ДЗР: Застарени сместувачки капацитети, задолженост и континуирани загуби - Канал 5

ДЗР: Застарени сместувачки капацитети, задолженост и континуирани загуби

Застарени сместувачки капацитети, задолженост и континуирани загуби го обележуваат работењето на ЕЛЕМ ТУРС ДООЕЛ Скопје.

ДЗР: Застарени сместувачки капацитети, задолженост и континуирани загуби

Ревизорите утврдиле недоследности во работењето на ЕЛЕМ ТУРС ДООЕЛ Скопје и констатирале дека се соочува со акумулирани загуби од приближно 1,2 милијарди денари и обврски над 268 милиони денари. Застарените сместувачки капацитети, нерационалното трошење на средства и несоодветното управување го доведуваат друштвото до сериозни предизвици во работењето, констатира Државниот завод за ревизија по извршената ревизија на финансиските извештаи заедно со ревизија на усогласеност на Друштвото за туризам, угостителство, рекреација и спорт ЕЛЕМ ТУРС ДООЕЛ Скопје, за 2023 година.

ДЗР информира дека ЕЛЕМ ТУРС ДООЕЛ Скопје се соочува со неповолна финансиска состојба уште од своето основање во 2012 година, при што во континуитет остварува загуби од работењето која акумулирана до 2023 година изнесува 1.196.650 илјади денари, односно 19.395 илјади евра и претставува 92 проценти од основната главнина.

- И покрај тоа што во 2023 година е искажана најмала загуба во последните шест години, што се должи на статусните промени во друштвото и неговата намалена активност, сепак друштвото во континуитет искажува негативен финансиски резултат од работењето, не е ликвидно и е во лоша финансиска состојба. За да продолжи со вршење на својата дејност и подмирување на обврските, друштвото во континуитет склучува трипартитни договори со основачот за преземање на долг. Во периодот од 2018 до 2023 година (со исклучок на 2020 година) преку договори склучени со АД ЕСМ Скопје (преземач на долгот), ЕЛЕМ ТУРС ДООЕЛ Скопје (должник) и конкретните доверители, преземени се долгови, од кои во 2023 година преземен е највисок износ на долг од страна на основачот во износ од 180.902 илјади денари. Обврските за враќање на долгот кон основачот постојано растат и во 2023 година изнесуваат 268.382 илјади денари. Во август 2022 година, ЕЛЕМ ТУРС ДООЕЛ Скопје склучил договор со друштво за менаџмент од Скопје, основано непосредно пред потпишувањето на договорот, за набавка на аутсорсинг услуги во вкупен износ од 20.000 илјади денари, односно 324.000 евра. Времетраењето на договорот е до крајот на 2022 година, а имал ретроактивна важност од два месеци. Со извршената ревизија утврдено е дека реализацијата на договорот продолжила во 2023 година и исплатени се вкупно 34.052 илјади денари, што претставува 70 проценти надминување од вредноста на договорот, информира Државниот завод за ревизија.

Извршената анализата на бројот на ангажирани извршители по договор за аутсорсинг, нивните работни активности и бројот на редовно вработени лица во Подружница Попова Шапка, споредено со нискиот износ на приходи остварен од сместувачките капацитети во периодот мај – септември 2023 година, како што посочува ДЗР, не овозможи уверување за потребата и оправданоста од ангажманот на надворешни извршители во тој период, што влијае на рационалното трошење на јавните средства.

-Со извршената ревизија е утврдено дека, ЕЛЕМ ТУРС ДООЕЛ Скопје располага со градежни објекти и опрема во износ од 284.377 илјади денари, кои заради вршење на дејноста се изложени на ризици и за истите одговорното лице нема спроведено постапка за осигурување на имотот и средствата на друштвото од кражби, пожар и други елементарни непогоди, што може да предизвика штета врз имотот и средствата на друштвото во случај на настанување на ризиците. Од 2018 година ЕЛЕМ ТУРС ДООЕЛ Скопје започнал со реализација на проект „Ладен оброк‘‘, со кој вработените во АД ЕСМ Подружница РЕК Битола се снабдуваат со оброк. По тој основ друштвото само во првите два месеци од 2023 година, остварило приход од АД ЕСМ Скопје во износ од 11.217 илјади денари (36% од вкупно остварените приходи на друштвото). За реализација на овој проект континуирано се набавувани стоки без претходно спроведена постапка за доделување на договор за јавна набавка, што не е во согласност со одредбите од ЗЈН и може да влијае на економичното, ефикасно и ефективно користење на јавните средства, посочува ДЗР.

Од извршениот теренски увид на постојните сместувачки капацитети на Хотел „Молика‘‘ - Битола, Хотел „Попова Шапка‘‘ - Тетово, Хотел „Славија‘‘ – Тетово, Одморалиште „Свети Стефан‘‘ - Охрид, Одморалиште „Маврово‘‘ - Маврови Анови и Автокамп „Ливадиште‘‘ - Струга, со исклучок на хотел „Молика‘‘ – Битола, констатирано е дека капацитетите се застарени и во најголем дел не ги обезбедуваат минимално технички услови за сместување.

