Две години војна во Украина - Можен ли е мир во 2024 година?

Уморни од војна и без големи очекувања дека конфликтот наскоро ќе заврши.

Во амбиент на неизвесност и со спорадичните звуди на сирени, Украинците ја дочекуваат втората годишнина од инвазијата на Русија, по која веќе ништо не е исто.

-Непријателот нема да запре, ќе продолжи да се обидува да ги зазема нашите територии. , вели жител на Киев.

И на бојното поле, состојбата не оди во прилог на Киев, откако украинската контраофанзива не ги даде очекуваните ефекти, а Русија по ланското статус кво ја освои стратешки важната Авдиивка, која е своевидна отворена порта на регионот Доњецк. Дополнителен проблем е блокадата на американската помош од 61 милијарди долари за Украина во Претставничкиот дом.

-Секако, ни треба мобилизирање на уште војници за да одмориме. Преморени сме веќе, бидејќи на линијата на фронтот сме од почетокот. , вели украински војник стациониран во харкивскиот регион.

Експертите очекуваат дека сега руската војска ќе се насочи кон освојување на градовите Мирнохрад и Покровск, со што ќе се обиде да го прошири фронтот кон реката Дњепар. Москва предупредува дека прашање на време е кога повторно ќе тргне и кон главниот град.

-Дали тоа ќе биде Киев? Да, веројатно, треба да биде Киев. Ако не сега, тогаш по некое време, можеби во некоја друга фаза од развојот на овој конфликт. , изјави Дмитриј Медведев, Заменик-претседателот на Советот за безбедност на Русија .

За претседателот Зеленски освен забрзување на воената помош, вели неопходно е Украинците да го задржат победничкиот дух.

-Дали војната ќе заврши во 2024-та. Мислам дека никој не знае. Вие можете да живеете со скептицизам, но можете и да ја загубите земјата ако сте скептични. , изјави Володмир Зеленски, претседател на Украина.

Проценките се дека од почетокот на инвазијата загинале 10 илјади цивили. Бројот на воени загуби од двете страни се проценува на повеќе десетици загинати војници.

Драматична снимка на спасување од автомобил во пламен- попусто ја отвораат вратата (ВИДЕО)

Група добри Самарјани успеале да скршат запален автомобил и да спасат маж заробен внатре, додека драматичниот момент на спасувањето бил снимен во Минесота.

На видеото се гледа група луѓе околу автомобил зафатен од пламен. Тие очајнички се обидуваат да ја отворат вратата пред некој да го скрши прозорецот на возачот и потоа да го повлече на безбедно.

Инцидентот се случил минатиот четврток околу 18 часот и 30 минути.

Властите соопштија дека Хонда скршнала надесно и удрила во столб од светло, а потоа и во заштитна ограда пред да се запали, создавајќи чад и голем пожар.

Возачот потоа бил пренесен во болница, но за среќа не се здобил со сериозни повреди.

Нарачувале бифтеци, купишта десерти, испиле 15 шишиња вино, а потоа извеле познат трик (ВИДЕО)

Италијанскиот ресторан Bella Ciao во Порт Талбот, западно од Свонси, Британија, обвини група гости, најверојатно членови на исто семејство, дека си заминале без да си ја платат сметката.

Менаџерот тврди дека нарачале скапи бифтеци, двојни десерти и 15 шишиња вино, а кога дошло време да се платат работите „станале чудни“.

На видеата и фотографиите, кои ресторанот ги објави на Фејсбук, се гледа дека жена, најверојатно мајка, се обидува со картичка да плати сметка од 380 евра.

Плаќањето било одбиено двапати, а вработените тврдат дека жената рекла дека нејзиниот син ќе ја чека во барот додека таа „одеше да земе друга картичка“, пишува Дејли мејл.

Претставниците на ресторанот наведуваат дека таа не се вратила, а и момчето побегнало од местото на настанот.

„Мојот син сакаше да тргне по него, но јас му реков да престане“, изјавил менаџерот Тајрон Рис.

Тој додава дека не успеал да стапи во контакт со групата гости бидејќи бројот со кој ја направиле резервацијата бил „лажен“. Случајот подоцна го пријавил во полиција.

Снимката што беше објавена стана вирална во текот на викендот, а Тајрон Рис тврди дека добил многу повици од други ресторани кои имале слични инциденти со семејството (кое не платило).

Тој додава дека е „разочаран од реакцијата на властите“.

„Плаќам даноци, но се чини дека сум немоќен. Ме нервира кога знам дека ова се случува и дека се извлекуваат со тоа“.

Итно е евакуиран хотел во Рим поради токсично испарување од базенот, настрадале пет лица

Најмалку пет лица се затруени во хотел во центарот на Рим, кога од базенот се испуштале штетни испарувања.

Наредена е итна евакуација на сите присутни гости и вработени.

Според италијанските медиуми, повредените се во болница, а едно лице е во многу тешка состојба.

Вработените во хотелот се затруени, а најмалку 35 лица се евакуирани.

Во моментот кога алармот се вклучил, во хотелот имало само неколку туристи кои престојувале на појадок.

Отровните испарувања „доаѓале“ од бањата и велнес центарот на долниот кат од хотелот, а се сомневаат дека се од базенот.

Полицијата го обезбедувала и просторот во непосредна близина на хотелот, а поради отровните испарувања биле затворени околните улици.

притисни ентер