Две момчиња се забија во дрво со 140 км/час, сакале да ја испробаат „бесната машина“- велигденска трагедија во Романија (ВИДЕО) - Канал 5

Балкан

Две момчиња се забија во дрво со 140 км/час, сакале да ја испробаат „бесната машина“- велигденска трагедија во Романија (ВИДЕО)

Давид и Михаи, 20-годишници, загинаа на Велигден откако со голема брзина излетаа од патот на кривина и удрија со дрво, а потоа и во друго!

Две момчиња се забија во дрво со 140 км/час, сакале да ја испробаат „бесната машина“- велигденска трагедија во Романија (ВИДЕО)

Трагедијата се случила на околу 40 километри од Букурешт, додека младите мажи се враќаа дома од прослава на Велигден.

Според извештаите на медиумите во Романија, Михаи неодамна добил автомобил од своите родители вреден речиси 100.000 евра како подарок, кој имал мотор со најмалку 500 коњски сили под хаубата.

Му го дале подарокот во пресрет на неговиот 21-ви роденден, кој требало да го прослави за две недели. За жал, тоа го одвело до смртта.

Судбоносната вечер, кратко по 22 часот, Михаи и неколку пријатели тргнале кон Букурешт. Давид седнал со него за да ја види „новата машина“, додека другите момчиња влегле во друг автомобил. Некаде на половина пат, Михаи притиснал на гаста и ги престигнал со вртоглава брзина. Потоа едноставно „исчезнал“.

Пријателите прво ги следеа, но им беше чудно што не ги стигнуваат. Се обидоа да ги повикаат, но тие не се јавуваа на мобилните телефони. Тогаш сфатија дека нешто не е во ред. Набрзо видоа ужасна сцена - дрво пресечено на половина во шумата покрај патот, а потоа и згужвано возило закачено на друго дрво. Немаше бегство за Давид и Миха. Тие останаа мртви на самото место.

Предупредување: Снимката содржи вознемирувачки сцени

YouTube video

Се верува дека Михаи возел во кривината со околу 140 км/ч. Токму оваа брзина останала „закачена“ на гумата и која полицијата и лекарите ја виделе кога двајцата мртви млади мажи успеале да бидат извлечени од уништеното возило по три часа.

Родителите на Давид исто така беа сведоци на сцената, кои пристигнаа на местото на несреќата во шок. Дваесетгодишниот Давид беше единствено дете, а соседите го опишаа како мирен и добар млад човек.

„Мајка е во шок, татко е во шок. Тој беше примерно дете“, тажно велат соседите.

Михаи бил студент на Факултетот за физичко образование и спорт во Букурешт. На 20-годишна возраст, тој веќе имал страст за брзина. Луѓето што биле со него на прославата за Велигден нагласуваат дека тој не пиел, ниту пак некогаш конзумирал дрога.

Се снимил себеси пред смртта како вози со 300 км/ч

Пред два дена, тој се снимил себеси на автопат додека возел со 300 км/ч. Автомобилот од 95.000 евра во кој го загубил животот бил подарок од неговите родители, добиен однапред за неговиот роденден, кој требало да го прослави за две недели.

Младиот човек, кој требало да наполни 21 година, не ја пропуштил можноста да се сними себеси како тестира супер автомобил, возејќи низ Букурешт со истата неодговорност што подоцна го чинела и неговиот живот.

Тагови: момчињата Романија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Голем пожар во туристички регион во Турција: Евакуирана болница и десетици куќи (ВИДЕО)

Голем шумски пожар што избувна во туристичкиот регион Мугла во југозападна Турција доведе до евакуација на жителите и затворање на еден главен пат.

Голем пожар во туристички регион во Турција: Евакуирана болница и десетици куќи (ВИДЕО)

Десетици домови се евакуирани, како и одделението за интензивна нега во локалната болница, а автопатот помеѓу Фетије и Анталија е затворен поради густ чад, објавува Бианет.

Пожар потпомогнат од ветер се прошири

Пожарот избувна на обработливо земјиште во населбата Бајир во округот Сејдикемер во Турција. Силните ветрови потоа го проширија во блиската шума. Пожарот се гаси од воздух и од копно, а според соопштението од канцеларијата на гувернерот на Мугла, на терен се распоредени речиси 400 луѓе, пет авиони и 12 хеликоптери.

Превентивни евакуации

Како мерка на претпазливост, властите евакуираа 65 лица од 43 домови лоцирани во близина на местото на пожарот. Одделенијата за интензивна нега и палијативна нега на Државната болница Сејдикемер се исто така евакуирани. Болницата е оддалечена околу 2,5 километри од пожарот.

Прекин во сообраќајот

Автопатот што ги поврзува Анталија и Сејдикемер е затворен за сообраќај. Властите соопштија дека пожарот и густиот чад целосно го покриле подрачјето, што го направило сообраќајот небезбеден.

Тагови: пожар турција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Ал-Итихад му понудил на Меси рекордни 1,5 милијарди евра, но тој ги одбил

Претседателот на саудискиот клуб Ал-Итихад, Анмар Ал Хаили откри дека бил подготвен да го урне светскиот рекорд за највреден договор во спортот само за да го доведе Лионел Меси.

Ал-Итихад му понудил на Меси рекордни 1,5 милијарди евра, но тој ги одбил

Според првиот човек на Ал-Итихад, клубот му понудил на капитенот на Аргентина фантастични 1,5 милијарди евра по заминувањето од ПСЖ, за трансвер во Саудиска Арабија, но Лео без двоумење ја одбил понудата и се решил кариерата да ја продолжи во Интер Мајами.

„Му понудивме 1,5 милијарди евра, но тој ја одби понудата затоа што неговото семејство сакаше да живее во Мајами“, изјави Ал Хаили.

Еден од најдобрите светски фудбалери во историјата без многу размислување ја одбил фанстатичната понуда бидејќи сакал да остана доследен на своите лични приоритети и изборот во иднина да продолжи да живее во САД иако саудискиот клуб бил подготвен да понуди историски договор.

39 годишниот Меси по заминувањето од Париз, од 2023 живее во Мајами во САД, каде го носи дресот на Интер Мајами.

Тагови: Лионел Меси

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски на работен состанок за реформската агенда: Остануваме посветени на спроведување на реформите

Премиерот Мицкоски денеска одржал работен состанок посветен на реформската агенда, на кој преку онлајн обраќање учествувал директорот на Генералниот директорат на европската комисија за проширување и источно соседство, Герт Јан Копман.

Мицкоски на работен состанок за реформската агенда: Остануваме посветени на спроведување на реформите

На состанокот се зборувало за досегашниот напредок, следните чекори и координацијата меѓу институциите, со цел реформските процеси да продолжат ефикасно, навремено и во согласност со утврдените приоритети. На состанокот на кој учествувал и заменик министерот за јавна администрација Лазе Јаќимовски, во фокусот биле и реформите во јавната администрација, информираа од ресорното министерство

Остануваме посветени на спроведување на реформите што ќе придонесат за поефикасни институции, подобри услуги за граѓаните и забрзан напредок на државата, изјави денеска Мицкоски.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер