Древна кинеска техника за намалување на крвниот притисок - Канал 5

Здравје

Древна кинеска техника за намалување на крвниот притисок

Високиот крвен притисок, нарекуван и хипертензија, е еден од најчестите здравствени проблеми со коишто се соочува современото општество. 

Древна кинеска техника за намалување на крвниот притисок

Како брз и делотворен начин за намалување на притисокот без употреба на лекови, се препорачува следната древна кинеска техника...

Фактори што доведуваат до висок крвен притисок

Хипертензијата е сериозна болест што води до бројни компликации, како што се срцев или мозочен удар, доколку не се лекува соодветно. Научниците истакнуваат дека главни предизвикувачи на оваа состојба се:

1. Стрес. Современиот начин на живот е полн со стресни ситуации што може многу да влијаат на крвниот притисок.

2. Несоодветна храна. Исхраната богата со заситени масти, натриум и шеќер директно придонесува за развој на хипертензија.

3. Нередовно земање терапија. Многу пациенти со дијагностицирана хипертензија не се придржуваат до пропишаната терапија, што може да доведе до сериозни компликации.

4. Други фактори: Генетска предиспозиција, дебелина, консумирање алкохол и цигари, недостаток на физичка активност.

За нормален крвен притисок, потребна е редовна контрола. Вредностите што се сметаат за „идеални“ се:

Систолен притисок (горна вредност): 90 - 120 милиметри на живиниот столб,

Дијастолен притисок (пониска вредност): 60 - 80 ммХг.

Доколку притисокот е постојано над 140 / 90 ммХг, тоа значи дека е неопходно да се преземат одредени мерки. Сепак, пред каква било терапија, важно е да се консултирате со лекар.

Кинеската техника за намалување на притисокот

Ако Вашиот лекар утврди дека нема потреба од терапија со лекови, тогаш тоа е прилика да се испроба следнава древна кинеска техника за намалување на крвниот притисок. Според д-р Лу Хансен, лекар во рускиот фудбалски клуб „Спартак“ од Москва, клучот лежи во правилниот проток на крв во мускулите и ткивата.

Имено, кога крвта се задржува во одреден дел од телото, тоа место станува ризично за развој на разни болести. Решението е да се овозможи непречен проток на крв во проблематичната област, давајќи му на телото шанса да се залечи. Во тоа може да помогне масажа на две одредени специфични точки на телото.

Така, првата точка е линијата зад увото. Тоа е линијата што се протега од зад ушната школка до средината на клучната коска. Оваа линија не треба да се притиска додека се масира, бидејќи тоа може да предизвика контра-ефект. Наместо тоа, се масира со нежни движења од горе надолу. Повторете го тоа 10 пати од двете страни на главата.

Важно е да се нагласи дека минувањето со прстот се изведува нежно, без притисок. Целта е само да се стимулира протокот на крв, а не да се предизвика болка или непријатност.

А, втората точка е на точно половина сантиметар од увото во правец кон носот. Оваа област може да се масира посилно - една минута, од двете страни.

Цврсто кружете со врвовите на прстите, но не до степен на болка. Треба да се почувствувате удобен притисок, но не и непријатност. Оваа масажа ја стимулира циркулацијата во пределот на лицето и главата, што ќе помогне да се намали крвниот притисок.

Со редовно применување на оваа 10-минутна техника, во спој со приспособена исхрана и здрав начин на живот, може да се регулира крвниот притисок и без лекови.

Дополнителни совети за намалување на крвниот притисок

1. Прилагодете ја исхраната. Се препорачува повеќе овошје, зеленчук, цели зрна житарици, риба и здрави масти. И, помалку преработена храна, заситени масти, сол и шеќер.

2. Редовно вежбање. Умерената физичка активност, како пешачење, пливање или возење велосипед, може многу да придонесе за намалување на крвниот притисок.

3. Опуштете се. Најдете начин да се справите со стресот, без разлика дали тоа е преку медитација, јога, длабоко дишење или некоја друг начин на опуштање.

4. Ограничете го алкохолот и солта. Прекумерното пиење алкохол и јадење сол може да ја влоши состојбата, па затоа се препорачува умерено консумирање.

5. Откажете се од пушење. Цигарите ја зголемуваат опасноста од кардиоваскуларни (срцеви) болести, па вклучително и хипертензија.

Со примена на овие совети, во спој со кинеската масажа, може да се намали крвниот притисок и да се подобри целокупното здравје. Сепак, не заборавајте редовно да се консултирате со лекар и да ги следите неговите совети. Со правилен пристап, трпение и дисциплина, може да се држи крвниот притисок под контрола и да се ужива во квалитетен, активен живот и добро здравје. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Мицкоски и ВМРО не се откажуваат од намерата за манипулација со 200 илјади гласови од дијаспората

Мицкоски и ВМРО не се откажуваат од обидите за изборен инженеринг и манипулација со над 200.000 гласови од дијаспората. 

СДСМ: Мицкоски и ВМРО не се откажуваат од намерата за манипулација со 200 илјади гласови од дијаспората

Откако им пропадна шверцерскиот обид за електронско гласање, без било каква контрола, сега се обидуваат да наметнат гласање по пошта, повторно без никаква контрола и безбедносни гаранции за слободната волја на граѓаните.

На Мицкоски не му е важна реформската агенда, тоа му е само параван за изборен грабеж.

Лага е дека СДСМ е против гласањето на дијаспората, бидејќи иселениците гласаат и сега. Ние сме против модел кој отвора врата за изборен грабеж и манипулација со гласовите на 200 илјади граѓани од дијаспората.

Власта категорично одбива ДИК со консензус да ги регулира овие процедури. Ако целта им е фер избори, зошто бегаат од механизми за контрола и доверба во процесот?

СДСМ нема да дозволи изборен грабеж, власта треба да се повлече од овие намери и да достави нов предлог каде ДИК со консензус би да го регулира гласањето на дијаспората.

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Економија

МЕ: Продолжен рокот за државната поддршка-граѓаните да обезбедат до 30.000 денари за приклучок или котел на гас

Продолжен рокот за државната поддршка – нова можност на граѓаните да обезбедат до 30.000 денари за приклучок или котел на гас

МЕ: Продолжен рокот за државната поддршка-граѓаните да обезбедат до 30.000 денари за приклучок или котел на гас

Министерството за енергетика, рударство и минерални суровини продолжува со мерките што директно им помагаат на граѓаните да инвестираат во поекономично, поефикасно и почисто греење.

Во „Службен весник“ е објавена Програмата за изменување на Програмата за поттикнување за снабдување со гас во домаќинствата за 2026 година, со која рокот за аплицирање за финансиска поддршка се продолжува до 31 октомври 2026 година.

Со оваа одлука, Министерството отвора дополнителна можност за сите домаќинства кои сè уште не успеале да аплицираат, да ја искористат државната поддршка и да добијат до 30.000 денари, односно до 70 проценти од направените трошоци за приклучок на природен гас или за набавка на котел на гас.

За реализација на мерката се обезбедени 3 милиони денари, а средствата ќе се доделуваат по принципот „прв дојден – прв услужен“, до нивно исцрпување.

Продолжувањето на рокот е донесено со јасна цел – што поголем број граѓани да добијат можност да ја искористат оваа мерка и да ги намалат трошоците за греење, истовремено користејќи почист и поефикасен енергенс.

Право на аплицирање имаат домаќинства кои во текот на 2026 година ќе извршат куќен приклучок на системот за дистрибуција на природен гас, како и домаќинства кои ќе набават котел на гас за објект што веќе бил приклучен на системот заклучно со 1 јануари 2026 година. Домаќинството може да поднесе едно барање.

Министерството ги повикува сите заинтересирани граѓани навремено да ги поднесат своите барања согласно условите од јавниот оглас. Повеќе информации има на сајтот на министерството – www.energy.gov.mk

По завршувањето на рокот, комисија формирана од Министерството ќе ги разгледа доставените апликации, а финансиската поддршка ќе биде исплатена на сите корисници кои ги исполнуваат пропишаните услови.

Поддршката на граѓаните, подобрувањето на енергетската ефикасност и создавањето поквалитетни услови за живот остануваат меѓу клучните приоритети на Министерството за енергетика, рударство и минерални суровини. Преку вакви мерки, Министерството продолжува да води политики што носат директна корист за семејствата и придонесуваат кон посигурна, почиста и поодржлива енергетска иднина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Клековски ќе информира за проширувањето на позитивната листа на лекови

Денеска директорот на Фондот за здравствено осигурување, Сашо Клековски  ќе информира за  проширувањето на позитивната листа на лекови, со цел отстранување на дилемите поврзани со нејзината примена во пракса.

Клековски ќе информира за проширувањето на позитивната листа на лекови

Клековски кој е кандидат за министер за здравство во телевизиско гостување вели дека заедничките служби на клинички должат 35 милиони евра, а Клиниката за онкологија, како што рече, е најголем должник меѓу клиниките.

– Реалноста е дека долгови има. Најголем должник е Клиниката за онкологија и тоа е наследен долг – мислам дека е околу една милијарда денари. Меѓутоа, кога ќе земете дека буџетот на онкологија сега е пет милијарди, не зборувам за нешто со што не може да се управува. Значи, една милијарда долг звучи многу, меѓутоа севкупниот буџет на клиниката е пет милијарди и како таков тој е 20 отсто од буџетот на клиниката, изјави Клековски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер