Свет

Двајца службеници на израелската амбасада убиени во близина на еврејскиот музеј во Вашингтон

28-годишен маж и неговата свршеница, двајцата вработени во израелската амбасада во Вашингтон се убиени напад пред еврејскиот музеј во американската метропола.

Со неколку истрели од пиштол смртно и застрела 30-годишниот Елијас Родригез додека двојката излегувала од настан во еврејскиот музеј. Егзекуторот при апсењето признал дека нападот го извел како одмазда за изралското делување во Газа.

-Посегна во торбата и извади кефије (палестински шал) и рече: „јас го направив тоа. Го направив за Газа“. Почна да вика „слобода за Палестина“., очевидец.

Нападот се случил во 21 часот по локално време.

Убиените се идентификувани како Јарон Лишински и Сара Милграм, вработени во одделот за дипломатија и за прашања поврзани со Блискиот исток и Африка во амбасадата. Убиецот немал никакво полициско досие, а по нападот првично се однесувал како да е еден од сведоците на злосторството.

- Тој ѝ пришол на група од четири луѓе, извадил пиштол и oтвори оган во двајцата сега починати. , Памела Смит, полиција во Вашингтон

-Тоа беше млада двојка пред свршување. Момчето неделава купи прстен и планираше идната недела да ја запроси девојката во Еруасалим. , изјави Јишил Лејтер, амбасадор на Израел во САД.

Пораки со осуда стигнуваат од сите страни на светот, а Израел ги обвини дел од светските лидери дека со изјавите против еврејската држава во однос на Газа поттикнале омраза и антисемитизам. Директно ги прозваа Франција, Британија и Канада дека ги зајакнале силите на теророт.

-Денеска им велам на овие лидери и на официјалните лица: Запрете со вашите изјави за Израел и за лажните обвинувања. Зајакнете го Израел во неговата историска битка. , изјави Гидеон Саар, министер за надворешни работи на Израел.

Нападот се случива во критичен момент на растечки меѓународни критики поради ширењето на израелската офанзива и 11 неделната блокада на палестинската енклава Газа, кога бројни лидери алармираа дека илјадници луѓе и бебиња се соочуваат со смрт поради неухранетост.

Тагови: Израел САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Тројца малолетници од Скопје предизвикале пожар во парк шумата Гази Баба, уапсени се

Лишени од слобода тројца малолетници од Скопје поради предизвикување пожар, следува пријава.

На 04.10.2026 во парк шума Гази Баба во Скопје, полициски службеници од СВР Скопје лишија од слобода тројца малолетници од Скопје, постапувајќи по претходна пријава дека предизвикале пожар при што била опожарена сува трева.

Од Бригадата за противпожарна заштита пожарот бил изгаснат, а по целосно документирање на случајот Единицата за внатрешни работи Гази Баба при СВР Скопје ќе поднесе кривична пријава поради постоење основи на сомнение за сторено кривично дело „предизвикување општа опасност“ по член 288 од Кривичниот законик, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Обвинителството ги оспорува заклучоците на вештакот ангажиран од д-р Нино Васев

Во Кривичниот суд продолжи судењето за предметот „Онкологија 1“. Денеска во Кривичниот суд беше испрашуван вештакот Владимир Даниловски, вешто лице ангажирано од страна на одбраната.

Неговите заклучоци за терапијата на онколошките пациенти беа оспорени од обвинителството на денешното вкрстено испрашување.

На судењето кое се води против поранешниот директор на Клиниката за онкологија, Нино Васев, и уште двајца онколози, обвинети за несовесно лекување пациенти, обвинителството поставуваше прашања за дозирањето и третманот на конкретни онколошки пациенти со лекови и терапија за кои, како што нагласи вештото лице, се произнесува во своето вештачење и наведува дека се дадени согласно европските протоколи и се во насока на тоа да се види стручноста на ова вешто лице.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Зајакнати акциски контроли за брзо возење – констатирани 628 прекршоци

На 04.10.2026 година, во периодот од 14:00 до 20:00 часот, на територијата на целата држава, Секторот за сообраќајни работи при Министерството за внатрешни работи спроведе зајакнати акциски контроли .

На 04.10.2026 година, во периодот од 14:00 до 20:00 часот, на територијата на целата држава, Секторот за сообраќајни работи при Министерството за внатрешни работи спроведе зајакнати акциски контроли насочени кон санкционирање на возачите кои управуваат возило со брзина поголема од пропишаната.

При спроведените контроли констатирани се вкупно 628 прекршоци. Од нив, 344 прекршоци се констатирани кај возачи кои ја надминале дозволената брзина надвор од населено место, додека 284 прекршоци се однесуваат на возачи кои ја надминале пропишаната брзина во населено место.

За сите констатирани прекршоци преземени се соодветни мерки и изречени се санкции согласно законските прописи.

Во текот на контролите констатирани се и 66 прекршоци од друг вид.

Министерството за внатрешни работи продолжува со зајакнатите сообраќајни контроли на целата територија на државата, со цел зголемување на безбедноста на сите учесници во сообраќајот и намалување на ризиците предизвикани од непочитување на ограничувањата на брзината, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.