Се воспоставило дека психопатите своето проблематично однесување ви го покажуваат пред нос, а не сте знаеле да го забележите. Стручните лица за ментално здравје порано наведоа неколку знаци на кои треба да обратите внимание, но сепак овој знак открива со кого си имате работа.

Дијагностицираните психопати исто така поделија свои искуства, иако тие се разликуваат од поединец до поединец. Според статистиката на Мајнд (Mind) во текот на животот три од 100 лица се погодени со состојба која е позната како антисоцијално нарушување на личноста.

Според истражувања на универзитетите во Кардиф и Свонси се покажало дека е лесно да ги препознаете ако им погледнете во очи користејќи стимул. Студијата од 2018 г. вклучувала реакции на луѓе на фотографии кои се сметаат за „морничави“, со графички снимки кои вклучувале уништени тела.

Учесници биле потенцијални психопати и лица кои не биле. При набљудување на очите, кај психопатите при гледањето на овие вознемирувачки фотографии, зеницата на окото не се зголемувала.

Зеницата на учесниците кои не биле психопати се ширела гледајќи ги овие слики, што се смета за природен одговор.

-Зеницата е позната како индикатор за возбуда кај луѓето, таа се шири при доживување шок, или страв. Фактот дека овој нормален физиолошки одговор на закана е намален кај психопатите ни дава очигледен физички маркер за оваа состојба – изјавил Дан Барли, професор на Факултетот за психологија.

Супервизорот на студијата, проф. Роберт Сноуден од универзитетот во Кардиф, забележал дека психопатите иако може да изгледаат храбро и да се однесуваат ладнокрвно, тоа е лесно кога немате чувство на страв.

Последните години излезе на виделина дека антисоцијалното нарушување на личноста покажува слични карактеристики на психопатија, иако треба да се напомене дека овие состојби се различни една од друга.

Антисоцијалното нарушување се карактеризира како импулсивно, неодговорно и често криминално однесување, објаснува Британскиот национален здравствен сервис, додавајќи дека таквите личности може да бидат манипулативни, лажливи и непромислени, па и не се грижат за туѓите чувства.

Психопатијата, од друга страна, сумира одредени однесувања слични на антисоцијалното нарушување, пишува „Ледбајбл“(Ladbible).

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.