Бездомник (54) со романско потекло е пронајден мртов јужно од Валенсија во понеделникот наутро, соопшти портпаролот на градската влада.
Еден 63-годишен маж беше пронајден мртов вчера во селото Педро Бернардо во централна Шпанија.
Голем дел од источна Шпанија - Каталонија, регионот Валенсија и Балеарските острови се под црвен или портокалов аларм, поради бурното невреме што носи силни налети на студен ветер и снег. Шпанската метеоролошка агенција соопшти дека невремето може да трае до среда.
Во Валенсија, 194 општини решија да ги затворат училиштата, оставајќи 191.300 ученици дома, соопшти регионалната влада.
Туристичкиот аеродром во Аликанте, кој беше затворен минатата недела поради пожар, беше повторно затворен од вчера попладне, поради снежната бура што го наруши сообраќајот на неколку автопати и железнички линии.