Државниот завод за ревизија од 2010 до 2019 година извршил вкупно 699 ревизии - Канал 5

Македонија

Државниот завод за ревизија од 2010 до 2019 година извршил вкупно 699 ревизии

Државниот завод за ревизија во периодот од 2010 до 2019 година извршил вкупно 699 ревизии, од кои 513 се ревизии на регуларност, 165 на успешност и 21 ревизија на усогласеност.

Државниот завод за ревизија од 2010 до 2019 година извршил вкупно 699 ревизии

Сите извештаи од извршените ревизии се собрани во една база, од страна на Центарот за граѓански комуникации.

Предмет на ревизија на Државниот завод во овие десет години биле вкупно 406 субјекти, а најмногу ревизии, по 63 биле направени врз здравствени установи и единици на локална самоуправа.

Според анализата на Центарот за граѓански комуникации, повеќе од една петтина од општините во државава не биле предмет на каква било ревизија од Државниот завод во последните десет години.

Ниту една контрола не била направена кај точно 17 локални самоуправи, меѓу кои во Босилево, Пласница, Гевгелија, Демир Капија, Македонска Каменица и Новаци.

Кај 63 општини и градот Скопје биле направени 89 ревизии од кои 86 поединечни и три ревизии во кои биле опфатени повеќе општини.

Анализата на Центарот за граѓански комуникации, покажува дека сите 15 министерства биле предмет на ревизија во анализираниот период и кај нив биле извршени вкупно 85 ревизии од кои 69 поединечни и 16 ревизии на повеќе субјекти.

ДЗР, најмногу, десет пати правел ревизија кај Министерството за животна средина и просторно планирање и тоа шест самостојни ревизии и четири ревизии во кои покрај министерството имало и друг субјект. Од овие десет ревизии три биле на регуларност, а останатите седум на успешност. Најмалку ревизии, односно, само една ревизија на регуларност била направена кај Министерството за внатрешни работи во 2016 година.

Според Центарот за граѓански комуникации, 17 проценти од ревизиите биле извршени врз политички партии и коалиции, а дури 117 ревизии на усогласеност или регуларност биле направени на вкупно 56 партии и коалиции формирани за некои од изборите во државава.

Од 2010 до 2019 година предмет на ревизија биле и девет државни акционерски друштва. Кај нив биле направени 17 ревизии, од кои најмногу кај М-НАВ, четири ревизии, а 36 ревизии, пак, биле направени кај 25 јавни претпријатија.

Предмет на ревизија во периодот од 2010 до 2019 година биле 23 агенции кај кои биле направени 41 ревизија.

Секоја година, според анализата на Центарот за граѓански комуникации, односно десет години по ред била правена ревизија врз Агенцијата за вработување и тоа секогаш ревизија на регуларност, освен во 2014 година кога била направена ревизија на успешност. Врз останатите агенции во изминатите десет години биле правени по една или две ревизии, со исклучок на Агенцијата за храна и ветеринарство кај која биле направени три ревизии и тоа две на успешност и една на регуларност.

Базата на податоци е подготвена од Центарот за граѓански комуникации во рамки на Проектот за граѓанско учество со поддршка на УСАИД.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Поранешниот претседател на Јужна Кореја е осуден за лажење во изборната кампања

Јужнокорејскиот суд денеска го осуди поранешниот претседател Јун Сук Јеол на 18 месеци затвор,условно на три години, откако го прогласи за виновен за кршење на изборниот закон со давање лажни изјави за време на претседателската кампања во 2022 година.

Поранешниот претседател на Јужна Кореја е осуден за лажење во изборната кампања

Доколку пресудата биде потврдена по жалба, може да ја принуди партијата на Јун да врати околу 27 милиони долари, или 39,7 милијарди јужнокорејски вони, што ги доби од Националната изборна комисија по неговата претседателска победа.

Лажни изјави во кампањата

Централниот окружен суд во Сеул утврди дека Јун дал лажни информации двапати за време на кампањата, помеѓу декември 2021 и јануари 2022 година.

„Кога кандидатот лично објавува лажни информации на јавни настани со големо влијание, како што се дебати и интервјуа, влијанието врз донесувањето одлуки на гласачите е многу значајно“, рече судот во својата пресуда.

Обвинителите побараа двегодишна затворска казна, додека Јун, кој негираше какво било кривично дело, планира да поднесе жалба на пресудата, рече неговиот правен советник.

Партијата би можела да изгуби милиони

Според изборниот закон на Јужна Кореја, политичките партии добиваат државна компензација за трошоците за кампањата ако нивниот претседателски кандидат победи или добие најмалку 15 проценти од гласовите.

Доколку кандидатот последователно добие затворска казна или парична казна од најмалку еден милион јужнокорејски вони, партијата мора да ги врати примените средства.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Коњаниците тргнаа кон Крушево- почна 48. Илинденски коњички марш

Околу 40 коњаници, меѓу кои и пет девојки, попладнево, од дворот на црквата „Св. Петар и Павле“ во Горно Лисиче, тргнаа кон Крушево.

Коњаниците тргнаа кон Крушево- почна 48. Илинденски коњички марш

Околу 40 коњаници, меѓу кои и пет девојки, од дворот на црквата „Св. Петар и Павле“ во Горно Лисиче, тргнаа кон Крушево, продолжувајќи ја речиси петдецениската традиција посветена на чествувањето на Илинден и на македонските херои.

– На 31 јули, коњаниците од Горно Лисиче ќе се обединат со учесниците од Свети Николе, Кичево и Битола, испраќајќи силна порака за единство, почитување на традицијата и зачувување на македонското историско наследство – информира прес-службата на Општина Аеродром.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Коментарот на Халанд на сопствената статуа е хит на мрежите (ВИДЕО)

Уметник познат како Џеј Клејот создаде глинена скулптура на Ерлинг Халанд, а видеото брзо стана вирално на социјалните мрежи. 

Коментарот на Халанд на сопствената статуа е хит на мрежите (ВИДЕО)

Видеото го забележа самиот норвешки фудбалер и тој реагираше со коментар од еден збор.

Коментар на Халанд од еден збор

Откако видеото се прошири на социјалните мрежи, Халанд го забележа и остави кратка порака во коментарите: „Убаво“. Тој краток одговор го воодушеви и авторот на скулптурата и илјадниците фудбалски фанови. Се чини дека уметникот очекувал токму тоа, шегувајќи се напиша покрај видеото: „Поминуваш часови правејќи фигура, а потоа еден човек по име Ерлинг само коментира „убаво“. На крајот, токму тоа се случи.

Интернет феномен на коментарите на Халанд

Реакцијата на Халанд е дел од самосоздаден интернет феномен во последниве години. Напаѓачот на Манчестер Сити е познат по тоа што остава многу кратки коментари на социјалните мрежи, обично само „Убаво“ и повремено „Не е убаво“. Неговите одговори се појавуваат на сè, од фудбалски резимеа до вирални видеа кои немаат никаква врска со спортот.

Овој начин на коментирање стана многу популарен на Инстаграм и ТикТок, па корисниците сега намерно го тагираат Халанд во своите објави со надеж дека ќе го привлечат неговото внимание. Она што започна како серија обични коментари на крајот се претвори во интернет шега што самиот Халанд ја прифати.

Неговото „Убаво“ можеше да се види под преработки на навивачки песни, спортски мемиња, но и на објавата за роденденот на неговата девојка. Така, тој збор стана негов препознатлив интернет потпис.

Тагови: Халанд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер