ДСЗИ предлага да се покрене постапка за стручен надзор за лекувањето на починатото бебе - Канал 5

Здравје

ДСЗИ предлага да се покрене постапка за стручен надзор за лекувањето на починатото бебе

Државниот санитарен и здравствен инспекторат утврди пропуст во лекувањето на седуммесечното бебе кое минатата недела почина на Детската клиника. 

ДСЗИ предлага да се покрене постапка за стручен надзор за лекувањето на починатото бебе

Во извештајот на ДСЗИ се вели дека било констатирано дека за време на прегледот на бебето во дежурната амбуланта немало специјалист.

-При надзорот е констатирано дека на клиниката се уште не е решен проблемот со задолжително присуство на специјалист во дежурната амбуланта, а за кое во дсзи се води прекршочна постапка. и понатаму медицинската докуметација се креира и од страна на доктори кое не се присутни на работа или во дежурна амбуланта за што од страна на дсзи е веќе издадено решение чии рокови течат, се вели во извештајот на ДСЗИ.

Според инспекторатат, Законот за здравствена заштита предвидува дека за прием на пациенти прегледани на Клиниката како итни случаи, доколку прием не е извршен установата е должна да издаде писмено образложение за причините за одбивањето за болничко лекување, што не било постапено во случајот со седуммесечниот Дамјан.

Директорот на болницата и самата установа за овие пропусти ќе бидат парично казнети, по принцип на порамнување, што значи дека засегнатите лица ќе бидат повикани на средба на која, доколку се појават ќе добијат можност за помала казна. Во спротивно, ќе следува прекршочна постапка.

Таткото на починатото бебе, за канал 5 вели дека правдата ќе ја бара на суд, за оваа трагедија да не му се повтори на ниту едно друго дете. Вели ако му било објаснето дека во моментот нема специјалист во болницата, тој својот син за да го спаси ќе го однел во друга болница.

Директорот на Детска клиника, Мемеди денеска беше повикан на средба кај министерот Таравари, но нема информации за што се разговарало.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Мицкоски пак лаже, сега и за Избориот законик

Христијан Мицкоски повторно лаже, сега и за Изборниот законик.

СДСМ: Мицкоски пак лаже, сега и за Избориот законик

Откако насилно ја укина техничката влада и проба шверцерски да протне Изборен законик за нов изборен грабеж со злоупотреба на 200.000 гласа сега вели целта му била гласањето на дијаспората и дека СДСМ не сака да дозволи да гласаат сограѓаните од дијаспора.

Ова е чиста лага. Прво затоа што дијаспората гласа и сега, со постојниот модел, второ, затоа што измените што ги предлага се за 2029 година.
Целта на Мицкоски е изборен грабеж и злоупотреба на 200.000 гласа затоа што поддршката од граѓаните му падна и сака изгубените гласови во Македонија да ги надомести преку злоупотреба со „електронско гласање“ од надвор.
А сите знаеме како ВМРО ги крадеше изборите.
Додека секој граѓанин кој гласа во татковината минува низ строга процедура, проверка, личен документ, потпис во избирачкиот список, идентификација со отпечаток од прст, Мицкоски сака да нема никакви правила и да нема никаква контрола за гласањето на дијаспората.
Уште една лага на Мицкоски е разобличена.
Мицкоски вели дека не се заканувал. Повторно лаже, граѓаните слушнаа како од говорница на македонското Собрание се закани со затвор и политички прогон за сите политички неистомисленици.
Вели не навредувал а постојано ги навредува граѓаните како „талог на општеството“, „глодари“ „медиокритети“, „мекотели“...
Мицкоски постојано лаже. Пред неколку дена рече заминува од политиката и се враќа на Факултет, вчера вели не кажав кога.
Исто како што лажеше за Преспанскиот договор, враќање на името, преговарачката рамка, лагите дека е загрозен македонскиот идентитет и јазик, исто како што лаже за „економските работници“ исто како што лаже дека сме „трета економија во Европа“.
Народот знае, кој лаже тој и краде.
Фронтот за вистина и правда ќе ја врати власта во рацете на граѓаните а потоа сите ќе одговараат пред независното судство и пред законот.

Скопје, 03.07.2026

СДСМ
Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

О. Карпош: Успешно реализирана обуката за дигитална писменост на постарите карпошани

Во вторникот, (30.06.2026) се одржа последниот час од бесплатните обуки за дигитална писменост и економска инволвираност, кои беа реализирани како дел од проектот од годишната Програма за еднакви можности меѓу жените и мажите на Општина Карпош.

О. Карпош: Успешно реализирана обуката за дигитална писменост на постарите карпошани

Обуките, активно ги следеа 25 лица од три категории, вклучувајќи ги постарите жители на Карпош, лица во социјален ризик, како и граѓани од маргинализираните групи.

Предавањата беа распоредени во текот на 12 недели во траење од 90 минути по сесија. Во рамки на обуките, присутните се стекнаа со практични искуства за користење на електронските уреди, пребарување на интернет мрежите, притоа, совладувајќи ги современите техники за управување со електронското банкарство и безбедно користење на јавните електронски услуги.

Во оваа пригода учесниците добија и лиценцирани сертификати за посетување на обуките, со што ги унапредија своите дигитални вештини кои се неопходни во современиот свет на комуницирање, стои во соопштението од Општина Карпош.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Видео: ФИФА се огласи за поништениот гол на Хрватска – ова е објаснувањето

Светската фудбалска федерација (ФИФА) објасни зошто голот на Хрватска против Португалија беше поништен. 

Видео: ФИФА се огласи за поништениот гол на Хрватска – ова е објаснувањето

Јошко Гвардиол го совлада Рикардо Коста во 13-тата минута од судиското продолжение, но израмнувањето беше спречено од „Connected Ball“ технологијата.

Според ВАР системот асистентот на погодокот на Гвардиол , Марио Пашалиќ бил во офсајд, само затоа што неговиот соиграч Игор Матановиќ имал минимален контакт со топката со главата пред тоа.

„Според податоците обезбедени од технологијата „Connected Ball“ која што се наоѓа во внатрешноста на официјалната топка на Светското првенство -Adidas Trionda, докажано е дека хрватскиот играч Игор Матановиќ имал контакт во фазата на подготовка на акцијата пред голот против Португалија, што му овозможи на судијата правилно да утврди офсајд и да го поништи голот“, се вели во соопштението на ФИФА. Гледачите на ТВ екраните веднаш можеа да го видат тој мал контакт преку графика , што покажуваа дека Матановиќ имал допир со топката.

„IMU сензорите лоцирани во Трионда се способни да детектираат секаков мал контакт, прикажан на гледачите на емитувањето како „графика на отчукувања на срцето“ и да им обезбедат на службените лица невидено ниво на податоци за брзи и точни одлуки.“- стои во соопштението на ФИФА.

https://www.youtube.com/watch?v=lXNn1zzVmzw

Тагови: СП2026 ФИФА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер