Драмскиот театар од Белград со „Лет над кукавичјото гнездо“ вечерва на „Охридско лето“ - Канал 5

Култура

Драмскиот театар од Белград со „Лет над кукавичјото гнездо“ вечерва на „Охридско лето“

 Култната претстава „Лет над кукавичјото гнездо“ во изведба на бројна актерска екипа на Драмскиот театар од Белград вечерва за сладокусците на драмската програма на Фестивалот „Охридско лето“.

Драмскиот театар од Белград со „Лет над кукавичјото гнездо“ вечерва на „Охридско лето“

Главниот лик во претставата Рендал МекМарфи го толкува актерот Драган Бјелогрлиќ, добро познат на овие простори зад кого стојат бројни театарски и филмски улоги. За овој лик, од вечерашната драма Бјелогрлиќ во изјавата дадена за МИА рече дека таа улога веќе е дел од него...

- Кога толкувате еден таков лик во претстава што толку долго е на сцената, тоа станува дел од вашиот живот. За оваа претстава повеќе не можам ниту да зборувам како за уметничко дело, туку како за дел од мојот живот. Кога и ќе го облечам косимот на МакМарфи, напросто станувам „Тој“, а кога ќе го соблечам костумот тој останува во мене...изјави Бјелогрлиќ.

За самата претстава што е напишана некаде во 60-тите години на минатиот век, рече дека е ода на слободата, дека таа добива на актуелност во секој миг кога има појави на скратување на слободите во општеството.

- Појавите на масовно скратување на слободата во Србија, однеднаш повторно го оживуваат МекМарфи. Претставата и само по себе како е квалитетна, добра, опстојува, но секој миг на посегнување по слободите, по демократијата, само придонесува токму оваа претстава да остане актуелна на сцената, рече Бјелогрлиќ.

Актерот Мима Караџиќ рече дека многу ја сака улогата и претставата, која е вели, хит на белградската драмска сцена.

- Тука сме прекрасна актерска екипа, уверен сум дека вечер ќе имаме една извонредно убава приказна. Публиката ќе ужива, рече тој.

Милица Зариќ вели дека оваа претстава е нешто повеќе од театарот, повеќе и од самиот живот...

- Претставата за нас е многу значајна...Доживеа многу промени, а сепак опстана, што е еден од показателите дека е посилна од животот. Она што за мене е посебно важно за оваа претстава, тоа е тој колективитет, свртеноста на луѓето едни кон други што ни недостасува во овие времиња. Претстава осмислена да ја врати човечноста кај луѓето, емпатијата, некои работи на кои треба да се потсетиме и за што уметноста и постои и за што треба да служи, рече таа.

Актерот Слободан Нинковиќ кој во претставата го толкува ликот на индијанецот кој прозборува на самиот крај на приказната, вели дека се работи за таков тип претстава од која тешко е да се одвоиш...

- Претставата за жал доживеа многу измени во актерскиот состав, многу од актерите на првата постава и веќе не се меѓу нас. Но, сепак, ценам дека претставата не што ништо нема загубено, дури можеби нешто и добила. Индијанецот кој го толкувам е ликот кој ја разрешува приказната, кој проговорува на самиот крај, за со главниот лик да ја завршиме претставата. Тој го претставува она што навистина се случило на неговиот народ во САД, да им е одземена земјата на домородните луѓе во Америка, да не смеат ниту да зборуваат...рече Нинковиќ кој првпат настапува пред публиката во Охрид, изразувајќи уверување дека публиката ќе ужива онолку колку што очекува да ужива и целокупната актерска екипа на Драмскиот театар од Белград.

Претставата „Лет над кукавичјото гнездо“ е драмски текст на Дејл Васерман, работен според роман на Кен Кесеј, а во режија на Жанко Томиќ.

На Големата сцена на Центарот за култура „Григор Прличев“ вечерва од 21 часот уште ќе се појават актерите Предраг Бјелац, Милан Чучиловиќ, Даниел Сич, Младен Совиљ, Јово Максиќ, Саво Радовиќ, Владан Милиќ, Андреа Џина, Урош Јанковиќ, Милош Лазаров, Зоран Ѓорѓевиќ, Ана Гаќеша, Александра Ања Алач и Неда Мацановиќ.

Потврда за големиот интерес за претставата е што билетите се целосно распродадени уште пред неколку дена.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Драматично во Нови Пазар: Половина куќа виси во бездна, свлечиштето ја носи (ВИДЕО)

Нови Пазар повторно е место на крајно опасен инцидент . 

Драматично во Нови Пазар: Половина куќа виси во бездна, свлечиштето ја носи (ВИДЕО)

По првото уривање на потпорниот ѕид пред само неколку дена, ситуацијата ескалира. Нов пад на земјата директно ја загрози семејната куќа во непосредна близина, а за размерите на катастрофата сведочат страшните снимки од местото на настанот.

Последната снимка која се појави во јавноста јасно покажува како уривањето на масивниот потпорен ѕид повлекол со себе огромна количина земја и буквално го преполовил дворот. Семејниот дом сега е буквално на работ на карпа. Дел од зградата веќе се урнал и паднал на земја, додека останатиот дел драматично зјапа над длабоката бездна.

Очајните граѓани кои живеат во околината истакнуваат дека на овој проблем предупредуваат уште од првиот инцидент, но безуспешно.

"Се урна дел од семејната куќа со куп земја. Веќе е посочен овој проблем, но се чини залудно. Освен оваа една куќа, има и други загрозени станбени згради во кои живеат и деца. Страшно е ова што се прави", вели еден од вознемирените жители.

Жителите од околните згради се во штрек и со голема загриженост ја следат состојбата, со оглед на тоа што постои голем страв од натамошно движење на теренот и верижно пропаѓање на соседните објекти.

Тагови: Нови Пазар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Рускиот амбасадор е протеран од Романија поради дроновите

Романското Министерство за надворешни работи објави дека рускиот амбасадор во земјата, Владимир Липаев, е прогласен за персона нон грата .

Рускиот амбасадор е протеран од Романија поради дроновите

Романското Министерство за надворешни работи објави дека рускиот амбасадор во земјата, Владимир Липаев, е прогласен за персона нон грата откако романската војска собори три дронови над романска територија, за кои беше утврдено дека се руски.

Во соопштението се наведува дека рускиот амбасадор има пет дена да ја напушти Романија и дека романскиот амбасадор во Русија ќе биде повикан во Букурешт на консултации, објавува порталот Digi24. Рускиот амбасадор бил поканет на состанок од романската министерка Оана Којшу, а на состанокот му била врачена вербална нота во која романската страна го информирала за спроведувањето на декларацијата за неприфатлив статус на член на мисијата на Руската Федерација во Букурешт.

На рускиот дипломат му биле презентирани фрагменти од дронови што биле уништени на романска територија, за кои истрагата спроведена од обвинителството официјално потврди дека се од руско потекло.

Како што беше најавено, за време на состанокот било нагласено дека е неприфатливо Руската Федерација да продолжи да го нарушува романскиот воздушен простор, кој е и воздушен простор на НАТО и Европската Унија.

Романската страна нагласи дека Руската Федерација сноси единствена одговорност за сите овие сериозни инциденти и за влошувањето на регионалната безбедносна средина и најави дека ќе продолжи тесно да го координира својот одговор со сојузниците и партнерите во рамките на НАТО и ЕУ и дека останува цврсто посветена на преземање на сите потребни мерки за заштита на националната безбедност и нејзините граѓани.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

Премиерата на „Три сестри“ со превод на англиски јазик- МНТ се отвора кон меѓународната публика

Македонскиот народен театар новата сезона 2026/2027 ќе ја започне со премиера на претставата „Три сестри“, според драмата на А. П. Чехов, во режија на Нела Витошевиќ, која ќе се одржи на 25 септември.

Премиерата на „Три сестри“ со превод на англиски јазик- МНТ се отвора кон меѓународната публика

Новата сезона во МНТ носи важна новина за публиката - воведување превод на англиски јазик за дел од претставите во однапред определени термини. На тој начин, театарот станува уште подостапен за странската публика и сите љубители на уметноста кои не го разбираат македонскиот јазик, овозможувајќи им целосно да ја доживеат сценската изведба.

Токму премиерата на „Три сестри“ ќе биде првата претстава изведена со превод на англиски јазик - чекор што ја потврдува определбата на Македонскиот народен театар кон поголема отвореност и доближување на македонската театарска продукција до пошироката меѓународна публика.

Новата сценска адаптација, по текст на Васил Христов и Нела Витошевиќ, а во драматургија на Викторија Рангелова-Петровска, претставува современо читање на едно од најзначајните дела на светската драмска литература.

Во претставата настапуваат: Дарја Ризова - Ирина, Наталија Теодосиева - Маша, Верица Недеска - Олга, Дамјан Цветановски - Андреј, Благој Веселинов - Александар, Емил Рубен - Иван, Ивица Димитријевиќ - Игор, Нина Деан - Наташа и Антонио Ташковски - Никола.

Креативниот тим го сочинуваат сценографот Игор Васиљев, костимографката Роза Трајческа, композиторот Огнен Анастасовски и извршните продуценти Симона Угриновска и Виктор Рубен.

Билетите за премиерата и за првите изведби се веќе во продажба. Ја покануваме публиката навреме да го обезбеди своето место и да биде дел од свеченото отворање на новата театарска сезона. Со оваа нова практика, уметноста на МНТ станува сè подостапна за меѓународните посетители.

НУ Македонски Народен Театар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер