Свет

Двопартиска иницијатива во САД: конгресмените повеќе да не поседуваат акции

Конгресот со години разгледува предлози за ограничување на трговијата со акции од страна на законодавците.

Во Претставничкиот дом на САД се создаде необична коалиција од конгресмени кои ретко се согласуваат по други прашања, но овојпат се обединија во поддршка на законски предлог за забрана членовите на Конгресот и нивните семејства да поседуваат и тргуваат со акции на компании.

Групата вклучува претставници од крајната десница, левицата, умерени политичари и други. Тие се здружија за да ја поддржат забраната, која има висока јавна поддршка и добива нова динамика, откако претходно беше блокирана во Конгресот.

- Не гледате секој ден ваков состав на личности заедно, изјави републиканецот Брајан Фицпатрик, умерен конгресмен од Пенсилванија. - Тоа е нешто добро и ја покажува силата на оваа кауза, додаде тој.

Конгресот со години разгледува предлози за ограничување на трговијата со акции од страна на законодавците, поради потенцијален судир на интереси – тие често имаат пристап до информации и одлуки кои можат значително да ги раздвижат пазарите.

Сенатска комисија веќе одобри законски предлог на републиканскиот сенатор Џош Хоули од Мисури, со кој забраната би се проширила и на идни претседатели и потпретседатели – но забележително го иззема Доналд Трамп. Законскиот предлог во Претставничкиот дом засега се однесува само на Конгресот, но предлагачите изјавија дека се отворени да ја прошират мерката и кон извршната власт ако се собере доволна поддршка.

Според постојното законодавство, федералните законодавци се обврзани да ги пријавуваат своите трансакции со акции. Законот за акциите, донесен во 2012 година, предвидува транспарентност, но не ги спречува конгресмените активно да тргуваат.

Предлагачите на новиот предлог-закон наведоа дека ги обединиле своите посебни иницијативи во еден двопартиски проект. Републиканецот Чип Рој од Тексас изјави дека групата се среќава веќе неколку месеци, а некои од предлагачите работат на оваа идеја со години.

Законот не дозволува законодавците да поседуваат индивидуални акции и обврзници, но им остава можност да инвестираат во диверсифицирани инвестициски фондови, берзански фондови (ETF) и одредени суровини.

Пратениците кои моментално поседуваат акции и обврзници ќе имаат рок од 180 дена да ги отуѓат, а новоизбраните ќе мора да го сторат тоа во рок од 90 дена по стапувањето на функција.

Тагови: САД конгресмени

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Од полноќ бензините поевтини за пет денари за литар, дизелот останува со иста цена

Од полноќ според одлуката на Регулаторната комисија бензините поевтинија а дизелот остана со иста цена тој се родава за 99 денари за литар а бензините се намалија за пет денарти по литар.

.Еуросупр БС 95 се продава по цена од 91 денар за литар а Еуросупер БС 98 по цена од 93 денари за литар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Срдановиќ најавува продолжување на европската интеграција и подобрување на односите со соседите

Во меѓусебен демократски дијалог ќе одлучиме кој ќе влезе во владата и ќе продолжи да ја води земјата во најдобар интерес на нашите граѓани – вели во првото интервју по победата на предвремените избори во Србија носителот на Студентска листа Илија С.

Во меѓусебен демократски дијалог ќе одлучиме кој ќе влезе во владата и ќе продолжи да ја води земјата во најдобар интерес на нашите граѓани – вели во првото интервју по победата на предвремените избори во Србија носителот на Студентска листа Илија Срдановиќ, за хрватски Индекс.. Сега имаме голем број мандати во Собранието, а меѓу тие луѓе веќе има доволно кредибилни кандидати кои можат да бидат членови на владата или премиер – вели Срдановиќ.

Тој најавува подобрување на соработката и продолжување на европската интеграција на Србија, додавајќи дека првите чекори во полицијата, обвинителството и судството ќе бидат многу важни а како што нагласил за тоа ќе бидат потребни и слободни медиуми. За хрватски Индекс Срдановиќ потврдил и дека разговарал со хрватскиот премиер Андреј Пленковиќ, од кого добил честитка за изборната победа најавувајќи конкретизирање на соработката по изборот на новата влада.

Инаку, челниците на ЕУ беа меѓупрвите кои ја честитаа изборната победа на студентска листа.. Подготвени сме да и дадеме поддршка на новата влада на србија на нејзиниот европски пат, порача еврокомесарката Марта Кос

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Променливо облачно и посвежо со услови за врнежи од дожд

Променливо облачно и посвежо со услови за врнежи од дожд во северните делови, кои на повисоките планини ќе преминуваат во повремени врнежи од снег.

Променливо облачно и посвежо со услови за врнежи од дожд во северните делови, кои на повисоките планини ќе преминуваат во повремени врнежи од снег. Ќе дува умерен до засилен, наместа повремено силен ветер од северен правец (над 60 km/h). Минималната температура ќе биде во интервал од -2 до 8, а максималната ќе достигне од 9 до 17 степени.

Според УХМР времето во Скопје, променливо облачно и посвежо со услови за врнежи од дожд. Ќе дува умерен ветер од северен правец. Минималната температура ќе се спушти до 5, а максималната ќе достигне до 13 степени.

ВРЕМЕТО ВО НАРЕДНИТЕ ДЕНОВИ

Од утре ќе преовладува променливо облачно време, освен во северните делови каде ќе има услови за појава на врнежи од дожд, кои на повисоките планини ќе преминуваат во врнежи од снег. Ќе дува умерен, а денес и утре наместа долж Повардарието повремено засилен до силен северозападен ветер. Во петок и за време на викендот ќе има услови за врнежи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.