- Сместувачкиот капацитет во Одморалиште „Свети Стефан‘‘ – Охрид не може да се користи поради исклучена електрична енергија, додека во тек е реновирање на сместувачките и угостителските капацитети во Авто камп „Ливадиште‘‘ - Струга. За поголема искористеност на постојните капацитети потребна е сеопфатна анализа на состојбите, инвестиции кои ќе ја зголемат нивната атрактивност, ќе го подобрат квалитетот на услугите и ќе овозможат постигнување на стандардите, препорачуваат ревизорите.

Како што информираат, во текот на октомври и ноември 2022 година врз основа на претходно одобрение и одлука од Надзорниот одобор на АД ЕСМ -Скопје, од страна на Управниот одбор на основачот, биле формирани две нови друштва: Друштво за туризам, угостителство, рекреација и спорт ЕСМ МОЛИКА ДООЕЛ- Битола - Друштво за туризам, угостителство, рекреација и спорт СКИ ЦЕНТАР ПОПОВА ШАПКА ДООЕЛ -Тетово.

Процесот на преструктуирањето на друштвото, укажуваат, е проследено со одредени слабости. Имено, недвижните ствари биле отстапени на новите друштва, но тоа не било случај и со движните ствари, чија сметководствена вредност изнесува 190.735 евра, а за кои не била обезбедена проценка за нивната вредност од страна на овластен проценител. Дополнително, различниот пристап при прераспределба на вработените од подружниците Попова Шапка и Молика во новоформираните друштва резултирал со покренување на судски постапки од страна на дел од вработените.

Со извршената ревизија констатирани се и други состојби кои се однесуваат на извршениот попис, исплати без поткрепувачка документација, несоодветно евидентирање и други неправилности и неусогласености од различна природа, кои влијаат на изразување на мислење со резерва за реалноста и објективноста на финансиските извештаи за 2023 година и неповолно мислење за усогласеноста со законската регулатива.

За надминување на констатираните состојби дадени се препораки со цел преземање на мерки и активности од надлежните лица и органи во функција на подобрување на состојбите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Утре протест во Крива Паланка, проблемот со добитокот ќе се решава со акциски план, но активностите се уште не се допрецизирани

Првично најавената, па подоцна одложена прес-конференција на Министерството за земјоделство, на која денеска требаше да бидат соопштени мерките за решавање на долгогодишниот проблем со кравите во Крива Паланка.

Утре протест во Крива Паланка, проблемот со добитокот ќе се решава со акциски план, но активностите се уште не се допрецизирани

Првично најавената, па подоцна одложена прес-конференција на Министерството за земјоделство, на која денеска требаше да бидат соопштени мерките за решавање на долгогодишниот проблем со кравите во Крива Паланка, повторно ја отвори дилемата кога конечно ќе се стави крај на проблемот со добитокот што со години ги мачи кривопаланчани.

Иако пред новинарите требаше да се обратат министерот Борче Серафимовски, директорот на Агенцијата за храна и ветеринарство, Јовица Андовски, и градоначалникот Сашко Митовски, прес-конференцијата не се одржа.

Од Министерството за Канал 5 објаснуваат дека причината за одложувањето е потребата од дополнителна меѓуинституционална координација и допрецизирање на акцискиот план.

„Денешната прес-конференција е одложена бидејќи во текот на меѓуинституционалната комуникација и координација се отворија нови прашања околу организацијата на веќе утврдените активности. Поради тоа, се појави потреба од допрецизирање на одредени делови од Акцискиот план пред неговото понатамошно институционално процесирање. Подготовката е во завршна фаза, во моментов се допрецизираат обврските на секоја институција и редоследот по кој ќе се исполнуваат обврските. Штом биде усвоен од страна на Владата, Министерството за земјоделство, шумарство и водостопанство ќе ја соопшти временската рамка за граѓаните да бидат информирани кога ќе започнат активностите.“ – Министерство за земјоделство, шумарство и водостопанство.

Од друга страна, градоначалникот на Крива Паланка, Сашко Митовски, во денешното гостување во утринската програма на Канал 5 изрази жалење поради одложувањето на прес-конференцијата.

Како што досега на многу пати говореше Митовски, АХВ треба да биде носител на оперативната акција за заловување на добитокот, по што животните ќе преминат во надлежност на Агенцијата за управување со одземен имот. Во акцијата треба да биде вклучено и МВР, додека Општината и јавните претпријатија ќе обезбедат логистичка поддршка.

„Верував дека еве денеска можеме да имаме првично решение. Иако сметам дека ова кое е ставено на хартија е почеток на решавање на проблемот. Допрва ќе следи теренската активност и решение на проблемот. Имаме донесено решенија за одземање на добитокот. Единствено агенциите државни АХВ и сл. коишто се надлежни во дадената состојба треба да постапат по самите решенија.“ изјави – Сашко Митовски, градоначалник на Крива Паланка .

