Едукација за екологија и претприемништво, Еразмус + приказна од Крива Паланка - Канал 5

Македонија

Едукација за екологија и претприемништво, Еразмус + приказна од Крива Паланка

 Во организација на тим наставници од основното општинско училиште „Св.Јоаким Крчовски" во Европската куќа Крива Паланка се одржа дисеминација на Еразмус плус проектот „Зелена иднина на агро- претприемништво" (Green Agripreneurship of Future).

Едукација за екологија и претприемништво, Еразмус + приказна од Крива Паланка

На настанот на кој присуствуваа голем број наставници и ученици беше претставена и платформата Agripreneurship.kids и успешно се реализираше интерактивна работилница посветена на зеленото претприемништво и одржливо земјоделство.

-Целта на оваа работилница беше да покажеме како преку современи дигитални платформи и проектно учење можеме да ги мотивираме учениците да размислуваат еколошки, претприемачки и одговорно кон заедницата. AgripreneurKids претставува одлична алатка за поврзување на образованието со реалните предизвици во областа на одржливиот развој, изјави координаторката на проектот, Габриела Стојановска.

Работилницата се реализираше како дел од дисеминациските активности на Erasmus+ проектот „Green Agripreneurs of Future“, со фокус на презентација и примена на едукативната дигитална платформа, наменета за развој на зелени и претприемачки компетенции кај учениците.

На настанот учествуваа претставници од ООУ „Свети Јоаким Крчовски“ – Крива Паланка, ООУ „Илинден“, ООУ „Христијан Тодоровски Карпиш“ – Ранковце, како и претставник од Агенцијата за поттикнување и развој на земјоделство. Преку дискусија и размена на искуства беа разгледани можностите за интеграција на зелените теми и дигиталните алатки во наставниот процес.

Учесниците во дискусија ја истакнаа важноста од вакви активности и потребата од понатамошна соработка меѓу училиштата и институциите во насока на развој на зелени компетенции кај младите.

Тагови: еразмус

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Стојаноски: Македонија лидер во регионот: Патничкиот авиосообраќај порасна за 27,9%

И ова може да биде вест во Република Македонија.

Стојаноски: Македонија лидер во регионот: Патничкиот авиосообраќај порасна за 27,9%

Резултатите покажуваат дека Македонија станува се попривлечна туристичка и транспортна дестинација.

Аеродромите во Охрид и Скопје го имаа најуспешниот јули досега, поставувајќи историски рекорди во македонскиот воздушен сообраќај.

27,9% раст на патничкиот сообраќај – прво место меѓу земјите кои не се членки на ЕУ+, според ACI Europe.

Меѓународниот аеродром Скопје е рангиран меѓу најбрзорастечките средни аеродроми во Европа, со раст од 28,6%.

Аеродромот Св. Апостол Павле Охрид го забележа најуспешниот месец јули во својата историја.

Во текот на јули, охридскиот аеродром има раст од 41,21% во споредба со истиот месец минатата година.

Овие бројки се потврда дека инвестициите во нови авиолинии, развојот на аеродромите и поддршката на туризмот носат конкретни резултати за македонската економија.

Бојан Стојаноски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Извршени 44 акциски контроли за санкционирање на незаконит риболов во јуни и јули

Приведени две лица, запленети 702 парчиња риба и 25 рибарски мрежи.

Извршени 44 акциски контроли за санкционирање на незаконит риболов во јуни и јули

Полициската станица за граничен надзор „Охридско Езеро“ Охрид, во текот на јуни и јули оваа година, во водите на Охридското езеро изврши 44 акциски контроли поврзани со кривичното дело „незаконит риболов“ и откривање лица сторители, како и пронаоѓање мрежи и други предмети од извршено кривично дело. Притоа, при вршење на кривичното дело „незаконит риболов“, полициските службеници затекнаа две лица, едното од охридското село Пештани а другото од Струга, ги приведоа во полициската станица и против нив се поднесени соодветни пријави.

Во текот на акциските контроли, пронајдени се вкупно 25 т.н. висечки рибарски мрежи со должина од четири километри и деветстотини метри кои се најстрого забранети за лов на риба и вкупен улов од 702 парчиња риба охридска белвица, односно вкупно 97.1 килограми. Полициската станица за граничен надзор „Охридско Езеро“ Охрид, и во текот на наредниот период ќе врши акциски контроли по овој основ, како и по одредбите од Законот за внатрешна пловидба.

Тагови: незаконит риболов

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: 100 денари литар дизел – ново зголемување откако Мицкоски најави намалување на цените

Дизелот денеска повторно поскапува, трет пат по ред, откако Мицкоски најави намалување на цената. Сега еден литар дизел ќе изнесува речиси 100 денари.

СДСМ: 100 денари литар дизел – ново зголемување откако Мицкоски најави намалување на цените

Како што веќе рековме, секогаш кога Мицкоски ќе најави мерки за намалување на цените, веднаш следува ново поскапување.

По неговите најави - не еднаш, туку три пати се случува поскапување на дизел горивото.

Граѓаните веќе имаат страв од најавите на Мицкоски.

Знаат дека ќе поскапи сè, бидејќи со поскапување на дизелот поскапува транспортот, храната и останатите цени.

Сега веќе е потврдено, секоја „мерка“ на Мицкоски за намалување на цените - носи ново поскапување.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер