Дванаесетта пол – позиција сезонава за Верстапен

Светскиот првак во Формула 1, Макс Верстапен, ќе стартува од пол – позицијата на трката со која утре во Абу Даби ќе биде означен крај на сезоната во Формула 1.

Холандскиот возач во болидот на Ред Бул уште еднаш доминираше во квалификациите и дојде до својата 12 пол – позиција оваа сезона, а вкупно 32 во кариерата. Со тоа Верстапен се израмни со легендрниот Најџел Менсел на седмото место во оваа статистичка категорија.

Второ најбрзо време на денешните квалификации имаше Шарл Леклер (Ферари), а од третата позиција ќе стартува Австралиецот Оскар Пјастри (Мекларен). Вториот ред ќе го комплетира возачот на Мерцедес, Џорџ Расел.

Утрешната трка за Големата награда на Абу Даби стартува во 14 часот по средноевропско време, а во генералниот пласман со 549 бодови води Верстапен, кој одамна ја обезбеди титулата светски првак. /МИА

Мајмун остави 22 милиони луѓе без струја- цела држава во темнина поради колапс на системот

Прекинот на струја што се случил во Шри Ланка е предизвикан на многу необичен начин - мајмун влегол во трафостаница.

„Мајмунот дошол во контакт со трансформатор, предизвикувајќи прекин во системот за снабдување со електрична енергија“, рече во изјавата министерката за енергетика на Шри Ланка, Кумара Јајакоди.

Министерката Јајакоди наведува, како што пренесува Le Figaro во Париз, дека инцидентот се случил во јужните предградија на главниот град Коломбо. Проблемот сè уште не е целосно решен, иако потрошувачите во некои области ја вратија струјата. Засега не е јасно уште колку време ќе биде потребно за сите да добијат струја.

„Инженерите се на местото на прекинот и работат на што поскоро враќање на струјата“, изјави министерот Јајакоди.

Фигаро потсетува дека Шри Ланка со месеци страдаше од недостиг на електрична енергија во летото 2022 година, кога земјата западна во економска криза, а жителите тогаш имаа струја само 13 часа на ден.

Шри Ланка има население од околу 22 милиони жители.

Примерок од првото издание на книгата за Хари Потер на аукција е продаден за 18.000 фунти

Реткото прво издание на романот на Џ.К.Роулинг, Хари Потер и каменот на мудроста, е продадено на аукција за 18.000 фунти( околу 22.000 евра) , пренесуваат денеска британските медиуми.

Овој примерок е дел од првото издание објавено во 1997 година, пишува весникот Стандард.

Се очекувало примерок од романот да се продаде за 20.000 до 30.000 фунти (24.000 до 36.000 евра).

Ова е копија која е наменета за библиотеки, а на една од првите страници има ознака за библиотека.

Копијата е исто така единствена по тоа што содржи три грешки при печатењето.

Серијата романи за Хари Потер, која вклучува седум книги подоцна адаптирани во блокбастер филмови, стана една од најпопуларните во светот.

Маск: Не сакам да го преземам ТикТок

Мултимилијардерот Илон Маск,сојузник на американскиот претседател Доналд Трамп, изјави дека не е заинтересиран да ја купи TikTok,социјалната мрежа која САД се обидуваат да ја забранат поради наводна безбедносна закана од нејзините кинески сопственици.

Изјавата на Маск од крајот на јануари е објавена вчера на веб-страницата на WELT Group, дел од германската медиумска корпорација Axel Springer SE, која беше домаќин на настанот, на кој како гостин беше сопственикот на Tesla, SpaceX и X преку видео врска.

„Не дадов понуда за TikTok“, рече милијардерот една недела откако Трамп предложи дека е отворен Маск да ја преземе апликацијата, во сопственост на кинеската ByteDance.

„Немам планови што ќе правам со TikTok“, рече Маск, додавајќи дека тој лично не ја користи апликацијата и не е запознаен со нејзиниот формат.

„Воопшто не сум желен да го преземам TikTok, обично не преземам компании, тоа е многу ретко“, продолжи Маск, нарекувајќи го своето преземање на поранешниот Твитер необично.

„Генерално градам компании од темел“, додаде тој.

Трамп потпиша извршна наредба со која бара одложување на забраната на популарната апликација, која требаше да биде блокирана во САД на 19 јануари.

На ByteDance му е даден рок во јануари да ги продаде американските средства на TikTok или ќе се соочи со забрана. Американските законодавци се загрижени дека апликацијата претставува закана за националната безбедност бидејќи кинеските власти би можеле да ја принудат да споделува податоци за американските граѓани.

притисни ентер