Дводневно примирје во Украина по разговор Трамп–Путин - Канал 5

Свет

Дводневно примирје во Украина по разговор Трамп–Путин

Трамп побара, Путин експресно прифати привремено примирје во Украина. 

Дводневно примирје во Украина по разговор Трамп–Путин

Кремљ соопшти дека ќе го ќе се воздржи од напади два дена, иако американскиот претседател во телефонскиот разговор со рускиот колега побарал седум додека траат екстремно ниските температури во Украина, каде што илјадници жители со недели се без струја поради руските напади врз енергетската структура.

-Се работи за создавање поволни услови за преговори. Да, се разбира тоа беше лично на барање на претседателот Трамп до 1 февруари. , изјави Дмитриј Песков, портпарол на Кремљ

-Лично го замолив претседателот Путин да не го напаѓа Киев и другите градови една недела и тој се согласи на тоа. И морам да ви кажам беше многу убаво. Многу луѓе рекоа „не си го троши повикот залудно, нема да го добиеш тоа“. Но тој се согласи. , изјави Доналд Трамп, претседател на САД.

Новата рунда преговори треба да се одржи повторно во Абу Даби, откако таму пред една недела се одржа првата трилатерална средба, но без придвижување за територијалните прашања и статусот на Донбас, кои се клучни за конечен мир. Москва деновививе и формално побара, но не доби признавање на анектираните украински територии во Обединетите Нации, според кои правото на самоопределување не може да се примени. Русија се повикува на косовскиот случај, обвинувајќи ја светската организација за двојни стандарди.

-На Крим имаше референдум, а во Косово немаше. Тие едноставно рекоа „сега Косово е независно“ и со самото тоа ги навредија српскиот народ и историја. , изјави Сергеј Лавров, министер за надворешни работи на Русија.

-Нашиот став е дека принципот на самоопределување не се применува во ситуациите со Крим и Донбас. Во случајов, преовладува принципот на територијален интегритет на Украина. , изјави Антонио Гутереш, генерален секретар на ОН.

Следниот месец Украина ќе влезе во петтата година од руската инвазија. Во моментов Русија контролира една петтина од нејзината територија.

Тагови: Владимир Путин Доналд Трамп САД - Русија - Украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Мелони повикува на нормализација на односите со САД по конфликтот со Трамп

Италијанската премиерка Џорџа Мелони вели дека односите со САД мора да се вратат во нормала по јавната расправија што минатата недела ја имаше со американскиот претседател Доналд Трамп.

Мелони повикува на нормализација на односите со САД по конфликтот со Трамп

„Немам намера да продолжам да го поттикнувам овој спор“, рече италијанската премиерка, која оцени дека не постои ризик од негативни последици врз односите меѓу Италија и САД и дека врските меѓу двете држави остануваат добри. Во петокот Мелони го обвини својот некогашен близок сојузник Трамп дека измислил приказна за неа откако тој за италијанска телевизија изјави дека таа го молела да се фотографира со неа за време на неодамнешниот самит на Г-7 во Франција.

Тагови: Мелони

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Политико: Унгарија го блокира забрзувањето на преговорите на ЕУ со Украина и Молдавија

Унгарија не даде согласност за клучниот процедурален чекор неопходен за забрзување на пристапните преговори на Европската унија со Украина и Молдавија, објави Политико, повикувајќи се на двајца дипломати на Европската унија.

Политико: Унгарија го блокира забрзувањето на преговорите на ЕУ со Украина и Молдавија

Европската унија на 15 јуни официјално го отвори првиот преговарачки кластер со Украина и Молдавија, а европските челници најавија дека Киев до средината на јули ќеги отвори сите шест кластери. Остварувањето на таа цел сега е доведено во прашање, бидејќи Унгарија вчера била единствената земја членка што се спротивставила на испраќањето писмо до Европскиот совет и до Европската комисија со таков предлог. Унгарскиот премиер Петер Маѓар не се спротивстави на отворањето на првиот кластер за Украина, но претходно реагираше дека ставањето на брза лента на земјата би испратило погрешна порака до Србија, Албанија, Црна Гора и Македонија, кои со години работат на членството во Европската унија.

Тагови: Унгарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЦУК: Активни три пожари низ Македонија, во Куманово и Илинден- горат бандери, дрвја и отпад

На територијата на државата до 14:30 часот се регистрирани вкупно пет пожари на отворен простор. 

ЦУК: Активни три пожари низ Македонија, во Куманово и Илинден- горат бандери, дрвја и отпад

Од нив, три пожари се активни, еден е ставен под контрола, а два пожари се изгаснати.

Како што соопшти ЦУК, активни пожари има: во Општина Демир Хисар – с. Обедник каде гори ниска вегетација, во Општина Куманово – населба Перо Чучо каде се зафатени бандери и дрвја, и во Општина Илинден – с. Јурумлери запален е кабаст отпад.

Под контрола е ставен пожарот во Општините Свети Николе и Лозово – с. Делисинци и с. Сарамзалино, каде гори ниска вегетација.

Изгаснати се пожарите во општините Куманово на ул. „Ѓуро Пуцар“ бр. 38 и во Чашка, во с. Чашка каде горела ниска вегетација.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер