Македонија

ДУИ: Потсетуваме на историското значење на одлуката што Уставниот суд треба да ја донесе утре

Тивко, без поголема раздвиженост и еуфорија и во значително помал број  „Стражарите за јазикот“ и денеска остануваат пред Уставен во пресрет на утрешната седница на која ќе се одлучува за Законот за употреба на јазиците

Тивко, без поголема раздвиженост и еуфорија и во значително помал број „Стражарите за јазикот“ и денеска остануваат пред Уставен во пресрет на утрешната седница на која ќе се одлучува за Законот за употреба на јазиците, откако синоќа информацијата дека Артан Груби се најде на американската „црна листа“ ги затекна неговите соопартијци Османи и Адеми во емисија во живо.

Од ДУИ преку соопштение и денеска, но со поблага реторика порачуваат дека одлуката која треба да ја донесе Уставниот суд има историско значење и дека очекуваат заштита на Законот за употреба на јзиците, без да се дозволи еднаквоста и правдата да бидат нарушени. За разлика од отворени пораки кои Ахмети синоќа ги испрати пред „стражарите за јазикот“ дека трпението имало крај и дека нема да има мир ако судот не ги отфрли сите 13 поднесени иницијативи со кои се оспорува уставноста на Законот за јазиците.

Ваквите пораки претседателката на државата Сиљановска Давкова ги оцени како субјективни и лични и ги повика политичарите да не се мешаат во работата на Уставниот суд.

„Одлуките на Уставниот суд се конечни и извршни и лидерите на партиите и политичарите треба да се воздржат од коментари. Најмалку што можат да сторат е да го остават Уставниот суд да си работи согласно Уставот и Деловникот“, рече Давкова.

Премиерот Мицкоски пак и денеска повтори дека на утрешната седница на Уставен нема да се случи ништо и дека на одлуката која треба да ја донесе судот и претходат неколку јавни дускусии и подготвителни седници и дека процесот може да трае со месеци па дури и со години и дека тоа ДУИ добро го знаат.

„Нивната цел беше сега како политички глодари да начекаат и да видат, еве сега знаеме како идат процедурите, но ние ќе правиме политички притисок и кога нема ништо утре да се случи да излезат во јавноста, нормално тоа можат само политчки глодари да го направат, да излезат и да кажат еве поради тоа што ние правевме притисок се одложи сето ова“, рече Мицкоски.

Дека уставиот суд утре ниту ќе го укине, ниту ќе ја запре примената на Законот за употреба на јазиците, туку дека само ќе биде предложено да се поведе постапка за членовите кои се однесуваат на судските постапки и на банкнотите, вечра објавија дел од медиумите, кои споделија дел од рефератот кој наводно утре пред судите ќе треба да го образложи судијата известител за предметот.

Уставен ниту ги потвтди, но ниту ги демантираше наводите, поради сензитивноста на предемтот за кој ќе одлучуваат утре, најверојатно без двајцата судии Албанци, кои најавија дека ќе ја бојкотираат седницата.

Технологија

Видео-фото: Вака ќе изгледаат новие патнички авион

Нов патнички авион би можел да се појави на небото во следните пет години и ќе има сосема поинаква форма во споредба со кој било авион што е моментално достапен. 

Главниот „улов“ кај овој патнички авион е што новата форма ја намалува потрошувачката на гориво и бучавата за дури 50 проценти. Имено, новиот тип на патнички авион ќе усвои дизајн кој ги интегрира крилата со трупот, а креаторите велат дека тоа ќе ја намали потрошувачката на гориво и бучавата.

Дизајнот на интегрираните крила би можел да ја намали потрошувачката на гориво за дури 50%, изјавија претставници на калифорниската стартап компанија „JetZiro“ и „Siemens“ на конференција во Лас Вегас.

Концептот на авион со интегрирани крила, каде што крилата беспрекорно се вклопуваат во трупот, е стар повеќе од 100 години. Првпат го опиша рускиот пилот Николај Војводски, но најчесто се поврзува со воени авиони, пишува „Live Science“.

Патнички авиони конвенционално имаат усвоено долг, тубуларен труп со крила кои не се спојуваат во една рамна површина. Тоа е затоа што префрлањето на нов дизајн на авион се сметаше за комерцијално ризично.

Спротивно на тоа, авионите со интегрирани крила може да ја намалат потрошувачката на гориво и да бидат потивки, благодарение на повисоките соодноси на подигање и влечење (т.н. финес на авионот) и подобрата интеграција на бучните погонски системи.

Претставниците на JetZir велат дека нивниот дизајн со интегрирани крила бара пократок и поширок труп кој се спојува со крилата за да обезбеди подигање, а со тоа ја намалува потребната површина и создава полесен авион со помало отпор. Големината на моторот исто така е намалена, благодарение на намалената тежина и отпорот, што значи дека повеќе патници можат да се вклопат во релативно помалиот авион.

Новиот авион ќе биде 100 проценти компатибилен со одржливо воздухопловно гориво, како и способен да користи водородно гориво - со долгорочна цел да лета со нула емисии. Ќе има капацитет за 250 патници и домет од 9.250 километри. На конференцијата во Лас Вегас, претставници на „JetZir“ најавија продукциско партнерство со !Siemens! да помогнат во реализацијата на овој авион до 2030 година - што тие признаа дека е многу кратка временска рамка.

Живот

ТикТок демантира дека кинеската Влада ќе му ја продаде платформата на Маск: Тоа е чиста фикција

 ТикТок го отфрли како „чиста фикција“ извештајот во кој се тврди дека кинеската влада размислува да ја продаде платформата на Илон Маск за да избегне забрана во САД.

Блумберг Њуз објави дека кинеските власти се во прелиминарни разговори за потенцијална продажба, за да се избегне забраната што треба да стапи во сила доколку кинескиот сопственик БајтДенс (ByteDance) не го продаде својот бизнис во САД до 19 јануари.

Во извештајот, во кој се цитираат неименувани луѓе запознаени со ова прашање, се вели дека едно сценарио за кое се дискутира би вклучувало спојување на ТикТок со платформата X на Маск.

Блумберг наведе дека не е јасно како Маск, најбогатиот човек во светот со проценета вредност од повеќе од 400 милијарди долари, ќе ја изврши оваа трансакција и дали ќе мора да продаде некоја од неговите други компании за да го купи ТикТок.

Одговарајќи на извештајот, портпаролот на ТикТок изјави за Ал Џезира дека не може да се очекува да коментираат „чиста фикција“.

Врховниот суд на САД ја разгледува уставноста на евентуалната забрана, откако ТикТок поднесе правен приговор против Законот за заштита на Американците од апликации што ги контролираат други земји (Foreign Adversary Controlled Applications Act).

За време на усните расправи во петокот, судот се чинеше дека е склон да ја потврди забраната, при што повеќето судии не беа убедени во аргументот на ТикТок дека присилната продажба би го прекршила Првиот амандман на Уставот на САД, кој ја гарантира слободата на говорот.

Претседателот во заминување Џозеф Бајден го потпиша законот за ТикТок во април 2024 година, поради загриженоста за наводните ризици за националната безбедност.

Демократските и републиканските пратеници изразија загриженост дека платформата може да се користи за собирање лични податоци на Американците и манипулирање со јавниот дискурс.

Новоизбраниот претседател Доналд Трамп, чија инаугурација е на 20 јануари, вети дека ќе ја „спаси“ платформата за време на претседателската кампања, што е пресврт од обидот да ја забрани апликацијата за време на неговиот прв мандат.

НБА

Леброн: Лејкерси имаат огромен потенцијал за раст, во февруари или март ќе имаме поинаков тим

Најдобриот кошаркар на Лос Анџелес лејкерс, Леброн Џејмс ја сподели својата визија за составот на тимот во продолжение на сезоната во НБА-лигата.

Зборовите на Џејмс можеби навестија промени во составот пред истекот на рокот во февруари.

- Нашиот идентитет е во одбраната, каде сакаме да внесеме цврстина во играта, да се бориме, да ги тераме противниците да прават работи што не им се допаѓаат. Во нападот сакаме да ја движиме топката. Ние сме многу добри кога имаме повеќе од 20 асистенции по натпревар. Лејкерси имаат голем потенцијал за раст. Во февруари или март, претпоставувам дека ќе имаме поинаков тим. Ми се допаѓаат нашите шанси и мораме да продолжиме да работиме, изјави 40-годишниот кошаркар.

Лејкерс рано утрово загубија од Сан Антонио со 126:102.

Со биланс 20 победи и 17 порази, ЛА Лејкерс се на 7. место во Западната конференција на НБА-лигата.

притисни ентер