Двајцата астронаути од Space-X се враќаат на Земјата (ВИДЕО)

Двајцата американски  астронаути лансирани во вселената со леталото на Илон Маск , „Спејс Икс“ попладнево по локално време ќе слетаат на брегот на Флорида. 

Даг Харли и Боб Бенкен вчеравечер се збогуваа со тројцата космонаути на Меѓународната вселенска станица , и го почнаа последниот и најважниот дел од нивниот тест лет: враќање на Земјата.

И покрај заканата од тропската бура Исаја , НАСА соопшти дека времето изгледа поволно на брегот на Флорида... По завршувањето на програмата за вселенски летови во 2011 година, американците последниве 9 години летаа со руски ракети.


СДСМ:Новата Влада на СДСМ ќе обезбеди прочистување на правосудството и проверка на потеклото на пари и имот на секој функционер

СДСМ води сериозни преговори за формирање на влада со полн четиригодишен мандат, која ќе обезбеди прочистување на правосудството и проверка на потеклото на пари и имот на секој функционер.

Новата влада посветено ќе се зафати со борба со криминалот и корупцијата на сите нивоа – без разлика дали некој доаѓа од партија, од општина, од институција, дали е експерт, функционер, познат или непознат.

Приоритет е прочистување на правосудството, а заедно ќе договориме и ќе воспоставиме систем за проверката на потекло на пари и капитал кај секој функционер.

Судиите и обвинителите имаат обврска да испорачаат владеење на правото во кое законот е еднаков за сите. Судиите кои застаруваат предмети ќе бидат разрешени по автоматизам. Ќе биде извршена темелна ревизија на 5% од сите судски пресуди во последните 5 години, по случаен избор.

Следува разрешница на сите предмети отворени од Специјалното јавно обвинителство.

Изминатите две и пол години ги создадовме сите услови, го донесовме Законот за јавно обвинителство, кој гарантира дека политиката не може да се меша во судските одлуки, а сите предмети за висока корупција мора да имаат судска разрешница.

Во следниот, четиригодишен мандат ќе покажеме дека можеме уште повеќе и уште подобро да работиме во интерес на граѓаните.

СДСМ

ВМРО-ДПМНЕ:Заев и СДСМ го исцицаа народот. Нивниот луксуз граѓаните го плаќаат со последниот денар

СДСМ преку РКЕ удира по џебот на граѓаните. Чекаа да поминат изборите па да ја донесат одлуката, која ја одлагаа од почетокот на јули.

СДСМ уште пред изборите тргнаа со умисла да го ограбуваат народот.

Во цела Европа цената на струјата се намалува, само во Македонија со Заев се зголемува.

За жал наместо РКЕ да се грижи сите играчи на пазарот да бидат заштитени и рамноправни меѓу себе, како што стои во Законот за енергетика, таа се грижи само за профитот на енергетските компании.

Ова резултираше со незадоволство кај граѓаните. Револтот е јасен во време на корона криза, економски колапс во најава, зголемено задолжување и осиромашување на народот, оваа одлука е само капак на сите промашувања во енергетскиот сектор го направи власта на Заев. Затоа на самопрогласените „шампиони“ во енергетиката им порачуваме: Енергетиката не се гради преку ноќ, но може лесно да се уништи преку ноќ, а за жал РКЕ и СДСМ се „експерти“ во уништување!

Центар за комуникации на ВМРО-ДПМНЕ

Зајакнати мрежните капацитети на операторите, засега нема промени во цените

Агенцијата за електронски комункации (АЕК) ги спроведе во пракса сите поднесени барања од операторите за јакнење на капацитетите на мрежите, но засега нема конкретен одговор од нивна страна со намалување на цените на јавните комуникациски услуги.

На такво нешто регулаторот упати пред повеќе еден месец откако беа создадени услови за примена на мерките од Уредбата што ја донесе Владата во тек на вонредната состојба со оглед на тоа што пандемијата со КОВИД-19 го зголеми обемот на активности преку интернет.

Последните мерења на АЕК од минатиот месец покажуваат дека операторите ја имаат постигнато дефинираната минимална просечна брзина на пренос на податоци и оти таа изнесува минимално 80 Mbps (мегабити во секунда) на тест фајл со големина од 10 GB.

-Доделени се радиофреквенциски опсези во копнена мобилна служба со кои на операторите им се овозможи директно да имаат можност да го зголемат пристапот до корисниците и да го зголемат капацитетот за обезбедување на услугата интернет. Во опсегот 2100 MHz доделени се опсези од 2х15 MHz на А1 и на Македонски Телеком и во опсегот 3.6 GHz доделени се 28.5 MHz. Дополнително и во транспортната мрежа доделени се 168 линковски врски со зголемен капацитет за да може зголемената количина на сообраќај да се пренесе без загуби. На А1 му се доделени вкупно 145 линкови, на Македонски Телеком му се доделени вкупно 23 линкови, а во опсегот 3,6 GHZ се доделени 28,5 MHZ на Неотел. Досега нема информации за некакво намалување на цените, велат од АЕК за МИА.

Од телекомуникацискиот оператор Македонски Телеком истакнуваат дека инвестирале во инфраструктурата со цел да го подобрат и зголемат капацитетот на мрежата веднаш по појавата на пандемијата, којашто целосно го промени начинот на живеење и работа на граѓаните.

-Во услови кога информирањето, едукацијата и комуникацијата се одвиваат дигитално, а сеуште во голема мерка се практикува работењето од дома, постојано сме фокусирани да го одржиме капацитетот на мрежата и интернет сообраќајот стабилни. Досегашните преземени активности, подразбираат континуирани инвестиции со цел да ги задоволиме дигиталните потреби на корисниците, но и да излеземе во пресрет на потребите и интересите на сите чинители во општеството. Покрај стабилната мрежа обезбедивме дополнителни вредности, понуди и содржини без надоместоци за корисниците, а како општествена одговорна компанија инвестиравме во заедницата со обезбедување интернет за 30.000 деца од ранливи семејства за онлајн едукација. Како и досега, остануваме и понатаму посветени да обезбедиме непречена комуникација и поврзување на граѓаните, давајќи свој личен придонес за доброто на сите во општеството, изјавија за МИА од Телеком.

Агенцијата за електронски комуникации како регулаторно тело редовно спроведува мерења на квалитетот на услугите кои се обезбедуваат преку радиокомуникациските мрежи, но поради состојбата со корона вирусот изминатиот период спроведени се само мерења на територијата на град Скопје и тие се од информативен карактер. Тие мерења покажуваат дека параметрите за квалитет се значително подобрени од добиените од мерењата во кампањата од 2019. Во делот за брзина на пренос на податоци со последната измена на Правилникот за квалитет, минималната просечна брзина е дефинирана да изнесува 55 Mbps (мегабити во секунда), a согласно последните мерења од минатата недела операторите ја имаат постигнато и таа изнесува минимално од 80 Mbps (мегабити во секунда) на тест фајл со големина од 10 GB, информираат од АЕК.

Од вкупниот број поднесени приговори до АЕК, во изминатиот период имало само едно барање што се однесува на квалитетот на интернет кој се обезбедува преку радиокомуникациска мрежа од што може да се заклучи дека нема зголемување на поднесени приговори за оваа услуга. Доколку граѓаните не се задоволни од услугата интернет обезбедена преку радиокомуникациска мрежа, постапката е идентична како и за сите останати услуги. Прво поднесуваат приговор до операторот, а доколку се незадоволни од неговиот одговор поднесуваат приговор до АЕК. АЕК поседува софистицирана мерна опрема со која може да се измери квалитетот на сите услуги кои се обезбедуваат преку радиокомуникациска мрежа.

-Инвестициите ги планираат операторите, а секако дека тие во најголем дел се предизвикани од потребата за зголемена количина на интернет. АЕК, во согласност зо законските прописи, како регулатор, во секое време ќе биде спремен да ги следи инвестициите на операторите и соодветно да одговори на нивните потреби, наведуваат од АЕК во одговор на нашето прашање за можностите за натамошните идни инвестиции.

Во однос на предизборните ветувања што се најдоа во партиските програми за воведување нов мобилен оператор, од регулаторното тело истакнуваат дека во континуитет го следат начелото на Законот за електронските комуникации за постојано зголемување на конкуренцијата на пазарот за електронски услуги во државава и ги обезбедува сите потребни услови како регулатор.

АЕК веќе најави дека постапката за доделување радиофрекфенции за 5Г ќе ја стартува до крајот на годинава преку аукција, при што ќе бидат понудени одобренија за сите опсези. Двата постоечки оператори поради условите предизвикани од КОВИД – 19, се за одложување на постапката на доделување радиофреквенции за 5Г за следната година, додека ЕОЛО, заинтересираниот странски инвеститор, смета дека таа треба да се спроведе во најскоро време. – Со започнување на постапката се зголемува и можноста за зголемување на конкуренцијата и од други заинтересирани страни, а секако и дека трет мрежен оператор е и една од целите на АЕК, оценија од регулаторното тело во одговорот на пристигнатите коментари за јавната расправа за постаката за доделување 5Г одобренија.

На 18. минатиот месец АЕК најави дека за најмалку два пати ќе се зголемат капацитетите за транспорт на сообраќајот на операторите на пазарот на електронски комуникации, што беа намалени поради оптовареност на мрежите откако поради кризата со КОВИД-19 најголемиот дел од населението ги извршува обврските он-лајн. Со Уредбата од 10. минатиот месец беше овозможено дополнително доделување радиофреквенциски опсези и радиофреквенции на операторите на телекомуникацискиот пазар, откако е констатирано дека мрежните капацитети на операторите се доведени речиси до максимална искористеност и се соочуваат со многу интервенции во одржување на мрежите. Корисниците тоа го чувствуваат преку добивање услуги со несоодветен квалитет и повисоки сметки, особено во делот за интернет услугата. Тогаш АЕК потенцираше дека е за очекување тие да ги намалат цените кон крајните корисници по отстранетите недостатоци и олеснетата работа.

Последните официјални податоци на надлежните институции, покажуват дека на крајот на минатата година во државава од 90 нотифицирани субјекти во службената евиденција на АЕК, 88 субјекти обезбедуваале услуги за пренос на податоци. Во 2019 година, 81,8 проценти од домаќинствата имале пристап до интернет од дома. Седумдесет проценти од домаќинствата имале широкопојасно поврзување на интернет, а 85,8 проценти од деловните субјекти (со 10 или повеќе вработени) фиксно широкопојасно поврзување на интернет./МИА

притисни ентер