Драмскиот театар со претставите „Плејбои...“ и „Кармен“ утре гостува на фестивалот РУТА во Љубљана - Канал 5

Македонија

Драмскиот театар со претставите „Плејбои...“ и „Кармен“ утре гостува на фестивалот РУТА во Љубљана

Драмскиот театар - Скопје утре гостува во Љубљана во рамките на фестивалот РУТА со две претстави - „Кармен“ и „Животот на провинциските плејбои по Втората светска војна или туѓото го сакаме - нашето не го даваме“.

Драмскиот театар со претставите „Плејбои...“ и „Кармен“ утре гостува на фестивалот РУТА во Љубљана

Во копродукциската претставата „Плејбои...“, работена по текст на Душан Јовановиќ, во режија на Иван Пеновиќ, играат актерите од четирите уметнички куќи од регионот: Лазар Христов, Јулита Кропец, Марко Гверо, Соња Стамболџиоска, Лазар Николиќ, Вукашин Јовановиќ, Нејц Језерник, Марјан Наумов и Јована Спасиќ. По премиерата во август минатата година во Будва, претставата гостуваше на летните сцени на Охридско лето и на Бриони, а потоа се играше на фестивалите РУТА во Скопје и во Белград. Гостувањето во Љубљана ќе биде дванаесеттата изведба на оваа претстава.

Актерката Билјана Драгиќевиќ-Пројковска на фестивалот РУТА во Љубљана ќе ја изведе монодрамата „Кармен“, работена по мотив од романот „Пет часа со Марио“, од шпанскиот писател Мигел Делибес. Режијата и драматизацијата се на Дејан Пројковски, сценографијата на Валентин Светозарев, сценските движења на Олга Панго, костимографијата на Раде Василев, а музиката на Горан Трајковски. Монодрамата од својата премиера во 2021 година има 47 изведби и учество на повеќе меѓународни театарски фестивали.

Како фестивалска активност и на словенечкиот фестивал РУТА, по изведбите на претставите, се организираат разговори со уметниците. Оваа година тркалезните маси ќе ги водат драматурзите Петра Погоревц и Нина Куцлар-Стиковиќ. Основната цел на фестивалот РУТА иницирана уште од самиот почеток на соработката се потврдува и на овој фестивал со зајакнувањето на културните врски и надминувањето на националните граници во создавањето простор за нови уметнички соработки. Со текот на годините фестивалот стана препознатлив настан, кој не е само прослава на театарот туку и можност уметниците, техничките тимови и театарската публика на едно место да ги разменат своите искуства и да иницираат нови проекти.

Местно гледалишче љубљанско (МГЛ) помеѓу 29 јануари и 4 февруари 2026 година петти пат е домаќин на РУТА - регионалниот театарски фестивал. Како што информира Драмски, овој ревијален фестивал од 2019 година секои два месеца обединува шест театарски куќи од регионот на фестивалската сцена. Драмскиот театар - Скопје, сараевскиот Камерни театар 55, Београдското драмско позориште, Казалиште „Улисис“ од Загреб, Центарот за култура од Тиват (Црна Гора) и домаќинот - Местно гледалишче љубљанско (МГЛ), пред словенечката публика ќе се претстават со копродукцијата „Животот на провинциските плејбои по Втората светска војна или туѓото го сакаме - нашето не го даваме“ и со претстави од драмската продукција на матичните куќи, во кои играат реномирани театарски и филмски имиња од регионалниот културен простор.

Тагови: Драмскиот театар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишени од слобода 12 лица, кај нив при преглед е пронајдена дрога

Лишени од слобода 12 лица во Скопје, на Граничниот премин Табановце, Прилеп, Неготино и Дебар, кај нив при преглед е пронајдена дрога

Лишени од слобода 12 лица, кај нив при преглед е пронајдена дрога

На 10/11.07.2026 во Скопје, на различни локации полициски службеници од СВР Скопје ги лишија од слобода Г.С.(43), Т.Б.(28), Ч.З.(52), А.Н.(22) сите од Скопје В.С.(26), од Прилеп, К.С.(29) од Куманово и В.Т.(49) од Р.Србија затоа што кај нив се пронајдени и одземени марихуана, бела прашкаста материја и кафеава прашкаста материја.

На 10.07.2026 во 14:45 часот на Граничниот премин Табановце на влез во државата полициски службеници го лишија од слобода М.С.(21) од Р.Швајцарија затоа што при извршен преглед на возило „ленд ровер“ со швајцарски национални ознаки во кое тој бил сопатник во неговиот ранец била пронајдена и одземена марихуана. Известен бил јавен обвинител и истиот бил предаден на полициски службеници од СВР Куманово за понатамошна постапка.

На 10.07.2026 во 22:30 часот на ул„Александар Македонски" во Прилеп полициски службеници од ОВР Прилеп го лишија од слобода Л.К.(23) од Прилеп бидејќи при преглед кај истиот била пронајдена прашкаста материја.

На 11.07.2026 во 01:00 часот во Неготино, полициски службеници од ОВР Неготино го лишија од слобода Б.М.(25) од Неготино, затоа што при преглед кај него била пронајдена и одземена бела грутчеста материја.

На 10.07.2026 во 19:20 часот во Неготино, полициски службеници од ОВР Неготино го лишија од слобода В.Ч.(27) од Неготино. При преглед, тој проголтал бела грутчеста материја и по кратко исфрлил од устата дел од неа, по што бил пренесен во Итна медицинска помош Неготино за укажување лекарска помош. Известен бил јавен обвинител.

На 10.07.2026 во 19:15 часот, во ОВР Дебар приведен е В.К.(26) од Дебар. При контрола, полициските службеници го затекнале во моторно возило „голф“ со дебарски регистарски ознаки и притоа кај него пронашле марихуана.

По целосно документирање на случаите, ќе следуваат соодветни поднесоци.

Тагови: дрога

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Штерјова: Во Чаир законите не важат – со амин на ВМРО, ВЛЕН без Бадентер менува имиња на улици

Важат ли законите во општина Чаир? Очигледно не!

Штерјова: Во Чаир законите не важат – со амин на ВМРО, ВЛЕН без Бадентер менува имиња на улици

Се уште не се решени огромните скандали со дивоградбите, досега никој не одговараше. Коалициските партнери ВМРО и ВЛЕН се штитат меѓусебно.

Последниот скандал е со амин на ВРМО, нивниот коалицискиот партнер ВЛЕН, во Советот на Општина Чаир ги промени имињата на две улици без Бадентерово мнозинство.

Грубо е прекршен механизмот за една од клучните гаранции на Охридскиот договор за носење одлуки за прашања што ги засегаат меѓуетничките односи, во овој случај Македонците.

Улиците се именувани по припадници на УЧК.

Носење на вакви одлуки може да создаде меѓутнички тензии и да ја поткопа довербата кај граѓаните – Македонци.

Очигледно коалицијата на власт намерно сака да создаде меѓуетнички тензии во општина која важи за толерантна и каде луѓето се почитуваат меѓу. Само за да ги покријат своите скандали.

Лажниот патриотизам на ВМРО се гледа насекаде и создава проблеми на секое ниво.

Се е лага кај ВМРО. Со лаги и манипулации дојдоа на власт, така и владеат.

Ги штитат своите функционери и нивните коалициски партнери од одговорност за дивоградбите а ги газат механизмите што ја штитат државата и меѓуетничките односи.

Граѓаните веќе јасно гледаат дека за ВМРО и ВЛЕН законите не важат, ги интересораат само бизнисите, тендери и привилегиите.

СДСМ бара повлекување на оваа незаконска одлука веднаш. Законот мора да важи за секого и насекаде.

YouTube video

Кети Штерјова-Советничка од СДСМ во Советот на Град Скопје

Тагови: Кети Штерјова

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Николоски: Градиме бројни капитални проекти во Охрид

Николоски на увид во инфраструктурни проекти во Охрид.

Николоски: Градиме бројни капитални проекти во Охрид

Многу капитални проекти во Охрид - објави на својот фејсбук профил, заменик претседателот на Владата и министер за транспорт Александар Николоски, кој заедно со премиерот Христијан Мицкоски и градоначалникот на Охрид, Кирил Пецаков извршија увид во инфраструктурни проекти во Охрид.

Во својата објава Николоски напиша:

"Денес заедно со премиерот Христијан Мицкоски и градоначалникот на Охрид Кирил Пецаков направивме увид на неколку големи капитални проекти.

Ја посетивме улицата Кленоец која целосно се реконструира со поддршка на Министерството за транспорт. Се изврши реконструкција на атмосферска и фекална канализација како и асфалтирање на улицата. Оваа улица претставува една од главните артерии за поврзување на овој дел од градот.

Го посетивме новиот објект на училиштето Кочо Рацин и Младинскиот центар во склоп на истото. Оваа функционална целина е од огромно значење за младите и сите жители од овој дел на Охрид.

Заедно со министерката за образование Весна Јаневска направивме увид во активностите во охридската гимназија, репрезентативен објект на градот.

Многу проекти и многу инвестиции во Охрид" -објави заменик претседателот на Владата, Николоски

Министерство за транспорт

Тагови: Александар Николоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер