Две дињи постигнаа рекорд- продадени се за 31.000 евра и ќе бидат изложени во супермаркет - Канал 5

Две дињи постигнаа рекорд- продадени се за 31.000 евра и ќе бидат изложени во супермаркет

Пар таканаречени „премиум“ дињи од јапонскиот остров Хокаидо се продадени на аукција за рекордни 5,8 милиони јени, што е еквивалентно на околу 31.000 евра.

Две дињи постигнаа рекорд- продадени се за 31.000 евра и ќе бидат изложени во супермаркет

Ова го собори претходниот рекорд од пет милиони јени од 2019 година, објави Кјодо.

„Се надевам дека луѓето ќе уживаат“

Парот дињи ги купи на аукцијата Футами Сеика, трговец на големо со овошје и зеленчук, кој потоа ги продаде на Кеио Стор, со план да ги изложи во еден од своите супермаркети во Токио.

„Се надевам дека луѓето ќе уживаат во овие дињи од Хокаидо“, рече Хироказу Окубо, раководител на продажба во Футами Сеика.

Познати по своето сочно портокалово месо и сладост

, дињите Јубари често се испраќаат како подароци во Јапонија, според Кјодо.

Локалните земјоделци планираат да испорачаат 3.086 тони дињи во вредност од околу 2,12 милијарди јени оваа година, а најголемата жетва се очекува во јуни и јули.

„Премиум“ овошјето често достигнува многу високи цени на првите аукции во Јапонија, а купувачите ги користат успешните понуди за промотивни цели.

Прескапа „кошничка со овошје“

Потсетете се дека неодамна, инфлуенсерката од Лондон, Карми Селито, остави многумина во шок откако потроши 500 фунти (околу 570 евра) за луксузна „кошничка со овошје“ во Токио.

Внатре пронашол големи боровинки, кои ги нарекол „најскапите во светот“, потоа „најсовршениот“ портокал, „најскапото“ манго, киви оценето со „10/10“, домат во стаклена кутија, ананас и вкусна диња која ја опиша како „вредна за секој денар“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Утре протест во Крива Паланка, проблемот со добитокот ќе се решава со акциски план, но активностите се уште не се допрецизирани

Првично најавената, па подоцна одложена прес-конференција на Министерството за земјоделство, на која денеска требаше да бидат соопштени мерките за решавање на долгогодишниот проблем со кравите во Крива Паланка.

Утре протест во Крива Паланка, проблемот со добитокот ќе се решава со акциски план, но активностите се уште не се допрецизирани

Првично најавената, па подоцна одложена прес-конференција на Министерството за земјоделство, на која денеска требаше да бидат соопштени мерките за решавање на долгогодишниот проблем со кравите во Крива Паланка, повторно ја отвори дилемата кога конечно ќе се стави крај на проблемот со добитокот што со години ги мачи кривопаланчани.

Иако пред новинарите требаше да се обратат министерот Борче Серафимовски, директорот на Агенцијата за храна и ветеринарство, Јовица Андовски, и градоначалникот Сашко Митовски, прес-конференцијата не се одржа.

Од Министерството за Канал 5 објаснуваат дека причината за одложувањето е потребата од дополнителна меѓуинституционална координација и допрецизирање на акцискиот план.

„Денешната прес-конференција е одложена бидејќи во текот на меѓуинституционалната комуникација и координација се отворија нови прашања околу организацијата на веќе утврдените активности. Поради тоа, се појави потреба од допрецизирање на одредени делови од Акцискиот план пред неговото понатамошно институционално процесирање. Подготовката е во завршна фаза, во моментов се допрецизираат обврските на секоја институција и редоследот по кој ќе се исполнуваат обврските. Штом биде усвоен од страна на Владата, Министерството за земјоделство, шумарство и водостопанство ќе ја соопшти временската рамка за граѓаните да бидат информирани кога ќе започнат активностите.“ – Министерство за земјоделство, шумарство и водостопанство.

Од друга страна, градоначалникот на Крива Паланка, Сашко Митовски, во денешното гостување во утринската програма на Канал 5 изрази жалење поради одложувањето на прес-конференцијата.

Како што досега на многу пати говореше Митовски, АХВ треба да биде носител на оперативната акција за заловување на добитокот, по што животните ќе преминат во надлежност на Агенцијата за управување со одземен имот. Во акцијата треба да биде вклучено и МВР, додека Општината и јавните претпријатија ќе обезбедат логистичка поддршка.

„Верував дека еве денеска можеме да имаме првично решение. Иако сметам дека ова кое е ставено на хартија е почеток на решавање на проблемот. Допрва ќе следи теренската активност и решение на проблемот. Имаме донесено решенија за одземање на добитокот. Единствено агенциите државни АХВ и сл. коишто се надлежни во дадената состојба треба да постапат по самите решенија.“ изјави – Сашко Митовски, градоначалник на Крива Паланка .

Во меѓувреме, Агенцијата за храна и ветеринарство потврди дека досега се заловени 96 говеда од како што општината тврди дека се 1.000.Како главни пречки ги посочува непристапниот терен и опструкциите од поранешните сопственици

Додека Владата во вторник, 24 ноември, треба да го разгледува акцискиот план, револтираните жители на Крива Паланка за утре, во 11 часот, најавуваат протест под мотото „Стоп на кравите“, со блокада на магистралниот пат, барајќи конечно и трајно решение за долгогодишниот проблем со добитокот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Продолжи рочиштетот против разрешениот апелациски судија Ристов, вештакот на одбраната ги оспорува доказите

Можна контаминација на доказите, необележани и нефотографирани фолии во кои биле парите и опасност од преност на туѓа ДНК.

Продолжи рочиштетот против разрешениот апелациски судија Ристов, вештакот на одбраната ги оспорува доказите

Можна контаминација на доказите, необележани и нефотографирани фолии во кои биле парите и опасност од преност на туѓа ДНК – вештото лице Атанас Козарев, кој денеска сведочеше по барање на одбраната на разрешениот апелационен судија – Ѓоко Ристов, со низа забелешки го доведе во прашање прибирањето на доказите од страна на полицијата во домот на родителите на обвинетиот каде беа пронајдени 350.000 евра. Според него, клучните докази против Ристов, најдената негова ДНК, се контаминирани од страна на истражителите, од кои едниот бил со скината ракавица.

„Не се забележува дека секоја фолија е фотографирана од сите страни, не се документирани нејзините преклопи, надворешна и внатрешна положба на снопот. Имаме алуминиумски фолии кои не се обележани и ја допираат подната површина која не е форензички заштитена. Кај оштетена ракавица се отвора можност за контаминација. Важно било да се утврди дали ракавиците на полицајците биле заменети и дали имало записник со кој е документирано со кои докази оперирал полицаецот кој имал скината ракавица“, беа забелешките на криминалистот Козарев.

Со ваквото постапување, според адвокатот на Ристов – Давидовиќ, не се испочитувани светските форензички стандарди на кои како држава сме потписник и ги применуваме.

-Тој не го спори ДНК-вештачењето, кое е неспорно, но го спори начинот на кој се обезбедени ДНК-трагите и дека постои реална можност од нивната контаминација и објасни зошто. Тој го спори материјалот кој што е вештачен, затоа што според стандардите кои требало да бидат применети и оваа држава е потписник на истите протоколи, не се испочитувани,- Звонко Давидовиќ – Адвокат на Ѓоко Ристов.

Она што го изготви денешниот технички советник не може да се нарече вештачење, туку осврт кон постапувањето на овластените службени лица при вршењето на претресот, кажа обвинителката Искра Хаџи – Василева, која во прашање го доведе и образованието на Козарев. Таа потенцира, дека не станува збор за стручен наод со кој се дискредитира вештачењето на трагите од биолошко потекло, кое е доказен материјал на обвинителството.

-Според оцената на обвинителството не слушнавме ништо суштинско. Според одбраната оди во делот на прибирањето на трагите и пропусти кои се таму, меѓутоа ништо суштинско со кое реално се дискредитира експертизата дадена во однос на трагите од биолошко потекло, кои се на Ѓоко Ристов, обвинетиот, а пронајдени на фолиите и на материјалот подигнат од местото. Профилот на овој технички советник не може да врши вештачење на ДНК – траги, не може бидјеќи единствено со технолошки или природни науки образование вешти лица, можат да даваат стручно мислење и осврт во однос на ДНК-материјалот,- Искра Хаџи Василева – Обвинител.

Судската постапка против судијата Ѓоко Ристов се води за пронајдените заѕидани 350.000 евра во домот на неговите родители во Неготино. Предметот е во самиот финиш, на следното рочиште на 9ти декември пред судот ќе излезе уште еден вештак на одбраната, на 15-ти следуваат завршните зборови.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Влада: Заштитата на жртвите е приоритет, насилството не смее да биде предмет на партиски препукувања

Владата веќе работи на подобрување на постојните решенија, а надлежните институции преземаат мерки во рамките на своите надлежности. 

Влада: Заштитата на жртвите е приоритет, насилството не смее да биде предмет на партиски препукувања

Во таа работа е важен придонесот на стручната јавност и на организациите што секојдневно работат со жртвите.

Воедно, сметаме дека на вака чувствителна тема јавната дебата треба да се води со особена одговорност.

Препознатливите партиски пораки во дебатата за насилството ја отежнуваат соработката што им е потребна на жртвите, а политичкиот наратив го одвлекува вниманието од прашањето што треба да биде во средиштето на вниманието, а тоа е заштита на жртвите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер