62 - годишен вујко си ги убил 43 годишниот внук од сестра и неговиот 12 годишен син, а потоа се самоубил во семејна драма која ги шокираше прилепчани... Според информациите, сега убиените Панчо Чупаркоски и неговиот син Милан Чупаркоски отишле во домот на Петар Ѓорѓиоски околу 15 часот. Еден час подоцна соседите слушанале истрели, кои не ги пријавиле. Според првичните информации, вујкото го повикал внукот, да се видат и инсистирал да го земе 12 годишниот син оти бил Петровден.

-Според првичните информации и сознанија од очевидци кои ги има ОВР Прилеп, околу 15:30-16:00 часот во непосредна билизина на куќата на сега починатиот П.Ѓ. се слушаат истрели од огнено оружје(најверојатно бил моментот на убиството во кое П.Ѓ. ги застрелува внукот и неговиот малолетен син) но, до тој момент нема никаква пријава во ОВР Прилеп за било какво пукање на подрачјето на Прилеп. -МВР

По злосторството, убиецот мотивот за делото го споделил на социјалните мрежи, на профил кој го користел под име Петар Мајоски, каде напишал „Мојата сестра и нејзиниот син... Ми украде и одзеде скоро се, останатото им го дадов Сам, но. Не играјте си со оние кои немаат што да изгубат!“.

Пријавата во полиција пристигнала од сопругата и мајка на убиените по 21 часот. Загрижена поради тоа што со часови ги нема, отишла до куќата на убиецот каде го видела паркиран и семејниот автомобил. Тропала на вратата, никој не отворил, па почнала од надвор да ги извикува имињата на сопругот и синот, но немало одѕив на нејзините довикувања. Набргу потоа, ја контактирала полицијата, по чие пристигнување почнала вистинска драма...

Пред да си пресуди самиот, Ѓорѓиоски пукал врз полицијата, а фрлил и бомба кон нив, која за среќа не експлодирала.. Набргу се појавил и хеликоптер над улицата „Стеван Апостолоски“, а во помош била повикана и специјалната единица „Тигар“, која влегла во куќата во 1 часот по полноќ и ги пронашла сите три тела.

-Од страна на полициски службеници била извршена проверка во домот, но никој не ја отворал вратата. По наредба од јавен обвинител, полициските службеници со употреба на сила ја отвориле вратата, и кога влегле во куќата, едно лице фрлило бомба кон нив, која почнала да чади, но не експлодирала. Откако полициските службеници излегле од куќата било пукано кон нив, при што од нив било возвратено со пукање од службено оружје кон куќата.- Сања Стаматова – СВР Битола

Во јавноста внимание привлече профилот на Фејсбук на Ѓорѓиоски кој е полн со слики од оружја, објави за трета светска војна, како и фотографии од лидерот на Северна Кореја и рускиот претседател кои во објавите претставувал како идеални лидери.

Обдукцијата на телата е во тек, а од самото место е прибран и доказен материјал.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.