Во денешно време, кога повеќето бракови завршуваат со развод, најчесто една или две години по венчавката, многумина се прашуваат која е тајната на успешениот брак. Дури и паровите кои се во брак со децении немаат одговор на ова прашање.

Пред неколку децении, за успешен брак се очекуваше сопругата добро да готви, да ги воспитува децата и да ги исполнува брачните обврски. Сепак, изгледа дека добриот оброк и страста во креветот не се пресудни за опстанок на брачната заедница. Една видеоснимка на социјалните мрежи фрли ново светло на оваа тема. Како што објасни еден маж на Инстаграм, денес се ценат други вредности кај жените.

- Почитта е клучна. Мажот ќе знае доколку го почитувате и тоа понекогаш е поважно од љубовта, тоа покажува колку ви значи не само како сакана личност, туку и како човек. Почитта е секогаш на прво место. Мажите сакаат кога жената се средува за нив. На мажот не му се допаѓа кога неговата жена дома се покажува во најлошо издание, а се дотерува кога треба да оди некаде. Тоа покажува дека на таа жена ѝ е поважно мислењето на околината отколку мислењето на нејзиниот сопруг. Ние сме визуелни суштества и секогаш сакаме да ја гледаме нашата жена дотерана – ја започнал својата приказна овој човек.

Потоа мажот објаснува дека мажот повеќе ќе ја цени својата жена доколку таа го забележува неговиот труд.

- Изразувањето љубов со зборови не е единственото нешто што му се допаѓа, туку вашиот сопруг знае да го цени тоа кога ќе му кажете дека сте свесни колку се жртвува за вас, колку се бори да ви обезбеди сè што може. Затоа отворено кажете му дека знаете колку е вреден, колку верувате во него и неговите амбиции. Нема ништо поважно од моментот кога ќе застанете пред сопругот и ќе му кажете: „Ти благодарам, ова не можев да го направам без тебе!“ На крајот, вашиот маж ќе ве цени онолку колку што вие го цените не само него туку и неговото семејство. Мора да ги почитувате неговите блиски луѓе како што го почитувате него. Жената која наводно го сака својот сопруг, а на своите пријатели и родители им кажува како тој е ваков или онаков, не е грижлива и верна сопруга. Затоа, секогаш имајте пофални зборови за вашиот сопруг. И четврто, е физичкиот допир. Нема ништо повредно од прегратката и нежниот допир на саканата сопруга – заклучил тој.

Ова видео наиде на голем број позитивни коментари, на Инстаграм доби 100.000 „лајкови“, а жената која паралелно беше прикажана на видеото кимаше со главата во знак на разбирање на овие мудри зборови.

- Морам да потврдам дека се согласувам, во брак сум 30 години, ги правам сите овие работи, а мојот сопруг ме третира како кралица.

-Секогаш се трудам пред семејството да говорам најдобро за мојот сопруг, дури и кога не е толку одлично.

- На мојот сопруг секогаш му се допаѓа кога го пофалам неговиот труд, вели дека нема поголем комплимент од тоа кога сопругата ќе му каже и покаже дека го цени неговиот труд и работа.

- Нема поголема почит од тоа да го почитуваш семејството на твојот сопруг, какво и да е тоа.

- Се надевам дека сето ова важи и за жените - беа само дел од коментарите на оваа објава.

View this post on Instagram

A post shared by Tabitha I Wife & Mother of 6 (@theinvestorswife)

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.