Државната фитосанитарна лабораторија со официјална интернет страница - https://dfl.mzsv.gov.mk/ - Канал 5

Здравје

Државната фитосанитарна лабораторија со официјална интернет страница - https://dfl.mzsv.gov.mk/

Државната фитосанитарна лабораторија (ДФЛ), орган на државната управа во состав на Министерството за земјоделство, шумарство и водостопанство (МЗШВ), зачекори во дигиталната ера, со лансирање на официјалниот вебсајт https://dfl.mzsv.gov.mk/.&nb

Државната фитосанитарна лабораторија со официјална интернет страница - https://dfl.mzsv.gov.mk/

Како што соопшти, дигитализацијата ќе овозможи повисоко ниво на напредни и квалитетни лабораториски услуги, со цел обезбедување заштита на здравјето на растенијата, безбедноста на храната и контролата на квалитет на семе преку акредитирани, сигурни и научно засновани лабораториски анализи.

-ДФЛ обезбедува напредни и квалитетни лабораториски услуги за дијагностицирање и детерминирање штетни организми, биолошки тестирања, испитување на физички и хемиски својства на производите за заштита на растенијата, резидуи од пестициди во растително производство, анализа на активна супстанца, анализа на семенски и саден материјал, земање примероци од семе и параметри за одредување квалитет на земјоделски производи.

Државната фитосанитарна лабораторија (ДФЛ) е формирана во рамки на МЗШВ, 2005 година, согласно Законот за здравје на растенијата, а има статус на биро – орган во состав на Министерството.

Во 2005 година, со средства од националниот буџет и преку CARDS програмата 2001, беше финансирано реновирањето на лабораториските простории во Земјоделскиот институт УКИМ, каде е сместена ДФЛ. Беше набавена и современа опрема. Дополнителна значајна поддршка беше обезбедена преку Проектот за Национален интегриран фитосанитарен систем (NIPS), финансиран од Европската унија и управуван од тогашната Европска агенција за реконструкција (ЕАР), а денес од Европската комисија. Овој проект обезбеди техничка помош за воспоставување и јакнење на ДФЛ како клучен столб на националниот фитосанитарен систем.

Официјалното отворање на Државната фитосанитарна лабораторија беше на 9 јуни 2006 година, во присуство на претставници на Владата и Европската унија.

Во изминатите години, ДФЛ континуирано добива поддршка преку бројни меѓународни проекти, кои значително придонесоа за зајакнување на институционалните и стручните капацитети на лабораторијата, преку трансфер на знаење, информации и практично know-how.

Статутарниот опсег на работа на ДФЛ подразбира континуирана едукација и професионален развој на кадарот, постојано следење и воведување нови методи за анализа и дијагностика на болести и штетни организми, како и активна соработка со реномирани меѓународни лаборатории и научни институции. Работата на ДФЛ има директно влијание врз квалитетот и безбедноста на домашното земјоделско производство, зголемувањето на извозот на земјоделски производи и обезбедувањето безбедна храна од растително потекло на домашниот пазар.

На 15 март 2013 година, Државната фитосанитарна лабораторија се стекна со Сертификат за акредитирана лабораторија издаден од Институтот за акредитација на Република Македонија. Со оваа акредитација, ДФЛ се позиционира како една од водечките фитосанитарни лаборатории во регионот на Југоисточна Европа, споредлива и конкурентна со фитосанитарните лаборатории во земјите членки на Европската унија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

НБА

Харден останува во Кливленд – „Кавс“ подготвуваат нов договор

НБА ѕвездата  Џејмс Харден сè уште нема договор, но сè укажува на тоа дека ќе ја продолжи соработката со Кливленд Кавалирс.

Харден останува во Кливленд – „Кавс“ подготвуваат нов договор

Според информациите на новинарот на „ESPN“, Шемс Чаранија, Кливленд е во постојан контакт со Харден и неговите претставници и преговара за нов договор.

Двете страни разговараат за договор со времетраење од две или три години. Истовремено, Кливленд се обидува да ангажира двајца квалитетни крилни играчи кои во моментов се меѓу најбараните слободни агенти – Пејтон Вотсон и Џонатан Камингс.

„Кавалирс“ дополнително ја зголемија својата финансиска флексибилност во петокот, кога ги испратија Денис Шрудер и парични средства во Шарлот Хорнетс во замена за Тре Ман. Тој потег би можел да биде од големо значење за продолжувањето на преговорите со Харден, кој практично му остави на Кливленд отворени опции во текот на летото.

Претходно ова лето, Харден ја одби опцијата во договорот вредна 42,3 милиони долари за сезоната 2026/27, додека двете страни се обидуваа да најдат начин за склучување нов повеќегодишен договор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Мицкоски се врати од научно-хибридната екскурзија

Заврши научно-образовната екскурзија на премиерот Христијан Мицкоски.

СДСМ: Мицкоски се врати од научно-хибридната екскурзија

Мислевме дека е стручна.

Сепак, Мицкоски оди чекор подалеку.

Тој е најдобар во сè: економија, туризам, авиосообраќај, технологија, образование и ИТ.

Нема област во која овој научник не е прв. Сепак е научна.

Првиот ден - милион теми. Мора да го надомести пропуштеното време во медиумите.

Вели дека чистел цевки во Гостивар.

Четири недели чистење.

Никогаш немало подобро чистење, па како поинаку од научник.

1.200 проекти и образование.

Ни помалку, ни повеќе, точно 1.200.

Македонската православна црква ја прескокна. Не го интересира, бидејќи не може да ги коментира изјавите на својот шеф Вучиќ.

Вели дека не може да зборува за историја.

Нормално. Тој е човек на иднината, како и сите негови ветувања од кампањата.

Не може тоа веднаш, ама ќе биде… во иднина, некогаш, никој не знае кога.

Потоа класика: Обвинувања кон опозицијата и земјоделците.

Опозицијата е „безидејна“, создава паника и хистерија додека е на одмор.

Знаеле ден порано за „хибридниот напад“ врз водата во Скопје.

А зошто ништо не направија кога знаеле?

И повторно закани со Обвинителство и полиција.

Зошто повторно е виновна опозицијата за објавите на социјалните мрежи кога ги имаат имињата?

А секако виновни се Заев и Филипче. За сè.

Земјоделците ги обвини за протест. Земјоделците не протестираа кај откупувачите, туку кај државата.

Дали субвенциите, откупот и ИПАРД фондот се обврска на откупувачите, а не на државата?

Тоа зборува Мицкоски?

Според Мицкоски и земјоделците се дел од хибридниот напад.

Кажа дека на екскурзијата имал средби со инвеститори.

Три нови инвестиции.

Сите три „во фаза на реализација, се пеглаат последните детали“.

Една германска, една американска, а третата… „не може да каже“.

Под радар.

Веројатно проширување на медиумската мрежа - на постоечките 40 % Орбанови медиуми, сега да стигнат и 40 % од медиумите на Вучиќ.

Како и секогаш - не може да каже кои се.

Исто како после Давос, кога беше во туристичка посета.

Каде се тие инвеститори што ги најави? Наскоро, некогаш, никој не знае…

На крај - порача дека бил со семејството на научна екскурзија и дека таму научил оти 4+4 не е 8 дена, туку 7 дена.

За да ни каже колку малку бил на одмор.

Само не ни кажа една работа:

Кога ќе појде во Гостивар на една здравица со гостиварска вода?

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Други спортови

Видео: Ислам Махачев е новиот UFC шампион – рекордот на Андерсон Силва е соборен

Русинот Ислам Махачев е новиот UFC шампион во велтер категорија, со триумфот во Филаделфија тој го собори и рекордот на легендарниот Андерсон Силва по бројот на последователни победи. 

Видео: Ислам Махачев е новиот UFC шампион – рекордот на Андерсон Силва е соборен

Во главната борба на настанот UFC 330 во Филаделфија, Махачев го совлада Ијан Мачадо Гери со едногласна одлука на судиите – 49-46, 49-46, 48-47.

Рускиот борец го наметна својот ритам уште од самиот почеток, користејќи рушења и контрола на партер за да ја неутрализира опасната ударна техника на Гери. Во втората рунда, тој го погоди со висок удар со нога во главата и го собори на подот.

Гери подоцна успеа да се врати во борбата, но Махачев го изведе клучниот потег за соборување во последната рунда и му ја зазеде грбната позиција на предизвикувачот. Со тоа практично си ја обезбеди победата, а подоцна и славеше со едногласна одлука на судиите.

Триумфот има и историско значење, бидејќи Махачев ја оствари својата 17-та последователна победа во УФЦ, надминувајќи го рекордот на Андерсон Силва. Русинот сега го држи рекордот за најдолга победничка низа во историјата на УФЦ, а со тоа и апсолутниот рекорд.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер