Судот го прогласи за виновен за кривично дело грубо насилство, а судијата во случајот Билјана Коцевска посочи дека делото е извршено врз фукционер , при вршење на својата фукнција и во присуство на повеќе службеници од Град Скопје, со што бил извршен и директен напад врз државна институција, што било недозволиво. Кажа и дека обвинетиот користел физичка надмоќ врз градоначалничката, со оглед на тоа што таа била жена, а тој како маж бил физички посилен од неа.

-Делото е извршено на фукционер при вршење на својата фукција со повеќе лица службеници од градот Скопје. Како отежнителни околности се земени тежината на делото, интензитетот на дејствието, фактот што делото е извршено на јавно место, повредите кој ги нанел и неговото недолично однесување кое предизвикало чувство на страв кај повеќе граѓани, меѓу кои и вршител на јавна фукција. Кога насилството е насочено кон институциите правдата мора да биде видлива. Никој од ниту една причина не смее да ја земе правдата во свои раце, а ако е незадоволен од работата на институциите тоа може да го направи по мирен и легален пат. - Билјана Коцевска – судија

Кривичниот законик за вакво дело предвидува од 6 месеци до 5 години казна затвор, па како олеснителни околности судот во предвид ги зел возраста, брачниот статус, фактот што бил неосудуван како и здравствената состојба на Љамалари, за кој до судот имал доставена медицинска документација со дијагноза. Од оваа причина неговиот бранител до правосилноста на пресудата побара мерки на предпазливост или домашен притвор, но судот сепак донесе одлука за ефективен притвор. Одбраната на Љамалари најави дека ќе ги обжали и оваа одлука на судот и самата пресуда.

- Изјави за медиумите не добивме ниту од обвинителот, ниту од оштетената страна, ниту пак од страната на веке прогласениот за виновен Сулејман Љамалари. Единствено што најави неговата одбрана е дека ќе ја обжали пресудата, но и одлуката на судот за продолжување на мерката ефективен притвор.

Потоа на социјалните мрежи се огласи Арсовска, каде напиша дека пресудата претставувала системска победа за жртвите на насилство, за секоја жена и мајка и за напад кој претставувал и атак врз институцијата градоначалник.

-Насилникот не покажа ни трошка каење за стореното, со својот однос континуирано се исмеваше со судот и јавноста. Дури се обиде жртвата да ја претстави како напаѓач, а себеси иако е насилник да се претстави дека бил тепан од жена. – напиша Арсовска на Фејсбук

Инцидентот се случи на 11 јули во скопската населба Чаир, при увид по пријава за дивоградба од страна на градоначалничката Арсовска. Според обвинението Љамалари на местото пристигнал со електричен тротинет и ја нападнал Арсовска удирајки ја по лице и рака, а потоа со нога во потколеница и притоа упатувајки и сериозни сакани. Тој за време на судењето иако призна дека упатил вулгарности, неколкупати изјавуваше дека не се чувствува за виновен и дека Арсовска била онаа која физички го нападнала него.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.