Во меѓувреме, Агенцијата за храна и ветеринарство потврди дека досега се заловени 96 говеда од како што општината тврди дека се 1.000.Како главни пречки ги посочува непристапниот терен и опструкциите од поранешните сопственици

Додека Владата во вторник, 24 ноември, треба да го разгледува акцискиот план, револтираните жители на Крива Паланка за утре, во 11 часот, најавуваат протест под мотото „Стоп на кравите“, со блокада на магистралниот пат, барајќи конечно и трајно решение за долгогодишниот проблем со добитокот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Продолжи рочиштетот против разрешениот апелациски судија Ристов, вештакот на одбраната ги оспорува доказите

Можна контаминација на доказите, необележани и нефотографирани фолии во кои биле парите и опасност од преност на туѓа ДНК.

Продолжи рочиштетот против разрешениот апелациски судија Ристов, вештакот на одбраната ги оспорува доказите

Можна контаминација на доказите, необележани и нефотографирани фолии во кои биле парите и опасност од преност на туѓа ДНК – вештото лице Атанас Козарев, кој денеска сведочеше по барање на одбраната на разрешениот апелационен судија – Ѓоко Ристов, со низа забелешки го доведе во прашање прибирањето на доказите од страна на полицијата во домот на родителите на обвинетиот каде беа пронајдени 350.000 евра. Според него, клучните докази против Ристов, најдената негова ДНК, се контаминирани од страна на истражителите, од кои едниот бил со скината ракавица.

„Не се забележува дека секоја фолија е фотографирана од сите страни, не се документирани нејзините преклопи, надворешна и внатрешна положба на снопот. Имаме алуминиумски фолии кои не се обележани и ја допираат подната површина која не е форензички заштитена. Кај оштетена ракавица се отвора можност за контаминација. Важно било да се утврди дали ракавиците на полицајците биле заменети и дали имало записник со кој е документирано со кои докази оперирал полицаецот кој имал скината ракавица“, беа забелешките на криминалистот Козарев.

Со ваквото постапување, според адвокатот на Ристов – Давидовиќ, не се испочитувани светските форензички стандарди на кои како држава сме потписник и ги применуваме.

-Тој не го спори ДНК-вештачењето, кое е неспорно, но го спори начинот на кој се обезбедени ДНК-трагите и дека постои реална можност од нивната контаминација и објасни зошто. Тој го спори материјалот кој што е вештачен, затоа што според стандардите кои требало да бидат применети и оваа држава е потписник на истите протоколи, не се испочитувани,- Звонко Давидовиќ – Адвокат на Ѓоко Ристов.

Она што го изготви денешниот технички советник не може да се нарече вештачење, туку осврт кон постапувањето на овластените службени лица при вршењето на претресот, кажа обвинителката Искра Хаџи – Василева, која во прашање го доведе и образованието на Козарев. Таа потенцира, дека не станува збор за стручен наод со кој се дискредитира вештачењето на трагите од биолошко потекло, кое е доказен материјал на обвинителството.

-Според оцената на обвинителството не слушнавме ништо суштинско. Според одбраната оди во делот на прибирањето на трагите и пропусти кои се таму, меѓутоа ништо суштинско со кое реално се дискредитира експертизата дадена во однос на трагите од биолошко потекло, кои се на Ѓоко Ристов, обвинетиот, а пронајдени на фолиите и на материјалот подигнат од местото. Профилот на овој технички советник не може да врши вештачење на ДНК – траги, не може бидјеќи единствено со технолошки или природни науки образование вешти лица, можат да даваат стручно мислење и осврт во однос на ДНК-материјалот,- Искра Хаџи Василева – Обвинител.

Судската постапка против судијата Ѓоко Ристов се води за пронајдените заѕидани 350.000 евра во домот на неговите родители во Неготино. Предметот е во самиот финиш, на следното рочиште на 9ти декември пред судот ќе излезе уште еден вештак на одбраната, на 15-ти следуваат завршните зборови.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Влада: Заштитата на жртвите е приоритет, насилството не смее да биде предмет на партиски препукувања

Владата веќе работи на подобрување на постојните решенија, а надлежните институции преземаат мерки во рамките на своите надлежности. 

Влада: Заштитата на жртвите е приоритет, насилството не смее да биде предмет на партиски препукувања

Во таа работа е важен придонесот на стручната јавност и на организациите што секојдневно работат со жртвите.

Воедно, сметаме дека на вака чувствителна тема јавната дебата треба да се води со особена одговорност.

Препознатливите партиски пораки во дебатата за насилството ја отежнуваат соработката што им е потребна на жртвите, а политичкиот наратив го одвлекува вниманието од прашањето што треба да биде во средиштето на вниманието, а тоа е заштита на жртвите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер