Движење на социјалистите до Парламентот поднесе предлог-закон за странски агенти - Канал 5

Балкан

Движење на социјалистите до Парламентот поднесе предлог-закон за странски агенти

Народните пратеници на владејачката партија Движење на социјалистите на вицепремиерот Александар Вулин, која е коалициски партнер на СНС, до Собранието на Србија поднесоа предлог-закон за воведување и регулирање на регистар на агенти.

Движење на социјалистите до Парламентот поднесе предлог-закон за странски агенти

Народните пратеници на владејачката партија Движење на социјалистите на вицепремиерот Александар Вулин, која е коалициски партнер на СНС, до Собранието на Србија поднесоа предлог-закон за воведување и регулирање на регистар на агенти на странско влијание, јави дописникот на МИА од Белград.

Во предлог-законот, кој вчера го поднесоа Бојан Торбица и Ѓорѓе Комленски, членови на пратеничката група на Српската напредна партија (СНС), се наведува дека агенти на странско влијание се сметаат „сите здруженија и непрофитни организации кои преку финансирање или на друг начин се помагаат од други држави, нивните тела, меѓународни и странски организации, странски државјани или регистрирани невладини организации финансирани од странство“.

Предлог-законот како странски субјекти ги препознава „владата, извршните органи на друга држава или странска политичка партија, физичкото лице кое нема српско државјанство и регистриран престој во Србија или правно лице или група правни лица што е организирана, регистрирана или основана според прописите на друга земја или која има седиште во друга земја“.

Според предлог-законот на партијата на Вулин, агент на странско влијание е и непрофитна организација „која се занимава со политичко дејствување или политички активности, како и други активности поврзани со политичко организирање и дејствување насочени кон загрозување на демократијата, нарушување на интегритетот на Србија, кршење на слободите и правата загарантирани со Уставот на Србија и поттикнување национална, расна или верска омраза и нетрпеливост“.

- Изјавите на претставниците на агентите со странско влијание, печатените материјали и материјалите што се објавуваат преку електронски медиуми, информативни и телекомуникациски мрежи или нивната дистрибуција се врши на друг начин, мора да бидат означени дека организацијата е регистрирана во Регистарот на агенти на странски влијание, кое треба да го воспостави и управува Министерството за правда на Србија, се наведува во предлог-законот.

Во случај кога непрофитна организација врши дејност, а не е запишана во Регистарот на агенти со странско влијание или нема поднесено барање за регистрација, Министерството поднесува предлог до надлежниот суд за забрана на вршење работа и поднесува пријава против одговорните лица согласно одредбите од кривичното законодавство на Србија.

Предлог законот предвидува и казни. Непрофитната организација ќе се казни со парична казна од 100.000 до 2.000.000 динари, а од 5.000 до 200.000 динари ќе се казни одговорното лице кога нема да го означи промотивниот материјал во согласност со закон, нема да поднесе пријава или при поднесување или дополнувајќи го барањето, дава неточна информација во врска со регистрацијата во Регистарот, кога нема да достави дополнување на пријавата за направените промени во пропишаниот рок и кога нема да го достави финансискиот извештај пропишан со закон.

Оваа година власта на Република Српска сакаше да го усвои законот за странски агенти, но по критиките од ЕУ и САД, го повлече предлогот од ентитетскиот парламент, непосредно пред неговото усвојување. Критичарите тврдеа дека овој предлог е сличен на рускиот закон за странски агенти од 2012 година, кој руската влада го користи за пресметка со неистомислениците.

Контроверзниот руски закон за „странски агенти“ од страна на властите се користи и за сузбивање на опозицијата на претседателот Владимир Путин, разбивање на невладини организации, медиумски куќи и поединци кои владата ги означи како странски агенти.

Европскиот суд за човекови права во октомври пресуди дека рускиот закон за „странски агенти“ ја прекршува Европската конвенција за човекови права, како и дека е „произволен“ и дека се користи на „преширок и непредвидлив начин“.

Александар Вулин, кој како вицепремиер на Србија е задолжен за подобрување на соработката со земјите од БРИКС, е чест гостин на официјални претставници во Русија.

Вулин е под американски санкции, меѓу другото, и поради неговите врски со Кремљ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

Денес се празнува Светиот апостол и евангелист Лука: Заштитник на лекарите и основач на христијанскиот иконопис

Денес се празнува Светиот апостол и евангелист Лука, автор на Евангелието и Делата на апостолите и заштитник на лекарите и иконописците.

Денес се празнува Светиот апостол и евангелист Лука: Заштитник на лекарите и основач на христијанскиот иконопис

Свети Лука – лекар и прв христијански иконописец

Светиот евангелист и апостол Лука е роден во Антиохија. Тој е еден од четворицата евангелисти. Според едни тој им припаѓал на 12-те Христови апостоли, а според други не бил во редот на овие апостоли туку во 70-те ученици на Исус. Бил верен следбеник на христовото учење и проповедал низ повеќе земји во светот. Особено по смртта на светите апостоли Петар и Павле тој христијанството го проповедал во Галија, Италија, Далмација, Македонија, Грција и други места.

Околу 60-та година го напишал евангелието, но напишал и други дела како што се Дела апостолски.

Маченичка смрт на 84-годишна возраст

Доживеал длабока старост но не се откажал од христовото учење. Според едни извори на 84-годишна возраст во Грција бил мачен и обесен на маслинка, а според други умрел од природна смрт. Телото на светиот евангелист Лука за време на царот Константин било пренесено во Цариград и погребано во црквата на Светите апостоли заедно со телата на Свети Андреј Првоповикан и свети Тимотеј.

Свети апостол и евангелист Лука бил лекар и зограф. Како добар живописец ја насликал и Богородица со малиот Исус, а подоцна и светите апостоли Петар и Павле и овие икони се сметаат за први рачно изработени икони.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Почина новинарот Бранко Радовановиќ

Почина Бранислав Бранко Радовановиќ, истакнат македонски новинар, уредник и автор, кој со децении беше дел од медиумскиот живот во земјава.

Почина новинарот Бранко Радовановиќ

Радовановиќ е роден на 16 јуни 1947 во Битола. Дипломирал на Факултетот за политички науки во Белград. Со новинарство се занимавал уште како средношколец пишувајќи за „Млад Борец“ и како студент и по дипломирањето работејќи за „Вечерње новости“ и како надворешен соработник во „Нова Македонија“. Од 1979 година работел како соработник во надворешно-политичката редакција на МТВ, а од 1985 како коментатор и во повеќе наврати уредник во оваа редакција. Неколку семестри бил асистент по теорија и практика на интердисцплинарните студии по новинарство на Универзитетот Св. Кирил и Методиј во Скопје. Од 1999 година работи во Документарната програма на МТВ. Во 2002 година станува уредник во Образовната програма на МТВ.

Некои од неговите поважни ангажмани како новинар и уредник се известувањата од поранешниот Советски Сојуз, од Заливската војна и од војната во Босна, за Македонците во Бугарија, Албанија и Грција.

Во 1994 година го доби признанието „Кристе Мисирков“. Бранислав Бранко Радовановиќ беше член на Советот за Радиодифузија од април 2009 година со мандат од 6 години.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хаосот во Полска не стивнува: Претседателот свика итен состанок

Полскиот претседател Карол Навроцки свика итни консултации со претставници на парламентарните партии поради ескалацијата на конфликтот околу Уставниот суд, што предизвика сериозна политичка криза во земјата.

Хаосот во Полска не стивнува: Претседателот свика итен состанок

„Поради заканата по внатрешната безбедност на Република Полска, денеска свикувам итни консултации со учество на претставници на парламентарните сили, со цел да се стабилизира политичката состојба и да се воспостави уставниот поредок“, изјави шефот на кабинетот на Навроцки, Павел Шефернакер, пренесува полската телевизија „Република“.

Засега не е прецизирано кога ќе се одржат консултациите.

Навроцки вчера ја прекина својата официјална посета на Сенегал и се врати во Полска, откако полицијата влезе во просториите на Уставниот суд, а претседателот на таа институција, Богдан Свјенчковски, беше суспендиран.

„Во ваков момент, претседателот мора да биде во Полска. Ја прекинувам посетата на Сенегал и се враќам“, напиша Навроцки на платформата „Икс“ (X).

Од полицијата соопштија дека нејзини припадници влегле во зградата на Уставниот суд по инцидентите пред оваа институција, при што кон полициските службеници биле фрлани опасни предмети. Демонстранти се собраа пред зградата на судот и се обидоа да ја пробијат заштитната ограда, поради што беа распоредени дополнителни полициски сили.

Уставниот суд на својата веб-страница објави дека Свјенчковски е суспендиран, додека министерот за правда Валдемар Журек поднесе барање за негово разрешување од функцијата вршител на должноста претседател на судот, како и за одземање на неговиот имунитет.

Во Варшава, повеќемесечниот судир околу контролата врз полското правосудство синоќа ескалираше. Сè започна кога судијката Ана Корвин-Пјотровска најави едномесечна суспензија за претседателот на Уставниот суд, Богдан Швјенчковски, и неговиот заменик, Бартломеј Сочански.

Овој потег доведе до присуство на полиција за разбивање демонстрации пред зградата на судот, предизвика протести на улиците и го принуди полскиот претседател Карол Навроцки да ја прекине официјалната посета на Сенегал – додека сè уште беше во авион – и да се врати во земјата.

Демонстранти и политичари од десничарската опозиција – предводени од Јарослав Качински, лидер на партијата „Право и правда“ (PiS) – се собраа пред Уставниот суд. Полицијата распореди сили околу комплексот по барање на судијката Корвин-Пјотровска, која проценила дека постои потенцијална безбедносна закана. Во текот на вечерта дојде до помали судири, некои поединци фрлаа предмети кон полицајците, а три лица беа приведени откако се обидоа да ја преминат заштитната бариера.

Тагови: Полска

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер