Двајца сопатници на познат боксер загинаа во сообраќајка- Ентони Џошуа едвај преживеа (ФОТО) - Канал 5

Други спортови

Двајца сопатници на познат боксер загинаа во сообраќајка- Ентони Џошуа едвај преживеа (ФОТО)

Светот на спортот е шокиран од веста дека познатиот британски боксер Ентони Џошуа имал сообраќајна несреќа за време на престојот во Нигерија, а според првичните информации, инцидентот имал трагичен исход.

Двајца сопатници на познат боксер загинаа во сообраќајка- Ентони Џошуа едвај преживеа (ФОТО)

Иако неговото име веднаш се најде во центарот на вниманието, најсериозната последица од несреќата беше фактот што две лица ги загубија животите на самото место.

Според нигериските медиуми, судирот се случил на прометниот автопат Лагос-Ибадан, во близина на градот Макун, кога возилото во кое патувал Џошуа удрило во камион кој бил запрен на патот. Станува збор за луксузен џип „Лексус“, кој бил целосно уништен по судирот, а сцените од местото на несреќата биле крајно вознемирувачки.

На снимката што брзо се прошири на социјалните мрежи, поранешниот светски шампион во тешка категорија може да се види како седи во уништеното возило, без маица, видливо зашеметен и опкружен со расфрлани парчиња стакло. Во друго видео, Џошуа е во амбулантно возило, каде што разговара со членови на надлежните служби, што донекаде ги увери неговите фанови низ целиот свет.

Моментално нема официјални информации за степенот на повредите што ги претрпел 36-годишниот боксер, ниту пак е потврдено дали му била потребна хоспитализација. Она што е потврдено е дека во несреќата загинале две лица, што ја прави целата ситуација уште посериозна и трагична.

Медиумите јавуваат дека се обиделе да стапат во контакт со менаџментот и претставниците на Џошуа, но тие сè уште не дале коментар. Се очекува во наредниот период да бидат познати повеќе детали за околностите на несреќата, како и за здравствената состојба на еден од најпознатите боксери на денешницата.

Тагови: боксерот Ентони Џошуа

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Видео: Гори амбасадата на Пакистан во Белград

Последниот кат од зградата е зафатен, пожарникарите се на пат!

Видео: Гори амбасадата на Пакистан во Белград

Пожар избувнал во зградата на амбасадата на Пакистан во Белград, дознава српски Курир.

Како што може да се види од видеа објавени на социјалните мрежи, густ црн чад го покрил просторот.

Во моментов нема официјални информации дали има повредени лица во инцидентот, ниту за евентуална материјална штета.

Тагови: Србија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Мицотакис во Софија на средба со Радев

Грчкиот премиер Кирјакос Мицотакис е во официјална посета на Софија.

Мицотакис во Софија на средба со Радев

Билатералните односи, како и теми од заемен интерес и од европската агенда, се очекува да бидат во фокусот на разговорите на Радев и Мицотакис во Софија, според официјалното соопштение од бугарската влада.

Посетата на Мицотакис на Софија е на покана на Радев, планирана е тет-а-тет средба на двајцата премиери, а потоа и состанок на делегациите на двете земји.

Како што информираа од кабинетот на грчкиот премиер, Мицотакис по средбата и заедничката прес-конференција, од Софија ќе замине за Тиват каде што ќе присуствува на вечера организирана од претседателот на Црна Гора Јаков Милатовиќ за лидерите од ЕУ и земјите од Западен Балкан по повод националниот празник на земјата, а во пресрет на самитот ЕУ-Западен Балкан што ќе се одржи утре.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Николоски: Градежништвото расте со 7,2%, а градбата на патиштата и железницата со 20 % во првото тромесечје на 2026

Градежништвото останува еден од најсилните двигатели на домашната економија, што јасно го потврдуваат најновите податоци на Државниот завод за статистика за првиот квартал од 2026 година.

Николоски: Градежништвото расте со 7,2%, а градбата на патиштата и железницата со 20 % во првото тромесечје на 2026

Според државната статистика, градежниот сектор во првото тромесечје од оваа година бележи раст од 7,2 проценти во споредба со истиот период минатата година.

Овие бројки претставуваат силен показател за континуираната градежна активност низ целата држава, како и за успешната реализација на капиталните инвестиции кои се од клучно значење за економскиот развој.

Особено охрабрувачки е фактот што во сегментот на нискоградбата е регистриран двоцифрен раст од над 20 индексни поени. Овој сегмент ги опфаќа инвестициите во изградба на автопати, експресни патишта, регионални и локални патишта, како и железницата, кои Владата преку Министерството за транспорт ги реализира со високо ниво на посветеност и одговорност.

Растот во нискоградбата е директен резултат на засилените активности на терен и силната динамика со која се реализираат капиталните проекти.

Автопатиштата на Коридор 8 и 10 д, се градат со силна динамика, а паралелно со тоа се инвестира и во железничката инфраструктура, што претставуваат клучен сегмент за долгорочниот економски развој, регионалното поврзување и зголемувањето на конкурентноста на економијата.

Дополнително, Државниот завод за статистика објави дека стапката на раст на бруто-домашниот производ (БДП) во првото тримесечје од 2026 година изнесува 3,1 процент.

Овој резултат претставува јасен показател дека економијата расте, дека инвестициите даваат резултати и дека развојните политики на Владата создаваат реални ефекти во стопанството.

Резултатите што ги објави ДЗС, се потврда дека државата се движи во вистинска насока, градежништвото останува мотор на економскиот развој, а инфраструктурните проекти силно го поддржуваат растот, развојот и креираат подобра иднината на државата.

Тагови: Александар Николоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер