ДТС воведува награда „Горан Стефановски“ за драмски текст од млад автор

ДТС воведува награда „Горан Стефановски“ за драмски текст од млад автор, конкурсот отворен до 20 февруари.

Од денеска до 20 февруари е отворен конкурс на Драмскиот театар Скопје за наградата „Горан Стефановски“ која ќе се доделува за драмски текст од млад автор, до 30-годишна возраст. Драмските текстови примени на конкурсот ќе ги оценува петчлена комисија и добитникот на нововостановената награда на ДТС ќе биде објавен најдоцна до средината мај годинава.

Наградата се состои од паричен износ од 60.000 денари и обврска на Драмскиот театар да го постави наградениот текст на својата сцена во наредните две сезони.

Директорот на ДТС Роберт Вељановски на прес-конференција денеска соопшти дека иницијативата за наградата е на претходната управа на театарот и со цел да се стимулира драмското творештво кај младите. Според него, се што е добро треба да продолжи и да се надградува.

Како што рече, Горан Стефановски е „еден од амблематските автори коишто биле поставувани на сцената на Драмскиот театар“.

- Горан Стефановски е неиздвоив дел од историјата на Драмскиот театар кој на својата сцена има поставено 15 претстави, од кои осум се праизведби, на драмски текстови на Стефановски. Токму затоа решивме во негова чест од оваа година да востановиме награда со којашто ќе го стимулираме драмското творештво на младите автори со цел и идеја да ни се роди нов Горан, да ни се родат нови претстави кои ќе живеат на сцената на Драмскиот театар и претстави кои ќе го отсликаат времето во кое живееме, рече Вељановски.

Имињата на петте членови на жирито не ги соопшти затоа што треба да бидат одобрени од Управниот одбор, но рече дека се „исклучително сериозни луѓе, дел од нив универзитетски професори“ и оти ќе има „исклучително компетентна и квалитетна комисија која ќе ги проценува“.

Конкурсот е анонимен и пријавувањето со шифра. Пропозициите се содржани во конкурсот што ДТС ќе го објави денеска на својата веб-страница. Подготвено е и визуелно решение за конкурсот, на авторите Бранко Прља и Дарија Пројковска.

Вељановски соопшти дека на денот на објавувањето на добитникот на наградата „Горан Стефановски“ во мај ќе биде промовирана и книгата „Горан во Драмски“ од Александра Бошковска, издадена од ДТС во 2020, која досега не е промовирана зашто е објавена во време на короната. Во книгата се содржани податоци за 15-те претстави на Горан Стефановски поставени на сцената на Драмскиот театар.

На новинарско прашање за буџетот што му е одобрен на ДТС за 2025 со Годишната програма за поддршка на проекти од културата, Вељановски информираше дека имаат поголем буџет од минатата година и неофицијално, како што рече, средствата се околу 100 проценти зголемени во однос на 2024.

- Но, да не шпекулирам, денеска ќе имам средба со министерот за култура и ќе ми бидат соопштени детали за Годишната програма за 2025 година, додаде директорот на Драмски театар-Скопје.

Москва: Американските компании загубија 300 милијарди долари со напуштање на рускиот пазар

 Директорот на рускиот Фонд за директни инвестиции (РДИФ), Кирил Дмитриев, изјави денеска, пред почетокот на руско-американските преговори во Ријад, дека американскиот претседател Доналд Трамп е „човек кој решава проблеми“.

„Навистина гледаме дека претседателот Трамп и неговиот тим - тим кој решава проблеми, луѓе кои многу брзо, многу ефективно и многу успешно се соочија со голем број големи предизвици“, рече Дмитриев.

Тој посочи дека американските компании изгубиле околу 300 милијарди долари со напуштањето на рускиот пазар поради војната во Украина.

„Она што е важно е изнаоѓање заеднички економски патишта и позитивни решенија, пред се за САД и за многу други земји кои почнуваат да сфаќаат дека рускиот пазар е исклучително атрактивен и дека е неопходно да се биде присутен таму“, рече тој.

„Се разбира, денешните разговори со американската делегација се исклучително важни. Сите очи се вперени во тоа дали САД и Русија ќе успеат да ги подобрат своите односи, бидејќи нашите подобри односи ќе ни овозможат да решиме голем број глобални задачи и проблеми со кои се соочува светот во моментов“, им рече тој на новинарите пред руско-американските разговори во Ријад, додавајќи дека тој ќе биде одговорен за разговорите за „економскиот аспект“.

Дмитриев, поранешен банкар на Голдман Сакс, образован во САД, одигра голема улога во првите контакти меѓу Москва и Вашингтон за време на првиот претседателски мандат на Трамп.

СДСМ: Намалување на ДДВ за струја на 5 отсто ќе донесе значително намалување на сметките

Прифаќање на предлогот на СДСМ за намалување на ДДВ за електрична енергија од 18% на 5%, ќе донесе значително намалување на сметките за струја на над 600.000 домаќинства.

За сметка од 3.000 денари, заштедата за граѓаните ќе изнесува околу 400 денари месечно.

Во услови кога животот станува сè поскап, сè повеќе семејства се соочуваат со финансиски тешкотии мерката на СДСМ за намалување на ДДВ за струја на 5% ќе донесе директно финансиско олеснување за граѓаните.

Евростат измери дека граѓаните на Македонија плаќаат најскапа струја во регионот.

Владата на Мицкоски покажа голема неспособност и незаинтересираност, наместо да им помогне на граѓаните ги остави сами.

Граѓаните се жалат дека јануарските сметки за струја им се зголемени од 20% до 30%, со што им е зададен уште еден сериозен удар врз нивните семејни буџети по серијата поскапувања на цените на производите, на храната но и на парното.

СДСМ ја повикува Владата и сите пратеници во македонското Собрание, да го прифати предлогот на СДСМ за намалување на ДДВ на струја од 18% на 5%, за да им се помогне на граѓаните да го прребородат овој тежок период.

СДСМ - Центар за комуникации со јавноста

Во Ријад почнаа преговорите помеѓу руската и американската делегација

 Во главниот град на Саудиска Арабија, Ријад почнаа преговорите помеѓу руската и американската делегација за завршување на војната во Украина.

Како што јавија руските медиуми, преговрите се водат во една од палатите на кралското семејство, Дирија во комплексот Албасатин,

Во Ријад допатуваа шефот на руската дипломатија Сергеј Лавров и помошник-претседателот на Русија, Јуриј Ушаков. Американската делегација е предводена од државниот секретар Марко Рубио.

притисни ентер