Единствениот избирачки список е „една од најажурираните евиденции“ во Србија - Канал 5

Балкан

Единствениот избирачки список е „една од најажурираните евиденции“ во Србија

Министерството за државна управа и локална самоуправа на Србија (МДУЛС) соопшти дека „јасно и недвосмислено укажува“ дека Единствениот избирачки список е „една од најажурираните евиденции“ во Србија и оти никогаш не бил поорганизиран.

Единствениот избирачки список е „една од најажурираните евиденции“ во Србија

Министерството за државна управа и локална самоуправа на Србија (МДУЛС) соопшти дека „јасно и недвосмислено укажува“ дека Единствениот избирачки список е „една од најажурираните евиденции“ во Србија и оти никогаш не бил поорганизиран и дека тврдењата за постоење на таканаречени „фантомски гласачи“ се апсолутно невистинити и паушални.

Потсетуваме дека избирачкиот список до 2012 година го водеше секоја општина, односно град за себе и дека таквиот начин на водење имал недостатоци, се додава во соопштението.

Откако во 2012 година се консолидираа сите податоци и беше воспоставен Единствениот избирачки список, обезбедена е целосна контрола, точност и ажурираност на податоците.

Министерството наведе дека во изминатите 11 години континуирано работело на подобрување на оваа база на податоци и оти резултатите од таа работа се видливи.

Од формирањето на Единствениот избирачки список во 2012 година, евиденцијата за живеалиштето, односно престојот на граѓаните е поврзана со избирачкиот список, што значи дека кога граѓанинот го менува местото на живеење, таа информација се ажурира во рок од 24 часа од општинската, односно градска администрација на единицата на локалната самоуправа задолжена за дел од избирачкиот список на чие подрачје е извршена промената, се додава во соопштението.

МДУЛС потсетува дека е направена посебна веб-страница со информации за граѓаните, преку која можат да проверат дали се запишани во избирачкиот список и на кое избирачко место можат да го остварат своето избирачко право, а овозможено е и слепи и слабовидни луѓе електронски да проверат дали се запишани во избирачкиот список.

Српскиот министер за државна управа и локална самоуправа Александар Мартиновиќ истакна дека „сето горенаведено им е многу добро познато на Драган Ѓилас, Мирослав Алексиќ, Мариника Тепиќ и другите лидери од листата Србија против насилство, но оти нив како протагонисти на странски интереси, не ги интересираат фактите“.

Мартиновиќ додаде дека нивната цел е, без разлика на слободно изразената волја на народот на изборите на 17 декември, насилно да ја преземат власта во Србија и целосно да ја сменат нејзината внатрешна, а особено надворешната политика, по диктат на одредени меѓународни центри на моќ, односно како што претседателот на Србија Александар Вучиќ убаво кажа од Србија треба да направат „марионета на конци“.

Министерството ќе направи се за да го поддржи претседателот Александар Вучиќ и да биде лојално на неговата политика за Србија како суверена и слободна држава, која самостојно ги носи најважните политички одлуки и која силно економски се развива како политички стабилна, демократска и законски регулирана држава, додава Мартиновиќ во соопштението.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Кои се елитните севернокорејски хакери што ја извршија најголемата кражба на криптовалути во историјата?

Две водечки фирми специјализирани за анализа на технологија поврзана со криптовалути објавија дека поседуваат цврсти докази што го поврзуваат хакерскиот напад врз Binance, во кој беа украдени 6,3 милијарди долари, со група поддржана од Северна Кореја.

Кои се елитните севернокорејски хакери што ја извршија најголемата кражба на криптовалути во историјата?

Како што пренесува BBC, TRM Labs и Chainalysis – со висок степен на сигурност – ја идентификуваа групата „Лазарус“ (севернокорејски хакерски колектив, познат и како TraderTraitor) како најверојатен извршител на нападот врз најголемата берза за криптовалути во светот. Овој напад далеку го надминува претходниот рекорден грабеж – инцидент од 2025 година поврзан со берзата Bybit, при што беа украдени 1,5 милијарди долари.

Овој инцидент е најновиот во низата напади поврзани со Северна Кореја – една од најсиромашните земји во светот, каде што пристапот до интернет е строго ограничен.

Експертите ја обвинуваат владата на Ким Џонг Ун дека се потпира на сајбер-криминал за финансирање на државата – обвинување што Пјонгјанг долго време го негира.

Според извештаите, земјата систематски ги развива своите сајбер-операции. За таа цел, таа регрутира елитни студенти и ги насочува кон хакерски групи што се под надзор на севернокорејската разузнавачка служба.

Анализите на технолошките компании покажуваат дека дел од овие операции се одвиваат во соседна Кина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Ангел на ВС како „подарок“

Најсекси ангелот на Викторија Сикрет, Кендис Свонпул уште еднаш ја покажа харизмата на вистинска заводничка. Нејзината најнова модна кампања маѓепса многумина.

Фото: Ангел на ВС како „подарок“

Супермоделот Кендис Свонпул е заштитното лице на најновата новогодишна колекција на брендот „Викторијас сикрет“.

По спектакуларниот настап на неодамнешната модна ревија на брендот, не е изненадувачки што таа сега е во центарот на нивната нова модна кампања.

Кендис гордо позира во атрактивни модни парчиња – поточно, долна облека од тантела во електрично сина боја, која совршено ја истакнува нејзината прекрасна фигура.

Изгледот го заокружи со дијамантски ѓердан околу вратот, како и со високи потпетици што ги нагласуваа нејзините витки нозе.

За да ја долови новогодишната магија, една од најпознатите манекенки во светот позираше покрај огромни подароци, украсени со ленти.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Познати фудбалер го освои срцето на фатална кантри пејачка

Фудбалерот на Милан, Американецот со потекло од балканот Кристијан Пулишиќ има нова девјка, мегапопуларната канти пејачка Меган Морони.

Познати фудбалер го освои срцето на фатална кантри пејачка

Љубовните животи на познатите спортисти и нивните партнерки повторно се во центарот на вниманието, а две убавици од светот на шоу-бизнисот веќе се шегуваат дека припаѓаат на новата генерација на таканаречени „WAG“ девојки.

За време на гала-настанот „Time100“ во Њујорк, 29-годишната кантри-пејачка Меган Морони се сретна со својата пријателка Еиза Гонзалез. Двете ѕвезди разговараа за своите партнери за време на настанот. Гонзалез е во врска со тенисерот Григор Димитров најмалку од април 2025 година, додека новата романса на Меган Морони со фудбалската ѕвезда Кристијан Пулишиќ (28) неодамна стана предмет на јавен интерес.

„Ние сме новата генерација девојки на познати спортисти“, се пошегува Гонзалез во разговор со Меган.

Само една недела претходно, фановите со остро око забележаа значаен детал дека пејачката на „6 Months Later“ и фудбалерот се во врска.

Меган потоа се појави на модната ревија на „Victoria's Secret“ за 2026 година и беше фотографирана со телефон во раката, на чиј екран можеше да се види фотографија во позадина.

На фотографијата, Меган изгледаше како да е прегрната со ѕвездата на американската фудбалска репрезентација.

Уште во јули, Меган наводно била видена со Пулишиќ во бар во Нешвил, додека пак, профил на обожавател посветен на фудбалерот објавил фотографија од него на нејзиниот концерт на Флорида, заедно со неговиот братучед, пренесува „Пипл“ (People).

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер