Технологија

Една од најдобрите игри оваа година доаѓа на „Xbox“

„Larian Studios“ потврди дека една од најдобрите видео игри на годината, „Baldur's Gate 3“, доаѓа на „Xbox“ овој декември.

Како што е најавено на „Twitter“ профилот на издавачот, нема точен датум кога тоа ќе се случи, но ќе дознаеме на церемонијата на „The Game Awards“, која исто така треба да се одржи во декември.

„Baldur's Gate 3“ веројатно ќе биде еден од најзабележителните наслови на „TGA“, бидејќи беше номиниран во девет категории, вклучувајќи ги и оние за видео игра на годината и најдобар „RPG“.

Откако пристигна на компјутер во август оваа година и на „PlayStation 5“ во септември, многумина се прашуваа што се случи со „Xbox Series X“ и „Xbox Series S“ верзијата на „Baldur's Gate“, но од „Larian“ велат дека сакале да средат сè пред да дојде време за тоа.

Извор: Б92

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ужас во Струга: Мајка си ги оставила двете деца да спијат во автомобилот, додека била на работа

ОВР Струга поднесе кривична пријава против Н.С.(42) од струшко село, поради постоење основи на сомнение за сторено кривично дело „запуштање и малтретирање дете“ по чл.201, став 1 од Кривичниот законик.

Пријавената, во вечерните часови на 08/09.06.2026 година, ги оставала своите две малолетни деца да спијат во нејзиното возило додека била на работа.

Во координација со јавен обвинител, полициски службеници презеле мерки и во паркираното возило на земјен паркинг на улицата „Владо Малески“ во Струга ги затекнале децата како спијат, соопштуваат од СВР Охрид.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Возеле камиони во спротивна насока на патот Гостивар- Тетово, двајцата се уапсени

Лишени од слобода двајца возачи затоа што возеле во спротивен правец на патот Гостивар-Тетово, следуваат кривични пријави.

На 27.06.2026 во 11:30 часот на патот Гостивар- Тетово, полициски службеници од Полициската станица за безбедност на патниот сообраќај Тетово го лишија од слобода В.М. (30) од с. Боговиње, затоа што со товарно моторно возило „мерцедес“ со тетовски регистарски ознаки, се движел во спротивен правец од дозволениот правец на движење.

Исто така, на 27.06.2026 во 12:30 часот, на патот Гостивар– Тетово, кај наплатната рампа Тетово, полициски службеници го лишија од слобода и М.Д. (55) од с. Фалише, затоа што со товарно возило „фолксваген“ со тетовски регистарски ознаки, се движел во спротивен правец од дозволениот правец за движење.

Двајцата се приведени во полициска станица и по документирање на случаите, против нив ќе бидат поднесени соодветни пријави, соопшти МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Трагедија во Франција: Авион што превезувал падобранци се урна во предградие на Нанси– се стравува дека има десетина загинати

Авион се урна денеска во предградието на францускиот град Нанси, а се стравува дека има многу жртви, јавуваат локалните медиуми.

Авионот паднал на тревна површина покрај улица, во близина на куќи, а бројни противпожарни екипи биле испратени на местото на настанот.

Според некои извештаи, се стравува дека може да има десетина жртви.

Авионот, како што се вели, превезувал група падобранци кои планирале да изведат скокови на еден настан.

Полициските службеници го затвориле тој дел од градот, а префектот на регионот Мерт-ет-Мозел е на местото на настанот, кој подоцна ќе одржи прес-конференција.

- Несреќата се случила околу 11 часот наутро. Минував со мојот автомобил додека одев на шопинг, кога го видов авионот како се спушта и паѓа на земја - изјавил очевидец, пренесе РТЛ.

Тагови: авион падобранци

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.