Движењето ЗНАМ за наша Македонија почна кампања „Заедно повеќе знаеме“ - Канал 5

Македонија

Движењето ЗНАМ за наша Македонија почна кампања „Заедно повеќе знаеме“

 Дел од раководството на Движење ЗНАМ - За Наша Македонија предводено од претседателот на партијата, Максим Димитриевски, синоќа оствари средба со членови и симпатизери од ОО на ЗНАМ-Куманово.

Движењето ЗНАМ за наша Македонија почна кампања „Заедно повеќе знаеме“

Дел од раководството на Движење ЗНАМ - За Наша Македонија предводено од претседателот на партијата, Максим Димитриевски, синоќа оствари средба со членови и симпатизери од ОО на ЗНАМ-Куманово, како дел од кампањата „Заедно знаеме повеќе“ во насока на подготовки за локалите избори.

Од Движењето ЗНАМ соопштија дека целта е раководството на партијата директно да се запознае со проблемите на граѓаните и да се слушнат нивните предлози, сугестии и мислења, коишто ќе послужат за креирање на програмата за претстојните локални избори.

Движењето ЗНАМ – За Наша Македонија своите политики ги гради на транспарентен начин, демократски и во соработка со граѓаните. Во програмата на движењето ЗНАМ – За Наша Македонија за локалните избори главниот фокус ќе биде на решенија за подобар локален живот – урбанистички планови, инфраструктурни проекти и транспарентно управување

со општинските буџети, соопшти паријата.

Од партиското ртаководство, покрај Димитриевски присуствувале и организацискиот секретар Сашо Петрушевски, пратениците Даниел Стојчевски, Даниела Белимова и Миле Цеков, членовите на ИО Катерина Тодороска, Јасмин Циривири и Ивана Ѓорѓиевска.

Тагови: Движењето ЗНАМ

Регион

Кошта во Тирана излезе со нов моментум за проширувањето на Европската унија

Доследност и доверба.

Кошта во Тирана излезе со нов моментум за проширувањето на Европската унија

Претседателот на Европскиот совет, Антонио Кошта, доцна синоќа, пред неформалната вечера што ја приреди за учесниците на Самитот на Европската политичка заедница во Тирана од Западен Балкан, на платформата Х објави дека има нов моментум во проширувањето на Европската унија.

„Понатамошните напори за напредок кон пристапување мора да бидат водени од фундаментални принципи: доследност и доверба“.

„Доследност - од страна на ЕУ во одржувањето на проширувањето на врвот на својата политичка агенда. И доследност од страна на партнерите во усогласувањето со нашите вредности и спроведувањето реформи. Доверба - ова може да се изгради само преку отворен дијалог. Внатрешно, меѓу партнерите во регионот и со институциите на ЕУ и земјите-членки“, напиша Кошта

Тагови: Антонио Кошта

Македонија

Судот го прифатил предлогот за замена на ефективниот со куќен притвор за Бектеши

Основниот суд Кочани го прифатил предлогот на јавното обвинителство за укинување на ефективниот притвор и замена со поблага мерка, куќен притвор, за поранешниот министерот за економија Крешник Бектеши.

Судот го прифатил предлогот за замена на ефективниот со куќен притвор за Бектеши

Судот се уште нема одлучувано по останатите предлози на обвинителство за 19 лица, во врска со трагедијата во дискотеката „Пулс“ во Кочани. Портпаролот на основниот суд Кочани во изјава за МИА информира дека судија на претходна постапка одлучувал по предлогот за бектеши, додека за другите се чека делегирање на член од Кривичен совет и да се произнесат адвокатите по предлозите. Државното јавно обвинителство претходно, соопшти дека до судот во Кочани освен предлогот за замена на изречената мерка „притвор“ со „куќен притвор“ за две лица, доставен е предлог и за продолжување на претходно определени мерки притвор и куќен притвор за 18 лица.

Тагови: Крешник Бектеши

Македонија

Австриската министерка за надворешни работи Мајнл-Рајсингер во Скопје

 Министерот за надворешни работи и надворешна трговија, Тимчо Муцунски денеска ќе биде домаќин на министерката за надворешни работи на Република Австрија, Беате Мајнл-Рајсингер.

Австриската министерка за надворешни работи Мајнл-Рајсингер во Скопје

Како што информира МНРиНТ, по предвидениот официјален пречек Муцунски и Мајнл-Рајсингер ќе имаат тет-а-тет средба, а потоа ќе следува и билатерална средба помеѓу двете делегации. Во фокус на разговорите ќе биде унапредувањето на билатералните односи, реафирмирање на австриската поддршка на македонската интеграција во Европската Унија, како и размена на мислења за клучни регионални, европски и глобални прашања.

Најавена е и заедничка прес-конференција на министрите по средбите.

Според МНРиНТ, ова е прва посета на Мајнл-Рајсингер на нашата земја по стапувањето на функцијата министер за европски и меѓународни работи на Република Австрија на 3 март 2025 година.

Тагови: Тимчо Муцунски Мајнл-Рајсингер
притисни ентер