Двајца другари од Индија, пронашле дијамант вреден 50.000 евра, со парите ќе ги мажат сестрите - Канал 5

Судбина

Двајца другари од Индија, пронашле дијамант вреден 50.000 евра, со парите ќе ги мажат сестрите

 Сатиш Хатик и Саџид Мохамед - двајца другари од детството, кои живеат во рударската област Пана во средишна Индија, пронашле дијамант од 15,34 карати. Се проценува дека скапоцениот камен вреди околу 50.000 евра, објави „Би-би-си“.

Двајца другари од Индија, пронашле дијамант вреден 50.000 евра, со парите ќе ги мажат сестрите

Според овластениот проценител во тоа подрачје, дијамант од 15,34 карати е еден од најдобрите видови природни дијаманти. - Проценетата пазарна вредност на скапоцениот камен е околу пет до шест милиони рупии (47.000 - 56.000 евра) и наскоро ќе биде ставен на аукција, изјави овластениот проценувач на дијаманти, Хинди Анупам Синг.

Властите одржуваат аукции коишто привлекуваат купувачи од цела Индија и од странство. Наскоро и новиот пронајдок ќе се најде на такво наддавање.

Месарот Хатик (24), и Мохамед (23), кој продава овошје, „се пресреќни“ од откритието, како што велат. И двајцата потекнуваат од сиромашни семејства и се најмлади синови, а со поколенија нивните предци ја испробувале среќата во рудниците на дијаманти, вообичаена дејност меѓу луѓето од овој округ. Иако сè уште не ги добиле парите, Хатик и Мохамед не размислуваат за купување земјиште, проширување на бизнис или преселба во поголем град. Засега, велат, се насочени на свадбата на своите сестри.

„Конечно можеме да ги омажиме нашите сестри“, рекоа двајцата другари.

Областа Пана, којашто се наоѓа во сојузната држава Мадја Прадеш, е едно од најнеразвиените области во Индија, чии жители се борат со сиромаштија, недостаток на вода и невработеност. Во истовреме, областа е огромен извор на дијаманти во Индија, што го прави главна дестинација за ловците на богатство.

Тагови: дијамант Индија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Мелони повикува на нормализација на односите со САД по конфликтот со Трамп

Италијанската премиерка Џорџа Мелони вели дека односите со САД мора да се вратат во нормала по јавната расправија што минатата недела ја имаше со американскиот претседател Доналд Трамп.

Мелони повикува на нормализација на односите со САД по конфликтот со Трамп

„Немам намера да продолжам да го поттикнувам овој спор“, рече италијанската премиерка, која оцени дека не постои ризик од негативни последици врз односите меѓу Италија и САД и дека врските меѓу двете држави остануваат добри. Во петокот Мелони го обвини својот некогашен близок сојузник Трамп дека измислил приказна за неа откако тој за италијанска телевизија изјави дека таа го молела да се фотографира со неа за време на неодамнешниот самит на Г-7 во Франција.

Тагови: Мелони

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Политико: Унгарија го блокира забрзувањето на преговорите на ЕУ со Украина и Молдавија

Унгарија не даде согласност за клучниот процедурален чекор неопходен за забрзување на пристапните преговори на Европската унија со Украина и Молдавија, објави Политико, повикувајќи се на двајца дипломати на Европската унија.

Политико: Унгарија го блокира забрзувањето на преговорите на ЕУ со Украина и Молдавија

Европската унија на 15 јуни официјално го отвори првиот преговарачки кластер со Украина и Молдавија, а европските челници најавија дека Киев до средината на јули ќеги отвори сите шест кластери. Остварувањето на таа цел сега е доведено во прашање, бидејќи Унгарија вчера била единствената земја членка што се спротивставила на испраќањето писмо до Европскиот совет и до Европската комисија со таков предлог. Унгарскиот премиер Петер Маѓар не се спротивстави на отворањето на првиот кластер за Украина, но претходно реагираше дека ставањето на брза лента на земјата би испратило погрешна порака до Србија, Албанија, Црна Гора и Македонија, кои со години работат на членството во Европската унија.

Тагови: Унгарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЦУК: Активни три пожари низ Македонија, во Куманово и Илинден- горат бандери, дрвја и отпад

На територијата на државата до 14:30 часот се регистрирани вкупно пет пожари на отворен простор. 

ЦУК: Активни три пожари низ Македонија, во Куманово и Илинден- горат бандери, дрвја и отпад

Од нив, три пожари се активни, еден е ставен под контрола, а два пожари се изгаснати.

Како што соопшти ЦУК, активни пожари има: во Општина Демир Хисар – с. Обедник каде гори ниска вегетација, во Општина Куманово – населба Перо Чучо каде се зафатени бандери и дрвја, и во Општина Илинден – с. Јурумлери запален е кабаст отпад.

Под контрола е ставен пожарот во Општините Свети Николе и Лозово – с. Делисинци и с. Сарамзалино, каде гори ниска вегетација.

Изгаснати се пожарите во општините Куманово на ул. „Ѓуро Пуцар“ бр. 38 и во Чашка, во с. Чашка каде горела ниска вегетација.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер