Едноставен тест од 30 секунди кој би можел да открие ризик од прерана смрт - Канал 5

Здравје

Едноставен тест од 30 секунди кој би можел да открие ризик од прерана смрт

Едноставен тест што трае 30 секунди би можел да открие многу повеќе за здравјето на старите лица. 

Едноставен тест од 30 секунди кој би можел да открие ризик од прерана смрт

Според едно ново истражување, напорот потребен за станување од седечка положба е важен показател за здравјето во подоцнежна возраст, но и можен ризик од прерана смрт.

Станува збор за едноставен тест: лицето за 30 секунди треба да стане од столчето и да седне што повеќе пати. Истражувачите утврдиле дека лицата кои остваруваат слаби резултати, имаат значително поголем ризик од смрт од некаква причина во споредба со нивните врсници, пишува Daily Mirror.

Студијата објавена во списанието Journal of Sport and Health Science опфаќала 1876 возрасни лица над 65 г. Нивната физичка сила се проценувала со бројот на станувања и седнувања на столче за време од 30 секунди.

Резултатите покажувале дека лицата кои имале поголем напор при изведување на оваа вежба имале значително поголем ризик од смрт отколку оние чии резултати биле во граници на нормалата. При тоа, се зеле предвид и податоци за висината, телесната тежина и висината на столчето, потоа била пресметана способноста(моќта) во вати по килограм телесна тежина.

Жените со ниски резултати имале околу двојно поголема веројатност од смртен исход, додека кај мажите ризикот бил зголемен за 57%. Истражувачите ги поделиле учесниците во две групи, оние со мал и оние со нормален напор при станување. Прагот за мажите бил 2,53 вати на килограм телесна тежина, а за жените 2,01 вати на килограм.

Повеќе од половина од учесниците, или околу 57 проценти, биле под овие вредности. Авторите на студијата, исто така, известуваат дека ниската мускулна сила влијае на над 45 % од луѓето над 65 години.

Врска со здравјето на коските

Истражувачите, исто така, пронашле поврзаност помеѓу слабата сила и ризикот од фрактури на коските за време на студијата, но оваа поврзаност се разликувала кај мажите и жените. Жените биле особено изложени на ризик од фрактури на колкот, една од најсериозните повреди во староста.

Жените со послаба сила при станување од стол имале 3,25 пати поголема веројатност да пријават фрактура на колкот во изминатата година во споредба со жените со нормална сила. Кај жените со мала сила, 4,5 проценти претрпеле фрактура на колкот во изминатата година, во споредба со само еден процент кај жените со нормална сила.

Кај мажите, сепак, ниската сила била поврзана со паѓања и фрактури на различни делови од телото, но не конкретно со фрактури на колкот. Кај мажите со послаба сила веројатноста да пријават пад во изминатата година била 73%, голема била веројатноста (86%) да пријават некаква фрактура.

Авторите на студијата веруваат дека разликата може да биде поврзана со хормоналните промени кај жените по менопаузата. Овие промени го забрзуваат губењето на густината на коските, што го прави колкот особено ранлив при паѓање. Кај мажите, фрактурите се чини дека се порамномерно распоредени низ целото тело и не се толку концентрирани во една област.

Како заклучок, авторите на студијата навеле дека ниската релативна сила при станување и седнување кај жените е поврзана со претходни фрактури на колкот, додека кај мажите е поврзана со паѓања и сите видови фрактури. Кај жените, е предвиден и повисок ризик од хоспитализација, додека таква поврзаност не е пронајдена кај мажите. И кај мажите и кај жените, послабиот резултат е поврзан со подолг престој во болница и поголем ризик од смрт од која било причина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Нема трета економија во Европа кога 73% од граѓаните имаат платa под просечната

Каква„трета економија во Европа“ на Мицкоски кога над 73% од граѓаните земаат плата под просечната?

СДСМ: Нема трета економија во Европа кога 73% од граѓаните имаат платa под просечната

Податоците на УЈП ја разобличуваат владината пропаганда. Нема трета економија во Европа. Има 73% од граѓаните со плата под просечната и власт која душмански го ограбува народот.

Половина од вработените, односно 50%, заработуваат меѓу 24.000 и 36.000 денари месечно.

По две години власт на Мицкоски и ВМРО-ДПМНЕ, животниот стандард е целосно урнисан. Граѓаните осиромашуваат, платите се меѓу најниските во Европа, а народот живее многу полошо отколку пред две години.

Минималната синдикална кошничка веќе изнесува околу 70.000 денари. Тоа значи дека на половина од вработените не им се доволни ниту две плати за да ги покријат основните животни трошоци на едно семејство.

Тоа е реалноста зад приказните на Мицкоски за наводни економски успеси: најголемиот дел од работниците едвај врзуваат крај со крај.

Животот стана прескап. Платите не го следат растот на цените, храната станува луксуз, а сметките се сè повисоки.

Прекинувањето на растот на платите и одбивањето на Владата на Мицкоски да ја зголеми минималната плата на 600 евра директно ги турка работниците и нивните семејства во сиромаштија.

Кризата не стивнува. Поскапувањето на горивата е нов тежок удар врз семејните буџети, кој ќе предизвика дополнително зголемување на цените на храната, транспортот и другите основни производи.

Додека народот осиромашува, финансиски добро живеат само Мицкоски и ВМРО, кои се богатат на грбот на граѓаните преку криминални тендери.

Скопје, 18.07.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Средба на министерот Муцунски со заменик-државниот секретар на САД, Кристофер Ландау

Во рамките на работната посета на Вашингтон, министерот за надворешни работи и надворешна трговија, Тимчо Муцунски, оствари средба со заменик-државниот секретар на Соединетите Американски Држави, Кристофер Ландау.

Средба на министерот Муцунски со заменик-државниот секретар на САД, Кристофер Ландау

Во разговорот соговорниците ја потврдија заедничката определба за натамошно зајакнување на стратешкото партнерство и билатералната соработка, во интерес на граѓаните на двете земји.

Фокусот на средбата беше ставен на унапредувањето на соработката во областа на одбраната и сојузништвото во НАТО, економијата, енергетиката и регионалната поврзаност.

Беа разменети мислења и за состојбите во регионот, како и за значењето на континуираниот ангажман на САД за мирот, безбедноста и просперитетот на Западниот Балкан.

Тагови: Тимчо Муцунски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео- Фото: Дурант го направи најскапиот селфи на Светското првенство: Меси, Ѓоковиќ, Брејди...

Мајкл Рубин, американски бизнисмен чие богатство се проценува на 12 милијарди долари, објави селфи на кое е во друштво на голем број ѕвезди од светот на спортот и шоу-бизнисот.

Видео- Фото: Дурант го направи најскапиот селфи на Светското првенство: Меси, Ѓоковиќ, Брејди...

Фотографијата, која веднаш привлече светско внимание по објавувањето, е направена за време на фестивалот Фанатикс, глобалната дигитална спортска платформа на Рубин.

За селфи да ја опфати оваа поголема група, потребен беше некој со долги раце...

Изборот беше лесен: Кевин Дурант, еден од најголемите кошаркари на НБА во последната деценија, со телефонот во рака (стапчето за селфи беше излишно), го овековечи овој навистина незаборавен момент.

Дурант се „улови“ себеси, најтрофејниот свтески тенисер Новак Ѓоковиќ, капитенот на Шпанија Родри, легендата на американскиот фудбал Том Брејди, аргентинскиот голман Емилијано Мартинез, раперот Тревис Скот, екс фудбалерот на Манчестер Јунајтед и на англиската репрезентација Рио Фердинанд, волшебникот со буба мара Лионел Меси, Рубин и комичарот Кевин Харт.

На втората фотографија, која е направена од друг агол и го прикажува моментот на правење на селфито, во кадарот се и селекторите на Аргентина и Шпанија, Лионел Скалони и Луис де ла Фуенте.

Тагови: Кевин Дурант Лионел Меси Новак Ѓоковиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер