ДУИ еуфорично го прослави изборот на Џафери за технички премиер - Канал 5

Македонија

ДУИ еуфорично го прослави изборот на Џафери за технички премиер

Новинарите кои вчера го следеа во чекор техничкиот премиер Џафери целиот ден се движеа со државни, службени возила и седеа во дипломатската ложа во собранието.

ДУИ еуфорично го прослави изборот на Џафери за технички премиер

Од офицер во ЈНА, десертер во АРМ и командант на УЧК во 2001, преку пратеник, министер за одбрана и претседател на Собранието, Талат Џафери, со чашка виски, пури, и црвени вратоврски на кои пишува „Албанец премиер“, низ песна триумфално седна на премиерското столче...

Специјални гости на прославата им беа и медиумски првенци од Косово и Албанија, а некои од нив дури и јавно му се извинуваа на Ахмети зошто во минатато го критикувале...

-Јас мислам дека е лидерот кој што прави најголема штета на Македонија. Не знае. Добро, а што знае Г. Ахмети. Тој знае да чува само овци. – Абаз се извинувам затоа што не ти верував, честито за Талат. Ќе ми простиш овој пат, друг пат ќе ти верувам повеќе.- Батон Хаџиу – Новинар

Новинарите кои вчера го следеа во чекор техничкиот премиер Џафери целиот ден се движеа со државни, службени возила и седеа во дипломатската ложа во собранието навивајќи, а од новинарот на Портал Икс кој го подготви видеото добија и прашање во кое својство се дојдени и дали за посетата се платени...

-Вие да ни кажете дали ДУИ ве плаќа да дојдете да пропагирате, затоа што тука веќе не им поминува? – Како можеш да прашаш дали сум земал пари, не ти е срам да го поставиш тоа прашање?

Човекот кој одговара на прашањето е Бленди Февзиу, новинар од Албанија, кој од центарот на Скопје порача дека сонот на албанците до 90тите бил да се обединат во голема држава. „Овој сон во Македонија е дериват на уставот на албанците како државотворен народ на Македонија. Започна со Охридскиот договор, со војната на ОВК, се разбира со напорите што беа направени порано и завршува денес симболично, кога на чело на владата во Македонија ќе дојде албанец“ – порача меѓу другото новинарот.

Косовски Клан направи и специјали со семејството на Талат Џафери, а во еден од нив изјава даде и неговиот брат...

-Работи толку што на пример и после полноќ ако дојде тој не оди на спиење, прво оди да чита Право, и неговиот коефициент на интелигенција е толку висок како на Ајнштај, а можеби и повисок, вели братот на Талат Џафери.

ДУИ еуфорично го проследи изборот за технички премиер на Џафери, но за разлика од нив, албанската опозиција смета дека нема ништо историско во вчерашната, како што ја нарекоа, „церемонија на самофалење“. Според нив, Џафери не е прв туку трет Албанец премиер, по именувањата во 1986 година на Вулнет Старова за претседател на Собранието на Социјалистичка Република Македонија и на Синан Хасани за претседател на претседателството на СФРЈ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Турист паднал од 12 метри височина, адреналинското возење се претвори во хорор- камерата цело време снимала (ВИДЕО)

Она што требаше да биде возбудлива авантура се претвори во кошмар за турист од индиската држава Карнатака, откако паднал од висина од речиси 12 метри додека се возел со жичарница во одморалиште во Дандели.

Турист паднал од 12 метри височина, адреналинското возење се претвори во хорор- камерата цело време снимала (ВИДЕО)

Инцидентот се случил кога, според семејството, безбедносниот механизам откажал, објавува NDTV.

Видеото се појави на мрежите

Туристот, идентификуван како К. С. од градот Виџајапура, претрпел повеќекратни скршеници во рацете и нозете откако ја изгубил заштитата на средина од возењето и паднал на земја.

Страшниот инцидент бил снимен со камера, а видеото брзо се проширило на социјалните мрежи.

Според семејството, безбедносната сопирачка на жичарницата „попуштила“, додека К. С. висел во воздух, по што се струполил на земја.

Семејството го обвини менаџментот на одморалиштето за небрежност, тврдејќи дека опремата „не била правилно одржувана“.

Бараат одговорност од менаџментот

Повредениот маж прво бил однесен во Владината болница во Дандели, по што бил префрлен во болница во Виџајапур.

Поради потребата од специјализиран третман, тој подоцна бил префрлен во Мираџ, каде што бил згрижен.

Семејството бара одговорност од менаџментот на одморалиштето, тврдејќи дека „несреќата можела да се спречи“ со редовно одржување на опремата и соодветни безбедносни проверки.

Тагови: туристот

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Жена била избодена за време на молитва во црква

Жена во 50-тите години е сериозно повредена во напад со нож што се случил во црквата на Светиот крст во Трамор, округ Вотерфорд, Ирска.

Жена била избодена за време на молитва во црква

Жена во 50-тите години е сериозно повредена во напад со нож што се случил во црквата на Светиот крст во Трамор, округ Вотерфорд, Ирска, за време на рецитирањето на бројаницата, непосредно пред мисата во 10 часот наутро.

Таа била во главната црква кога била нападната, објавува RTE, по што била однесена во Универзитетската болница Вотерфорд со сериозни, но не опасни по живот повреди.

Полицијата уапсила маж во 30-тите години во блиската куќа и му бил запленет нож. Тој моментално е во притвор во полициската станица во округот Вотерфорд.

Парохискиот свештеник, отец Ричард О'Халоран, потврди дека еден верник е повреден во нападот.

Епархијата Вотерфорд и Лизмор изјави дека е „длабоко шокирана од насилниот инцидент“ што се случил за време на службата, со порака за поддршка на повредената жена и благодарност до верниците кои помогнале „за време на овој ужасен настан“.

Истрагата е во тек, според ирската телевизија.

Тагови: Црква

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Се обиделе да спасат човек да не се удави, па се удавиле петмина- трагедија во Охајо (ВИДЕО)

Две жени и тројца мажи се удавија во американската држава Охајо.

Се обиделе да спасат човек да не се удави, па се удавиле петмина- трагедија во Охајо (ВИДЕО)

Според канцеларијата на шерифот на округот Делавер, трагедијата се случила во неделата навечер на реката Скиото, во близина на резервоарот О'Шогнеси, околу 16 километри северозападно од Колумбус, главниот и најголем град во државата Охајо, објави Њујорк Тајмс.

Група од најмалку седум лица - два пара, нивниот возрасен пријател и две деца - престојувале покрај брегот на реката при зајдисонце. „Некои од нив ловеле риба кога еден од возрасните влегол во реката да плива“, рече шерифот Џефри Балцер.

Детето истрчало на патот и запрело автомобил

Кога пливачот почнал да се бори да остане на површината, двајца други возрасни се обиделе да му помогнат, но самите почнале да тонат. „После тоа, уште двајца возрасни се обиделе да ги спасат, пред сите петмина да исчезнат во реката“, им рече Балцер на новинарите на прес-конференција.

„Не е невообичаено едно лице да почне да се дави, а други да се обидуваат да го спасат, иако немаат потребни вештини, па затоа завршуваме со повеќе смртни случаи“, нагласи шерифот.

Властите беа известени за несреќата откако едно од двете деца истрча на блискиот пат и го запре автомобилот. На возачот му беше кажано дека „неговото семејство е удавено во реката“. Службите за итни случаи веднаш беа испратени на местото на настанот и брзо ги пронајдоа двете жени и ги извлекоа од водата. Набргу потоа, тие беа прогласени за мртви во блиската болница.

Телата на тројцата исчезнати мажи беа пронајдени следниот ден. Шерифот рече дека двете деца, и двете под десетгодишна возраст, биле згрижени од локалните служби за заштита на деца по трагедијата.

Тагови: Охајо удави

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер