Дводневен неформален состанок на шефовите на дипломатиите на НАТО во Анталија - Канал 5

Свет

Дводневен неформален состанок на шефовите на дипломатиите на НАТО во Анталија

- Зајакнувањето на безбедноста и зголемувањето на трошоците за одбраната ќе бидат главни теми за дискусија на неформалниот состанок на министрите за надворешни работи на земјите членки на НАТО, што денеска и утре ќе се одржи во турскиот град Анталиј

Дводневен неформален состанок на шефовите на дипломатиите на НАТО во Анталија

Состанокот почнува доцна попладнево, по што ќе следи вечера што за неговите колеги ќе ја организира домаќинот на собирот, турскиот министер за надворешни работи Хакан Фидан.

Работниот дел од состанокот е предвиден за утре, кога министрите ќе го одржат неформално заседание на Северноатлантскиот совет, со кое ќе претседава генералниот секретар на НАТО, Марк Руте.

Според дипломатски извори, се очекува на состанокот министрите да се произнесат за идејата на САД за нов план за зголемување на трошоците за одбраната на ниво од пет проценти од БДП и за можностите за негово остварување. Истите извори посочуваат дека од изборот на Доналд Трамп за претседател на САД, 20 членки на НАТО веќе ветиле дека ќе ги зголемат своите буџети за одбрана.

Ставот на Американската администрација е дека „пет проценти не е само бројка, туку е неопходност за безбедноста“ на Алијансата, која се соочува со значителни закани и затоа мора да биде подготвена директно да се соочи со нив.

Според Вашингтон, тоа ниво на одбранбени инвестиции е неопходно за да се овозможи сојузниците да имаат капацитет да одвраќаат, да ја бранат Алијансата и да придонесат за колективната одбрана.

- Иако инвестирањето од пет проценти е клучно, само парите нема да ја овозможат безбедноста што ни е потребна. Без способна одбранбена индустрија што произведува она што им треба на нашите војски за да не чуваат безбедни, тие пари навистина не значат ништо и ќе бидат потрошени на непотребни работи, како што е инфлацијата, посочуваат дипломатските извори.

Од тие причини, според нив, членките на НАТО треба да го следат примерот на САД и да го зголемат одбранбеното производство и да ја зајакнат трансатлантската соработка во секторот на воената индустрија.

Истите извори посочуваат и дека зголемувањето на издвојувањето за одбраната е потребно со цел сојузниците да бидат подготвени да се соочат со секоја закана и да ги исполнат обврски наведени во Вашингтонскиот договор за основањето на НАТО.

- Планот за инвестиции од пет проценти ќе ја зајакне способноста на НАТО да одвраќа и да се брани од каква било закана, без разлика дали станува збор за конвенционални, нуклеарни или дури и хибридни закани, додаваат дипломатските извори.

Тагови: НАТО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Ебола забрзано се шири во Конго

Потврдени 71 нов случај за само 24 часа.

Ебола забрзано се шири во Конго

Демократска Република Конго пријави 71 нови случаи на ебола за едно деноноќие. СЗО и ЦДЦ предупредуваат дека актуелната епидемија би можела да стане една од најтешките досега.

Демократска Република Конго предупреди на забрзано ширење на ебола, откако во последните 24 часа беа регистрирани 71 нов потврден случај на заразата. Според најновите податоци на Министерството за здравство, од почетокот на епидемијата на 15 мај досега се потврдени вкупно 452 случаи на инфекција со реткиот сој на вирусот Бундибугио, додека бројот на починати достигна 82 лица.

Жариштето останува во североисточниот дел на земјата

Најголемиот број заболени се регистрирани во покраината Итури, во североисточниот дел на земјата, регион кој со години се соочува со безбедносни проблеми, вооружени конфликти и ограничен пристап до здравствени услуги. Здравствените власти предупредуваат дека ширењето на вирусот во локалните заедници дополнително го отежнува контролирањето на епидемијата.

Генералниот директор на Светска здравствена организација, Тедрос Адханом Гебрејесус, претстави шестмесечен план вреден 518 милиони долари за справување со кризата.

Тој ги повика владите и меѓународните донатори да обезбедат финансиска и политичка поддршка за спречување на натамошното ширење на болеста. Според СЗО, актуелната епидемија веќе се смета за четврта најголема регистрирана епидемија на ебола досега.

Американскиот Стејт департмент соопшти дека ќе обезбеди дополнителни 38 милиони долари за борба против заразата, со што вкупната американска помош ќе надмине 200 милиони долари.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Украинската армија тврди: Ја уништивме руската база на беспилотни летала во Покровск

Украинските сили извршија прецизен воздушен напад врз руска база во центарот на Покровск, Донецката област, објави на Фејсбук седмиот  корпус за брза реакција на украинските воздухопловни сили. 

Украинската армија тврди: Ја уништивме руската база на беспилотни летала во Покровск

Се вели дека е погоден објект што го користат руските сили за лансирање беспилотни летала „Молни“ и за воздушно извидување. Во соопштението се истакнува дека руските сили активно се обидуваат да ги концентрираат своите единици во градот со цел да поддржат офанзивни операции во областа под јурисдикција на 7-миот корпус.

- Според достапните информации, непријателот воспоставил база на беспилотни летала на таа локација, која ја користел за лансирање на молнски дронови за напад и за воздушно извидување. Нашите единици брзо откриваат вакви објекти и ги уништуваат - се наведува во соопштението.

Украинската војска истакнува дека успешниот удар врз центарот на Покровско значително ги нарушил активностите на руските единици кои користат беспилотни летала. Ова, додаде, ја ограничило нивната способност за спроведување извидување и извршување напади.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Видео: Силен земјотрес во Мексико

Земјотрес со интензитет од 5,4 степени според Рихтеровата скала ја погоди денес мексиканската држава Гереро, соопшти Германскиот истражувачки центар за геолошки науки (GFZ).

Видео: Силен земјотрес во Мексико

Земјотрес со интензитет од 5,4 степени според Рихтеровата скала ја погоди денес мексиканската држава Гереро, соопшти Германскиот истражувачки центар за геолошки науки (GFZ).

Во соопштението се наведува дека епицентарот на земјотресот бил на длабочина од 10 километри. Земјотресот бил малку почувствуван во Мексико Сити, објави Ројтерс.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер