Култура

Драмски театар Скопје гостува во Велес со претставата „Чудна случка со кучето во ноќта“

Со претставата „Чудна случка со кучето во ноќта“ Драмскиот театар денеска гостува во Велес. Претставата ќе се игра во 20 часот на сцената на театарот „Јордан Хаџи Константинов - Џинот“.

Претставата „Чудна случка со кучето во ноќта“ е авторска адаптација на Сајмон Стивенс направена според мотивите од романот на Марк Хадон. Режисер е Зоја Бузалковска, aсистент на режија е Димче Николовски a драматург на претставата е Александра Бошковска. Костимите се креирани од костимографката Елена Вангеловска и Раде Василев, а сценографијата е на Константин Трпеноски. Авторската музика е на Давид Ангеловски, а кореографијата и фри ранинг техниката е на Симон Симоновски.

Улогите во претставата ги толкуваат актерите: Дамјан Цветановски, Трајанка Илиева Вељиќ, Александар Степанулески, Емилија Мицевска, Соња Стамболџиоска, Јасмина Василева, Филип Трајковиќ, Стефан Вујисиќ, Златко Митрески и Нела Павловска.

Режисерката Зоја Бузалковска истакнува дека она што „Чудна случка со кучето во ноќта“ ја прави возбудлив материјал за работа е темата што ја отвора овој текст. Тоа е светот на Кристофер, светот на „посебниот“, „различниот“, „отфрлениот“, „исмеаниот“, „потценетиот“. Во време во кое многу општества, па така и нашето, се борат за инклузија на луѓето со посебни потреби, да се работи еден ваков актуелен материјал се чини исклучително важно. Во таа смисла, претставата има и едукативно – воспитна функција и може да ја одреди за една од своите целни групи и младата тинејџерска публика.

Премиерата на „Чудна случка со кучето во ноќта“ беше во декември 2021. Интересот на публиката и во третата сезона е голем и претставата привлекува публика од сите возрасни групи, информираат од Драмскиот театар.

Надвор од матичната сцена гостувала на Охридско лето во 2022 додина и на театарскиот фестивал Рута во Скопје во октомври 2022 и Рута Љубљана во 2023 година.

Со претставата „Чудна случка со кучето во ноќта“ aнсамблот на Драмски театар Скопје настапи на минатогодишниот театарски фестивал „Војдан Чернодрински“ и доби пет високи признанија: награда за главна машка улога на актерот Дамјан Цветановски за улогата на Кристофер Бун, награда за женска епизодна улога се додели на актерката Емилија Мицевска за улогата на Џуди. Наградата за сценографија ја доби Константин Трпеноски, а наградата за костимографија се додели на Елена Вангеловска и Раде Василев за костимите во претставата и награда за кореографија и сценски движења се додели на Симон Симоновски.

Претставата на гостувањето во Велес ќе ја има својата триесетта изведба.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Реал Мадрид неочекувано ангажираше напаѓач

Шпанскиот фудбалски великан Реал Мадрид продолжува со реконструкцијата на тимот во летниот преоден рок.

„Кралскиот клуб“ ја активираше откупната клаузула од 25 милиони евра и го доведе младиот напаѓач Карлос Еспи од Леванте.

Еспи ќе ја засили конкуренцијата во нападот и веднаш ќе му се приклучи на првиот тим за сезоната 2026/27.

Доаѓањето на 20-годишниот шпански напаѓач следува по заминувањето на центарфорот Гонзало Гарсија, кој кариерата ќе ја продолжи во Фулам.

Англискиот премиерлигаш ќе плати околу 40 милиони евра за неговиот трансфер, па Реал практично веднаш дел од заработените пари ги вложи во ангажирањето на еден од најталентираните напаѓачи во шпанскиот фудбал.

Во Реал веруваат дека Еспи поседува квалитет и потенцијал да стане важен дел од првиот тим во наредните години.

Токму затоа, раководството на клубот одлучи да ја активира неговата откупна клаузула без преговори и да ја заврши работата пред во трката да се вклучат и други европски гиганти.

Целиот процес се одвивал експресно. Еспи бил контактиран од други клубови, а само еден час или неколку часа по појавувањето на првите шпекулации, неговиот трансфер е официјализиран.

Во претходните сезони, Еспи го привлече вниманието со одличните настапи во дресот на Леванте. Тој постигна 13 гола на 27 натпревари.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Малата пацифичка држава Науру го промени своето име

Островската држава Науру во Пацификот официјално го промени своето име во Република Наоеро, враќајќи се на своето традиционално име

Островската држава Науру во Пацификот официјално го промени своето име во Република Наоеро, враќајќи се на своето традиционално име – потег за кој властите велат дека има за цел да го зајакне националниот идентитет и да го зачува културното наследство.

Во мај, парламентот на Науру усвои уставен амандман за промена на името на земјата и првично планираше да спроведе национален референдум.

Сепак, претседателот Дејвид Адеанг вчера на социјалните мрежи објави дека се одустало од референдумот. „Одлуката да не се одржи референдум беше донесена по внимателно разгледување на фактот дека Наоеро не е ново име што допрва треба да биде прифатено од граѓаните. Тоа веќе претставува идентитет на нашиот народ, стои на националниот грб, се користи во секојдневниот говор на заедницата и, што е најважно, е дозволено со Уставот“, напиша Адеанг.

Скратеното име на земјата ќе биде Наоеро, додека нејзините граѓани ќе бидат нарекувани *dei-Naoero*.

На европските колонизатори им било тешко да го изговорат оригиналното име. Европските колонизатори ја преименувале земјата во Науру затоа што им било тешко да го изговорат нејзиното оригинално име, Наоеро.

Оваа островска нација, со население од околу 12.000 жители, е третата најмала земја во светот, по Ватикан и Монако. Адеанг нагласи дека одлуката не е политичка по природа, туку е прашање на идентитет, наследство и „зачувување на наследството на нашите предци и зајакнување на иднината на нашите деца“.

Владата официјално ги извести меѓународните организации и другите нации за промената на името, а процесот на транзиција е веќе во тек.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

О. Карпош: Девет невладини организации станаа дел од „Ресурсен центар Карпош“

Во просториите на Општина Карпош денеска се одржа првиот координативен состанок на „Ресурсен Центар Карпош“, на кој учествуваа претставници на девет невладини организации избрани преку јавен повик објавен од Општина Карпош.

Средбата се одржа во отворена и интерактивна атмосфера, со цел меѓусебно запознавање на учесниците, презентација на нивните активности и мисии, како и запознавање со визијата и целите на новоформираниот ресурсен центар.

Во рамки на состанокот беа идентификувани потребите и очекувањата на организациите за претстојниот период, а беа дефинирани и конкретни следни чекори за воспоставување и унапредување на понатамошната соработка и меѓусебното вмрежување. Особена вредност на „Ресурсен Центар Карпош“ претставува разновидноста на организациите кои се дел од него, со активности во различни области од јавен интерес – од спорт, млади и поддршка на лица со попреченост, до заштита на животната средина, енергетска ефикасност, развој на бизнис-секторот и унапредување на јавните вештини.

Преку поврзување на организации со различни искуства, знаења и области на делување, „Ресурсен Центар Карпош“ има за цел да создаде простор за размена на идеи, развој на заеднички иницијативи и реализација на проекти од интерес за локалната заедница. Општина Карпош останува посветена на поддршката на граѓанскиот сектор и на создавањето услови за негово активно учество во процесите од значење за локалната заедница. Ваквите иницијативи придонесуваат кон посилно граѓанско учество, подобро вмрежување и создавање нови можности за унапредување на секојдневниот живот и квалитетот на живот на жителите на Општина Карпош.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.