Официјалните документи и комуникации на општината, како и јавните објави, создаваат јасна ситуација: во Сарај се чини дека се вршени јавни активности без активен договор, односно „на црно“, додека на граѓаните им се продаваше пропаганда дека сè се работи според прописите.

Фактите се едноставни и датирани:

На 2, 3 и 10 јануари, Градоначалникот на Општината, на својата официјална Фејсбук страница, излегува пред јавноста и се фали дека се врши зимско одржување на патиштата, чистење на снег и фрлање сол.

На 8 јануари, истата институција – Општина Сарај – објавува официјално известување за избор на победник на „тендерот“, што значи дека процедурата сè уште не била завршена, дури ни на 10 јануари!

Тука го имаме парадоксот кој го урива целиот наратив: Како е можно да се работи на терен на 2, 3 и 10 јануари, кога на 8 јануари тендерот е сè уште во процес, не е завршен со активен договор и не може да заврши поради роковите за жалби?

Ова значи едно од двете: или Градоначалникот јавно ги лажел граѓаните, или работите се извршени реално – но без законска основа, без договор и надвор од процедурите. Најверојатно се работи за второто!

Скандалот станува уште потежок бидејќи активностите со кои се фали градоначалникот ги реализирала компанијата која подоцна го добила тендерот. Денес, од информациите кои излегуваат во јавноста, произлегува дека овие дејствија (чистење снег, фрлање сол) се извршени од економски оператор кој подоцна се јавува како избран понудувач на тендерот.

Ова го претвора сомнежот во „црвен аларм“:

Како се ангажирала компанија пред официјално да биде избрана?

Со какво овластување излегла на терен?

И главното прашање: Како Градоначалникот знаел дека токму таа компанија ќе го „добие“ тендерот?

Ова веќе не е „административна грешка“. Ова е знак за „наместен тендер“, каде работата се врши пред завршување на постапката, а договорот се прави подоцна. Која е таа компанија што би работела без да знае дали ќе биде платена, односно дали ќе го добие тендерот?

Исто така, градоначалникот вели дека е фрлена сол. Но, со едноставен увид во административното работење на Општина Сарај и Јавното претпријатие, произлегува дека нема набавка на сол ниту во ЈКП Сарај, ниту во општината.

Ако нема официјална набавка:

Кој ја обезбедил солта? Кој ја платил? Од кој извор? Со каков документ?

Оваа ситуација покренува сериозен сомнеж за кривична одговорност, конкретно врз основа на: Член 353 од Кривичниот законик на РСМ – „Злоупотреба на службената положба и овластување“.

Кога еден градоначалник дозволува или организира јавни работи без активен договор, тој ги надминува своите овластувања и отвора пат за:

Противправна имотна корист за некој друг;

Штета на буџетот на општината;

Наместени тендери.

Денес, Градоначалникот мора да им одговори на граѓаните:

Со каков договор и од кои компании се чистеа улиците на 2, 3 и 10 јануари?

Ако немало активен договор, кој ќе ги плати тие работи и на каква законска основа?

Дали е точно дека работата ја извршила компанијата која подоцна е избрана на тендерот?

Ако да, кој побарал од таа компанија да излезе на терен пред завршување на тендерот?

Ние не сме против чистењето на снегот – напротив, тоа е обврска на општината. Но, против сме модел на владеење каде законот се крши за манипулација на мислењето, каде процедурите се само фасада, а градоначалникот излегува на терен со оператори кои сè уште не се избрани.

Ова е моделот „работа без договор – договор по работата“. Ова е моделот „однапред познат победник“.

Затоа, упатуваме повик до:

Јавното обвинителство: Веднаш да отвори постапка за верификација на извршените работи во споменатите дати, правната основа и евентуалните плаќања.

Државната комисија за спречување на корупцијата (ДКСК): Да истражи судир на интереси, претходно одредување на победник на тендер и секакви индиции за злоупотреба.

Документите се јавни. Датите се јавни. Објавите се јавни. Единственото нешто што недостасува е одговорноста. Сарај заслужува владеење на правото, а не пропаганда.

ДУИ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.