„Apple“ очигледно се соочува со едно од најголемите пробиви на податоци во својата историја. Само неколку месеци пред официјалното деби на серијата„ iPhone 18 Pro“, хакерите наводно објавија фотографии, видео од тест за пад, список на добавувачи и клучни компоненти на телефонот.

Минатата недела беше објавено дека „Tata Electronics“, добавувачот на „Apple“ и производител на „iPhone“ во Индија, бил погоден од сајбер напад и кражба на податоци. Како резултат на тоа, беше објавено дека повеќе од 200.000 трговски тајни и доверливи документи што им припаѓаат на „Apple“ и „Tesla“ биле украдени од групата за рансомвер „World Leaks“. Според Ројтерс, групата сега објавила список на добавувачи, детали за компоненти и фотографии од претстојните модели на „iPhone 18 Pro“ на дарк веб.

Меѓу протечените материјали е и видео од тест за пад на „iPhone 18 Pro“, кој се очекува да биде лансиран овој септември. Телефонот е прикажан во сива боја и има ист препознатлив дизајн како кај минатогодишната серија „iPhone 17 Pro“. Уредот, исто така, се чини дека е доста издржлив, иако се чини дека е подебел од минатогодишниот модел. Едно можно објаснување е дека „Apple“ можеби користи поголема батерија во серијата „iPhone 18 Pro“.

Alleged iPhone 18 Pro footage has surfaced online.

The leak appears to show Apple's next-generation flagship in a new Deep Space Gray finish. #Apple #iPhone18ProMax #iphone18pro https://t.co/tIimlCjqH9 pic.twitter.com/XGaLwfbOb1

— Rock Leaks (@rockleaks) June 30, 2026

Дополнително, Ројтерс вели дека видел најмалку шест документи што поврзуваат многу од компонентите во моделите „iPhone 18 Pro“ со нивните соодветни добавувачи, вклучувајќи детали за чиповите на матичната плоча, како и компонентите на батеријата и камерата. Документите наводно детално опишуваат стотици делови што ќе се користат во моделите „iPhone 18 Pro“.

Извор запознаен со ситуацијата изјавил за медиумот дека „Apple“ ги класифицира податоците како чувствителни и е „загрижен за споделувањето документи на дарк веб бидејќи тие се однесуваат на модели што сè уште не се објавени“. „Apple“ наводно го истражува проблемот, но сè уште не дал официјална изјава.

Извор: Б92

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Трамп ја потпиша оваа наредба на првиот ден од неговото враќање на функцијата во јануари минатата година, кога започна нова кампања против нелегалната имиграција.

Целта на наредбата беше да се одземе американското државјанство на деца родени од родители кои се во САД нелегално или привремено.

Сепак, федералниот суд набрзо ја блокираше нејзината имплементација, сметајќи ја за спротивна на 14-тиот амандман од Уставот на САД, по што случајот стигна до Врховниот суд.

И покрај фактот дека Врховниот суд е составен од мнозинство конзервативни судии, судот денес пресуди против наредбата на Трамп.

Американскиот дописник на Скај њуз, Дејвид Блевинс, оцени дека оваа одлука е „голем пораз“ за Доналд Трамп, бидејќи е една од клучните точки на неговата имиграциска политика.

Според него, Трамп ќе биде „бесен“ поради одлуката, бидејќи со години инсистира на ова прашање.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Претседателот Движењето ЗНАМ за Наша Македонија, Максим Димитриевски на денешната прес конференција соопшти дека ЗНАМ во Владата ќе раководи со Министерството за јавна администрација и со Министерството за земјоделие, а ќе добие и уште еден заменик министер во едно влијателно министерство. Министеството за јавна администрација ќе продолжи да го води досегашниот министер Горан Минчев, а со Министерството за земјоделие ќе раководи Борче Серафимовски, актуелен државен секретар во Министерството и Потпретседател на ЗНАМ.

На денешната седница Извршниот одбор на партијата ги разгледа актуелните политички состојби, процесот на реконструкција на Владата и идните чекори во реализацијата на нашите програмски определби.

„Пред две години го формиравме Движењето ЗНАМ пред се со државотворна идеја, идеја која својата политичка и морална легитимност ја црпи од вредностите на АСНОМ и Илинден, од стремежот кон самостојна, достоинствена, праведна и европска Македонија.

Од самиот почеток кажавме дека политиката за нас нема да биде натпревар за функции, туку натпревар за доверба и испорачување на резултати, во интерес на граѓаните и државата“, рече Димитриевски.

„Токму затоа, кога се создадоа услови да бидеме дел од Владата, не калкулиравме. Не ги баравме најлесните ресори, ниту позициите кои носат најмал политички ризик. Свесно ги презедовме Министерството за правда и Министерството за јавна администрација, два ресора кои со години беа симбол на застој, недовршени реформи и нарушена доверба на граѓаните во институциите.

Денес, по две години, со право можеме да кажеме дека изборот што го направивме беше исправен.

Во Министерството за јавна администрација се реализираа суштински реформи кои создаваат основа за професионална, ефикасна и департизирана јавна администрација. Додека, во Министерството за правда беше започнат најобемниот реформски циклус во последната деценија, со јасна цел, правосуден систем кој ќе биде предвидлив, ефикасен и во служба на правдата.

И ова не е само политичка оценка на ЗНАМ. Ова е и оценка што ја споделуваат и потврдуваат и нашите европски партнери. Неодамнешните пораки на претседателот на Европскиот совет, Антонио Кошта, се силна потврда дека Република Македонија ги исполнува обврските од реформската агенда и дека институциите испорачуваат резултати таму каде што со години постоеше застој, во делот на реформа на јавната администрација и владеење на правото.

Во разговорите со нашиот владин партнер, ВМРО-ДПМНЕ, околу реконструкцијата на Владата, Движењето ЗНАМ не настапуваше од позиција на тоа колку ресори ќе добие, туку од позиција каде можеме да дадеме најголем придонес за државата.

Нашата програма за парламентарните избори во 2024 година не беше пишувана за една изборна кампања, туку претставуваше визија за развој на Македонија, и една од главните програмски определби беше „Македонија самоодржлива држава.

Самоодржлива држава значи држава која ги користи сопствените потенцијали.

Држава која ја зајакнува домашната економија, го штити сопственото производство, создава услови за конкурентно земјоделство, инвестира во човечкиот капитал и ја намалува зависноста од надворешни фактори.

Токму затоа оценивме дека во оваа фаза од развојот на Владата, ЗНАМ треба да преземе уште поголема одговорност во секторите кои директно влијаат врз економскиот развој и животниот стандард на граѓаните.

По сеопфатна анализа и консултации во рамките на партијата како и со нашите коалициски партнери, денес Извршниот одбор едногласно одлучи Министерството за јавна администрација и понатаму да остане предводено од Горан Минчев, кој во изминатите две години покажа дека реформите можат да се реализираат со знаење, визија и политичка одговорност.

Истовремено, Движењето ЗНАМ ќе го преземе раководењето со Министерството за земјоделство, шумарство и водостопанство. За министер го предлагаме Борче Серафимовски“, соопшти претседателот на ЗНАМ, Димитриевски.

„Станува збор за човек кој ги обединува академското знаење, менаџерското искуство и практичното познавање на системот. Доктор е по организациски науки, магистер по меѓународни односи, дипломиран бизнис менаџер и дипломиран дефендолог, а во изминатите две години успешно ја извршуваше функцијата државен секретар во Министерството за земјоделство, шумарство и водостопанство.

Она што за нас беше пресудно не се само неговите академски квалификации, туку фактот што доаѓа како човек кој веќе го познава системот, ги познава потребите на македонските земјоделци, ги разбира предизвиците со кои се соочува агросекторот и има капацитет веднаш да продолжи со реализација на започнатите политики. Уверен сум дека ќе ја оправда довербата што му ја даваме денес, исто како што тоа го направија и нашите досегашни министри.

Во согласност со коалицискиот договор, во септември ЗНАМ ќе преземе дополнителна одговорност со именување заменик-министер во едно од највлијателните министерства во Владата.

Дозволете ми во оваа прилика да упатам искрена благодарност до Игор Филков за сè што направи како министер за правда. Зад него останува сериозен реформски капитал, 33 подготвени законски решенија, од кои 13 се директно поврзани со реформската агенда и четири од нив се усвоени и изгласани во Собранието на Република Македонија (Закон за судска служба, Закон за јавно обвинителска служба, Закон за судски совет, Закон за совет на јавни обвинители), а истите се изработени преку процес во кој беа вклучени повеќе од 300 експерти во рамки на 24 работни групи.

Тоа не е успех на еден човек или на една партија. Тоа е успех на државата. Му благодарам за професионалноста, интегритетот и посветеноста и уверен сум дека неговото знаење и искуство ќе продолжат да бидат значаен дел од политиките што ги креира Движењето ЗНАМ“, рече Димитриевски.

„Одлуките што денес ги донесовме не претставуваат обична кадровска реконструкција. Тие се резултат на политичко созревање, на стекнато искуство и на довербата што ја изградивме преку работа. ЗНАМ денес има поголема институционална одговорност отколку пред две години. Но, со секоја нова одговорност расте и нашата обврска кон државата и кон граѓаните.

Ние немаме намера да ја мериме нашата успешност според бројот на функции што ги извршуваме. Нашето мерило ќе остане исто како и до сега, водено од тоа колку институциите се поефикасни, колку реформите се подлабоки и колку граѓаните чувствуваат подобар квалитет на живот. Затоа ќе продолжиме да бидеме конструктивен, стабилен и принципиелен партнер во Владата.

Ќе продолжиме да ги реализираме политиките што им ги ветивме на граѓаните. И ќе продолжиме да докажуваме дека државотворноста не е политички слоган, туку секојдневна обврска. Тоа е суштината на ЗНАМ. Тоа е нашата одговорност.

И тоа е патот по кој ќе продолжиме да ја градиме Македонија“, нагласи претседателот на Движењето ЗНАМ – За Наша Македонија, Максим Димитриевски на денешната прес конференција.

Центар за комуникации и аналитика

ЗНАМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.