Дуа Липа го тужи Самсунг и бара 15 милиони долари - Канал 5

Шоу биз

Дуа Липа го тужи Самсунг и бара 15 милиони долари

Дуа Липа поднесе тужба од 15 милиони долари против Самсунг, тврдејќи дека компанијата ја користела нејзината слика за продажба на своите телевизори без дозвола и без надомест. 

Дуа Липа го тужи Самсунг и бара 15 милиони долари

Во тужбата се наведува дека Самсунг почнал да ја користи нејзината фотографија на пакувањето на телевизорите минатата година, што, тврди пејачката, создало лажен впечаток дека таа го промовира нивниот производ, пишува Варајати.

Самсунг го игнорирал барањето

Според тужбата поднесена минатиот петок, тимот на Липа, откако дознал за контроверзното пакување, побарал од Самсунг да престане да го користи нејзиниот лик. Сепак, компанијата наводно одбила да го исполни барањето и се однесувала кон нејзиниот тим „одбивно и нечувствително“.

„Лицето на г-ѓа Липа било видливо користено во голема маркетиншка кампања без нејзино знаење или надомест. Таа немала никакво влијание, контрола или придонес“, се наведува во тужбата. „Г-ѓа Липа не се согласила на таква употреба, ниту пак некогаш би се согласила на тоа“.

Контроверзна фотографија и реакции на клиентите

Тужбата појаснува дека Липа ги поседува авторските права за спорната фотографија, која е направена зад сцената на фестивалот „Остин Сити Лимитс“ во 2024 година. Адвокатите на пејачката тврдат дека Самсунг профитирал од лажниот впечаток дека таа го поддржува нивниот производ, а како доказ приложиле и коментари од социјалната мрежа X, порано Твитер.

„Не планирав ни да купам телевизор, но ја видов кутијата, па сепак го зедов“, напиша еден корисник. „Би го купил тој телевизор само затоа што Дуа Липа е на него. Толку сум опседната. Ја сакам“, гласеше друг цитиран коментар. Трет заклучи: „Ако треба да продадете нешто, само ставете слика од Дуа Липа на него“.

Повреда на авторски права и повреда на трговската марка

Адвокатскиот тим на пејачката истакнува дека Липа изградила „премиум бренд“ и дека е „многу селективна“ при изборот на производите што ги промовира. Тужбата, поднесена во Централниот округ на Калифорнија, се однесува на повреда на авторски права, повреда на законот за јавен имиџ на Калифорнија, федералниот закон Ланхам и повреда на трговска марка. Самсунг сè уште не коментирал за тужбата.

Тагови: Дуа Липа

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Пожари веќе трет ден се шират низ неколку области на Грција, а најтешка е ситуацијата во Ретимно на Крит

Пожари веќе трет ден се шират низ неколку области на Грција, а најтешка е ситуацијата во Ретимно на Крит,исто така и пожарот на Парос повторно се разгорува.

Пожари веќе трет ден се шират низ неколку области на Грција, а најтешка е ситуацијата во Ретимно на Крит

Според информациите од координативниот центар, гаснењето на пожарот во Ретимно го отежнуваат силните ветрови и непристапниот терен, што предизвикува постојано повторно појавување на пожарот и негово ширење.

Првичните проценки покажуваат дека се изгорени повеќе од 45 илјади хектари, а се очекува конечниот исход од катастрофата да биде поголем.

Поради многу високиот ризик од нови пожари, властите воведоа привремена забрана за сообраќај и присуство на граѓани во одредени шумски области на Патрас, но и на Халкидики

Тагови: пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Царинска управа: На Табановце спречен обид за нелегален пренос на девизи - запленети 64 илјади евра

Царински службеници на влез на граничниот премин Табановце спречија обид за нелегален пренос на готовина во износ од 64.250 евра, пронајдени при контрола на автомобил со германски регистарски таблички со кој патувал грчки државјанин. 

Царинска управа: На Табановце спречен обид за нелегален пренос на девизи - запленети 64 илјади евра

Девизите се запленети, а против лицето е поведена прекршочна постапка пред надлежен суд.

Во конкретниот случај, на прашање на царинските службеници дали има нешто да пријави, лицето пријавило 60 илјади евра со образец издаден на влез во Република Србија. Поради сомневање во изјавата, царинските службеници заедно со полициски службеник на Фронтекс извршија детален претрес при што се пронајдени вкупно 124.250 евра. Согласно Законот за девизно работење на лицето му се вратени 60 илјади евра, а останатите се одземени.

Годинава се откриени вкупно 30 случаи на нелегален пренос на девизи, при што запленети се вкупно 820.675 евра, 141.300 британски фунти и 35 илјади австралиски долари.

Тагови: царина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп: Постигнат е договор за разоружување на Хамас и повлекување на израелските сили од Појасот Газа

Претседателот на САД, Доналд Трамп изјави дека е постигнат договор за целосно разоружување на Хамас и другите милитантни групи во Појасот Газа.

Трамп: Постигнат е договор за разоружување на Хамас и повлекување на израелските сили од Појасот Газа

Договорот е дел од мировниот план во 20 точки што беше претставен минатата година.

Овој договор е клучен чекор кон тоа Газа конечно да биде управувана од нова палестинска влада, која ќе соработува со мировниот комитет за да му помогне на палестинскиот народ, објави Трамп на социјалната мрежа „Трут соушл“.

Тој додаде дека во исто време „Израел ќе ја добие безбедноста што ја заслужува, а Газа повеќе нема да се користи како база за терористички напади.

Тагови: Доналд Трамп Хамас

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер