Дванаесет пациенти хоспитализирани во ковид- центарот во кичевската Општа болница - Канал 5

Здравје

Дванаесет пациенти хоспитализирани во ковид- центарот во кичевската Општа болница

Деновиве и во нашата општина почна да расте бројот на новозаболени од Ковид-19.

Дванаесет пациенти хоспитализирани во ковид- центарот во кичевската Општа болница

Последните неколку дена забележливо е како бројот на новозаболени од Ковид-19 е во пораст и како резултат на зголемениот број инфицирани е и бројот на хоспитализирани во ковид- центарот, кој до пред една недела редовно беше едноцифрен, додека неделава бројот се зголемува и денес се изнесува 12 пациенти.

-Деновиве и во нашата општина почна да расте бројот на новозаболени од Ковид-19. Секојдневно во нашата лабораторија се тестираат од 10 до 20 пациенти од кои барем половината се позитивни.Како резултат на зголемениот број на позитивни случаи е и двоцифрениот број на хоспитализирани пациенти во нашиот ковид- центар и изнесува 12 лица ,од кои повеќето се на кислородна подршка, додека во еден случај поради потешка здравствена состојба ќе биде транспортиран на скопските клиники. Засега сите инфицирани во нашата болница се со Делта вирусот, истакна Станко Трпески, директор на кичевската Општа болница.

И додека болните се лекуваат во ковид- центарот, во исто време во Здравствениот дом тече вакцинацијата против сезонски грип и против Ковид-19. Интересот на граѓаните за вакцинација за сезонски грип е голем, додека интересот за вакцинација против корона вирусот е нешто помал.

-Во изминатите четири недели во нашиот Здравствен дом со бесплатна вакцина против сезонски грип се вакцинирани околу 1 400 граѓани и се уште на располагање ни стојат 250 вакцини, кои сметаме дека до крајот на оваа календарска година ќе бидат целосно потрошени. Покрај со бесплатна вакцина, во Центарот за јавно здравје во Кичево се врши вакцинација со комерцијална вакцина со наплата од 800 денари, истакна Џабир Бајрами директор на Здравствениот дом и посочи дека интересот за трета вакцина не е задоволителен и во изминатите неколку месеци со трета вакцина се вакцинирале 1 850 граѓани а се работи за лица на постара возраст.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Порака од претседателката Сиљановска-Давкова по повод еврејскиот празник Јом Кипур

Претседателката Гордана Сиљановска-Давкова упати порака до претседателот на Еврејската заедница Пепо Леви и до сите нејзини припадници, по повод одбележувањето на еврејскиот празник Јом Кипур.

Порака од претседателката Сиљановска-Давкова по повод еврејскиот празник Јом Кипур

Почитуван г. Пепо Леви,

Дозволете ми, Вам, лично, како и на сите припадници на Еврејската заедница во Македонија на чие чело сте, со длабока почит кон Јом Кипур, да ви упатам искрени желби за духовен мир, здравје и благосостојба!

Јом Кипур, најсветиот и највозвишениот празник во еврејската духовна традиција, е празник на тишината и молитвата, на постот и преиспитувањето, на покајанието и простувањето.

На овој ден, човекот се повлекува од секојдневната врева и, со искрено и смирено срце, се соочува со сопствената совест, со своите постапки и со одговорноста што ја има кон ближниот, кон семејството и кон заедницата.

Нашата човечка големина не е во совршеноста и безгрешноста, туку во храброста да признаеме грешка, да се преиспитаме, да побараме прошка и да најдеме сила да простиме.

Денешниот ден нè потсетува дека помирувањето не е само религиозна, туку и суштинска човечка и цивилизациска вредност.

Во свет во којшто сме сведоци на поделби, нетрпеливост и отуѓување, вредностите на Јом Кипур се повик за човечност, достоинство и заемно почитување.

Заеднички да го градиме македонското општество како место во кое секој човек слободно и достоинствено ќе ја живее својата вера, традиција и културен идентитет, а различностите ќе бидат мостови на разбирање, а не линии на поделба.

д-р Гордана Сиљановска-Давкова

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ПОЦ: Санкционирани 123 непрописно паркирани возила минатата недела

​ЈП Паркинзи на Општина Центар во периодот од 13.09 до 20.09.2026 година, со помош на специјалните возила „Пајак“ отстранија 123 непрописно паркирани возила кои го попречувале нормалното и безбедно одвивање на сообраќајот.

ПОЦ: Санкционирани 123 непрописно паркирани возила минатата недела

За трајно решение на сообраќајниот метеж и проблемот со неправилното паркирање неопходна е поголема сообраќајна култура, затоа ЈП ПОЦ во наредниот период ќе продолжи со секојдневно отстранување на сите непрописно и несовесно паркирани автомобили во Општина Центар со цел да се подигне сообраќајната свест на повисоко ниво и да се зголеми безбедноста во сообраќајот.

Тагови: ЈП ПОЦ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Видео: Неверојатниот Меси повторно ја воодушеви Америка со нова мајсторија и постави нов рекорд

Иако натпреварот во МЛС-лигата меѓу Интер Мајами и Сан Дијего заврши нерешено (2–2), сите погледи повторно беа вперени кон еден од најдобрите светски фудбалери во историјата, волшевникот Лионел Меси. 

Видео: Неверојатниот Меси повторно ја воодушеви Америка со нова мајсторија и постави нов рекорд

Брилијантниот Аргентинец уште еднаш докажа зошто важи за еден од најдобрите специјалисти за прекини во историјата на фудбалот.

Во 23-тата минута, Меси мајсторски погоди од слободен удар и го израмни резултатот за својот тим, постигнувајќи го својот 75-ти гол во кариерата на овој начин.

Со овој погодок, Меси самостојно го зазеде второто место на вечната листа, надминувајќи го легендарниот Бразилец Жаир Роса Пинто.

Сега, единствениот играч пред аргентинскиот волшебник е поранешниот бразилски репрезентативец Марселињо Кариока, кој во текот на својата кариера постигнал 78 гола од слободни удари.

Што се однесува до самиот натпревар, гостите од Сан Диего поведоа преку Андерс Драјер во 12-тата минута, пред Меси да го израмни резултатот со потег на вистинска мајсторија.

Луис Суарез го комплетираше пресвртот за домаќините со гол во 75-тата минута, но одличниот Драјер се погрижи Интер да не стигне до победата; тој го постигна израмнувачкиот погодок во 82-рата минута, спречувајќи ги домашните навивачи целосно да го прослават најновиот историски успех на својот капитен.

Тагови: Лионел Меси

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер