјави дека не се плаши од закани и дека е целосно посветен на напредокот на земјата и подобар живот за нејзините граѓани.

Вучиќ: „Не ме исплашија ниту ме фасцинираат заканите“

„Скинете му ја главата на Вучиќ - ниту се плашам ниту ме фасцинираат заканите. Единственото нешто што ме интересира е како нашите луѓе живеат подобро и како Србија може да биде уште поуспешна“, рече Вучиќ.

Вака реагира претседателот на Србија, Вучиќ на предупрадувањето да не патуват на самитот во Тиван во Црна Гора од српската безбедносна агенција БИА.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Унгарија и Украина постигнаа договор за правата на унгарското малцинство, се отвора патот на Киев за влез во ЕУ

Унгарскиот премиер Петер Маѓар изјави дека Унгарија и Украина постигнале договор за правата на унгарското малцинство во Украина, што би можело да овозможи отворање на првиот кластер.

Унгарија и Украина постигнаа договор за правата на унгарското малцинство, се отвора патот на Киев за влез во ЕУ

Унгарскиот премиер Петер Маѓар изјави дека Унгарија и Украина постигнале договор за правата на унгарското малцинство во Украина, што би можело да овозможи отворање на првиот кластер, односно група преговарачки поглавја за пристапување на Украина во Европската унија.

Договорот претставува потенцијален пробив во долготрајниот спор околу правата на малцинствата, кој ги затегна односите меѓу Будимпешта и Киев и ја комплицира поддршката за пристапувањето на Украина во ЕУ.

„Постигнавме напредок во разговорите со Украина за јазичните, културните и образовните права на етничкото унгарско малцинство“, напиша Маѓар на фејсбук.

Во вторникот тој рече дека е подготвен да се сретне со украинскиот претседател Зеленски следната недела за да отвори ново поглавје во односите, доколку се постигне договор за правата на малцинствата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер