Државна кардиохирургија првпат изведе метод за стент на лак на аорта - Канал 5

Здравје

Државна кардиохирургија првпат изведе метод за стент на лак на аорта

Се работи за воведување на нова ендоваскуларна метода која што првпат се изведува во регионот, а можам да кажам и пошироко, со која на многу полесен начин ќе им овозможи третман на пациентите кои што се во потешка здравствена состојба. 

Државна кардиохирургија првпат изведе метод за стент на лак на аорта

На ЈЗУ Државна кардиохирургија во Скопје првпат во регионот е изведен метод на ставање стент на лак на орта, кој ќе овозможи полесен третман на пациентите кои се во потешка здравствена состојба, а за кои постои висок ризик од смртност при хируршки зафат, соопштија денеска на прес-конференција, директорот на Клиниката за кардиохирургија д-р Марјан Шокаровски и д-р Никола Лазовски.

- Се работи за воведување на нова ендоваскуларна метода која што првпат се изведува во регионот, а можам да кажам и пошироко, со која на многу полесен начин ќе им овозможи третман на пациентите кои што се во потешка здравствена состојба. Се изведува со полесна анестезија и престојот во болница е пократок, рече директорот Шокаровски.

Досега на Државната кардиохирургија, како што објасни д-р Никола Лазовски ставањето стент на лак на аорта како метод се работи рутински хируршки отворено и хибридно.

- Ова е нашиот најнов придонес во доближувањето до современата медицина. Најпрво би сакал да се заблагодарам на сите субјекти особено на тимовите кои придонесоа до успешна реализација на овој метод. Се работи за специфичен метод што се изведува првпат во Македонија, а и пошироко. Ставаме стент на лак на орта кај болест која што се вика аунемуризма на лак на орта. Станува збор за сериозна болест, со многу висока смртност доколку не се лекува, рече Лазовски.

Тој додава дека овој метод се користи за пациенти што имаат висок ризик на операција и во случаи кога се проценува дека пациентот нема да може да издржи хируршки третман.

-Кај еден пациент, кој што го проценивме како високо ризичен ставивме стент на лак на орта. Пациентот се одготви со друга операција, се направи премостување на крвните садови за мозокот и за рацете, а една недела подоцна се реализираше оваа процедура со два мали резови на двете раце и еден 5-6 сантиметри рез во препона. Пациентот четири дена по операцијата си отиде дома и е на домашно лекување, рече Лазовски и додаде дека овој метод се овозможи со отворање на хибридната сала.

Директорот Шокаровски најави проширување на капацитетите и на дејноста на Државната кардиохирургија со нов оддел, специфичен за срцева слабост, со што би се подобриле условите за лечење на тие пациенти.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Официјално претставен „Tesla Cybercab“, возење само за избраните

Илон Маск официјално претстави спортски двосед без волан во Тексас – „Tesla Cybercab“.

Официјално претставен „Tesla Cybercab“, возење само за избраните

„Cybercab“, кој беше претставен на голем број фанови и влијателни лица на роботски такси, беше додаден на постојните роботски такси на „Tesla“, кои досега се состоеја од теренски возила и „Model Y“, објавува Ројтерс.

Златниот „Cybercab“, со врати што се отвораат нагоре, ја симболизира стратегијата на Илон Маск, кој ја фокусираше иднината на целата компанија на софтвер за автономно возење и роботика.

Неговиот пристап ја зголеми вредноста на акциите на компанијата на 1,4 трилиони долари (1,20 трилиони евра), што е повеќе од вкупната вредност на неколку од водечките светски производители на автомобили.

Само неколку часа по презентацијата во Остин, Националната администрација за безбедност на сообраќајот на автопатиштата на САД (NHTSA) објави дека ќе започне ревизија на околу 1.000 вакви возила, така што не секој ќе може да се вози на почетокот.

Целта е да се утврди како „Tesla“ заклучила дека возилата се во согласност со федералните безбедносни прописи.

Извор: Б92

Тагови: Tesla

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Претседатeлката Гордана Сиљановска-Давкова во Вила Водно прими талентирани ученици добитници на медали и награди

Сиљановска-Давкова  во Вила Водно прими талентирани ученици со нивните ментори од основните и средните училишта.

Претседатeлката Гордана Сиљановска-Давкова во Вила Водно прими талентирани ученици добитници на медали и награди

По повод 8 Септември, Денот на независноста и одбележувањето на 35 годишнината од независноста, претседатeлката Гордана Сиљановска-Давкова во Вила Водно прими талентирани ученици со нивните ментори од основните и средните училишта кои во учебната 2025/2026 година учествуваа на меѓународни научни олимпијади и натпревари, а дел од нив се и добитници на медали, високи награди и признанија. На средбата присуствуваше и министерката за образование и наука, Весна Јаневска.

Тагови: Гордана Сиљановска-Давкова

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: 8 жртва од западнонилска треска, 8 недели нема извештај за водата во Гостивар

Уште еден човечки живот е загубен од западнонилска треска. Бројот на починати се искачи на осум.

СДСМ: 8 жртва од западнонилска треска, 8 недели нема извештај за водата во Гостивар

Осум жртви од западнонилска треска и осум недели без извештај за водата во Гостивар.

Две здравствени кризи, ист модел на однесување на власта на Мицкоски и Клековски: задоцнета реакција, институционален хаос, молк и никаква одговорност.

СДСМ со недели предупредуваше дека власта задоцни со превенцијата од западнонилската треска. Задоцни со прскањето против комарци, задоцни со системските мерки и со навремената заштита на граѓаните.

Бројот на заболени и починати расте, а одговорност нема.

Истото се случи и со здравствената криза во Гостивар.

Околу 5.000 граѓани побараа медицинска помош, а осум недели подоцна јавноста сè уште го нема целосниот извештај за водата.

Што кријат Мицкоски и Клековски осум недели?

Цената на нефункционалниот систем ја плаќаат граѓаните – со своето здравје, а за жал и со своите животи.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер