Едукативен настан по повод светскиот ден на оралното здравје

На настанот докажани и познати фармацевти, стоматолози, матични лекари, педијатри и ОРЛ специјалисти од земјава ќе имаат свои излагања.

Со цел да се зголеми свесноста за важноста на оралното здравје и да се превенира од најрана возраст, денеска во „DoubleTree by Hilton“ во Скопје под мотото „Заедно сме посилни во превенција и третман“, ќе се одржи едукативен настан по повод Светскиот ден на оралното здравје. Настанот е во организација на „Анни Медиа“, а е поддржан од Стоматолошката Комора, Центарот за семејна медицина при Медицински Факултет Скопје и Ionickiss Македонија.

На настанот докажани и познати фармацевти, стоматолози, матични лекари, педијатри и ОРЛ специјалисти од земјава ќе имаат свои излагања. Предавањата не се само за стручните медицински лица, туку и за целокупната јавност, за сите оние индивидуи кои се грижат за своето здравје, и кои сакаат да бидат во тек со најновите информации од областа на оралното здравје.

- Половина од луѓето во светот страдаат од орални заболувања, како што се расипување на забите и заболување на непцата. Дополнително уште позагрижувачки е податокот дека се поголем е бројот и на деца кои имаат расипани заби, и кои недоволно се грижа за оралното здравје. Оралните болести влијаат врз животот во секој поглед, на самодовербата во училиште, на работа, па дури и при вкусот на храната. „Здравјето влегува преку уста“ често се слуша, но за жал не се обраќа доволно внимание на оралното здравје, истакнаа од „Анни Медиа“.

Настанот има за цел да ја афирмира оралната хигиена, да охрабри посета на стоматолог и да мотивира да се грижиме за своите заби за време на нивниот живот. /МИА

Кремљ: Сопственикот на Телеграм треба да биде повнимателен

Портпаролот на Кремљ, Дмитриј Песков, изјави дека нема планови за блокирање на апликацијата, но оти Дуров треба да биде повнимателен.

Кремљ го предупреди сопственикот на Телеграм, Павел Дуров, да биде повнимателен откако се појавија информации дека апликацијата била користена за да се помогне во регрутирањето на вооружените лица, кои го извршија нападот на концертната сала во близина на Москва.

Портпаролот на Кремљ, Дмитриј Песков, изјави дека нема планови за блокирање на апликацијата, но оти Дуров треба да биде повнимателен.

- Ќе очекуваме зголемено внимание од Павел Дуров, бидејќи овој уникатен и феноменален ресурс од технолошка гледна точка, кој всушност растеше пред нашите очи, сè повеќе станува алатка во рацете на терористите, користена за терористички цели, посочи Песков.

Руската државната новинска агенција РИА Новости објави дека напаѓачите биле регрутирани преку радикален канал на Телеграм, кој припаѓа на групата Исламска држава - Хорасан.

Во текот на изминатите 2 дена, рускиот регулатор за комуникации „Роскомнадзор“ го ограничи пристапот до 11 канали на Телеграм поради „содржини поврзани со тероризам“.

Го забрзавме откривањето и верификацијата на каналите на Телеграм. Поконкретно, регистрираме создавање на канали, кои наводно известуваат за нови терористички напади. Тие се создадени со цел да се заплаши населението. Во изминатите два дена ограничен е пристап до 11 такви канали, се наведува во соопштението на „Роскомнадзор“.

Телеграм, основан од Дуров, е со седиште во Дубаи. Дуров (39) ја напушти Русија во 2014 година и живее во Дубаи, има двојно државјанство на Франција и Обединетите Арапски Емирати. Форбс го проценува богатството на Дуров на 15,5 милијарди долари.

Аустриан ерлајнс го започна својот штрајк кој ќе трае 36 часа

Триесет и шестчасовниот штрајк на вработените во Аустриан Ерлајнс (Austrian Airlines) почна денеска и веќе има откажани летови, јавија австриските медиуми. 

Според одлуката на синдикатот „Вида“, денеска и утре ќе бидат откажани вкупно 400 летови. Најмногу беа погодени аеродромите во Виена, Инсбрук, Грац и Клагенфурт, како и околу 50 илјади патници, според податоците на авиокомпанијата.

Аустриан Ерлајнс проценува 24 милиони евра загуби предизвикани од откажување летови во текот на тековните колективни преговори за договарање. Спорот за колективниот договор за труд трае веќе со недели, а досега 17 рунди преговори се без резултат. Синдикатот најави нова работна средба за 4 април.

Стотици летови се откажани од почетокот на преговорите. Откажани се и летовите од Виена до Скопје и обратно. На официјалната веб страница на Меѓународниот аеродром Скопје не се ставени ниту полетувањата, ниту слетувањата со оваа авиокомпанија.

Дебата на тема„Има помош за живот без насилство“ во организација на УНФПА

Веќе трета година по ред во Македонија се спроведува  проектот „Превенција и заштита од родово-базирано насилство во Македонија“ под покровителство на министерството за труд и социјала, британската амбасада и УНФПА.

Во рамки на проектот досега функционира програмата за реинтеграција на жртви, моделот за шелтер-засолниште на жртви на семејно насилство, а се даваат и препораките за подобрување на услугите на сос линиите за помош на жртвите.

притисни ентер