ДУИ: Скандалозен и брутален притисок и терор врз обвинителството од страна на ВМРО - Канал 5

Македонија

ДУИ: Скандалозен и брутален притисок и терор врз обвинителството од страна на ВМРО

Секојдневната неделна кампања со закани, терор и притисок врз обвинителството од страна на Моќникот со приватен авион Антонио Милошевски, е скандалозно и севернокорејско.

ДУИ: Скандалозен и брутален притисок и терор врз обвинителството од страна на ВМРО

Милошевски, познат по паролите “мртов шиптар, добар шиптар”, “Гасни комори за Албанците”, нарачки на пресуди, истраги, претреси, лустрации, и кој што се спаси со измените на Кривичниот Законик, нема морален, политички ниту правен кредибилитет да зборува за правда.

ДУИ веќе ја информирa сета домашна и меѓународна јавност, амбасади и организации, за овој досега невиден политички притисок вез правосудството.

Наместо да се одважат, издигнат, и да прифатат правни одлуки, глумат обвинители од Тему, иако го немаат ниту прочитано извештајот на ДЗР ниту одлуката на Обвинителството.

ДЗР нема ниту една експертиза за вештачење, но ВМРО упорно ја лаже јавностa. Напротив, Обвинителството има добиено посебни вештачења и за квалитетот и за штетата.

Го повикуваме Јавниот Обвинител, Здружението на Јавни Обвинители, Советот на Јавни Обвинители, Судството, фелата, САД и ЕУ, медиумите, да го осудат овој брутален и неприфатлив терор врз правдата.

ДУИ.

Тагови: ДУИ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Орбан гостин во Гуча на фестивалот на трубачи (ВИДЕО)

Поранешниот унгарски премиер Виктор Орбан, летниот одмор деновиве го минува во Гуча, србија, каде што се одржува 65-тиот собир на трубачи.

Орбан гостин во Гуча на фестивалот на трубачи (ВИДЕО)

Присутните биле изненадени од ненајавениот гостин, кој го опишуваат како обичен, без дистанца, насмеан, опуштен и подготвен да ужива во скара и пиво.

Српските медиуми објавија и видео на кое се гледа дека Орбан не одбива да прави селфи слики со посетителите и мирно шета по улиците, без видливо обезбедување.

Орбан беше премиер 16 години, пред да ги загуби изборите во април годинава од Петар Маѓар.

Тагови: Виктор Орбан Гуча

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Нагасаки одбележа 81 година од атомското бомбардирање

Во Нагасаки денеска се одржа комеморација по повод 81-годишнината од американското атомско бомбардирање на градот.

Нагасаки одбележа 81 година од атомското бомбардирање

Во 11.02 часот по локално време, присутните оддадоа минута молчење во чест на жртвите. Токму во тој час на 9 август 1945 година американски бомбардер фрлил атомска бомба врз Нагасаки.Градоначалникот на Нагасаки, Широ Сузуки, во декларацијата за мир порача дека нуклеарното оружје не е „нужно зло“, туку „апсолутно зло“ кое не може да коегзистира со човештвото.

Јапонската премиерка Санае Такаичи порача дека земјата останува посветена на трите ненуклеарни принципи и дека ќе продолжи со „реални и практични“ напори за создавање свет без нуклеарно оружје.

Тагови: Нагасаки

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Иран објави снимка од Хамнеи, но непознато е кога и каде е направена

Иранската агенција „Мехр“ објави нова снимка на врховниот лидер на Иран, Модџтаба Хамнеи, во момент кога сè погласни се шпекулациите за неговата здравствена состојба.

Иран објави снимка од Хамнеи, но непознато е кога и каде е направена

На краткото видео, кое „Мехр“ го објави на „Телеграм“ и на својата официјална веб-страница, Хамнеи разговара со група луѓе.

Агенцијата не соопшти кога и каде е направена снимката, ниту пак ги идентификуваше лицата кои се појавуваат со него.

Снимката е објавена откако во медиумите и на социјалните мрежи се појавија тврдења дека Хамнеи бил хоспитализиран и дека неговата здравствена состојба е сериозна. Хамнеи беше избран за врховен лидер во март годинава, откако во воздушен удар беше убиен неговиот татко и неколку членови на семејството, а од тогаш воопшто не се појавил во јавност.

Тагови: Моџтаба Хамнеи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер