Драма во Сараево, за да го спаси од пожар таткото морал да го фрли бебето од покрив - Канал 5

Драма во Сараево, за да го спаси од пожар таткото морал да го фрли бебето од покрив

Сараевските полицајци и пожарникари во текот на ноќта спасиле четири лица во драматично гаснење на голем пожар во станбена зграда.

Драма во Сараево, за да го спаси од пожар таткото морал да го фрли бебето од покрив

За да го спаси детето од пожарот, таткото од покривот на зградата го фрлил бебето кое полицајците го фатиле.

Како што наведува Министерството за внатрешни работи на Кантонот Сараево, сопружниците кои вчера се нашле во пожарот се тешко повредени, додека уште едно лице и бебето кое има две години се здобиле со полесни повреди, пренесе порталот „Klix.ba“.

Според известувањата на полицијата, службениците се упатиле на местото на настанот откако им е дојавено дека станбена зграда е во пламен и дека се слушаат извици и бука од станарите.

Полицајците по доаѓањето виделе поголем пламен во поткровјето на станбената зграда и луѓе на кровот кои панично бараат помош. Веднаш биле повикани и пожарникарите и екипи на брзата помош.

„Три лица се наоѓаа на работ на кровот на зградата заробени од пламенот кој се ширеше кон нив, а станува збор за жена и маж кој во рацете држеше бебе. Во напад на паника тој сакаше да го фрли бебето од кров за да му го спаси животот“, се наведува во полициското извештај.

Полицајците потоа со помош на неколку граѓани собрани пред зградата пронашле ќебе, кое, како што велат, го рашириле помеѓу себе за мажот да може да го фрли бебето од кровот. По кратко убедување, мажот го фрлил бебето, кое полицајците успеале да го фатат во ќебето. До доаѓањето на брзата помош, бебето го чувала една полицајка.

Пет полицајци му помогнале на загрозениот брачен пар да се спушти по скалите. Тие веднаш ги предупредиле полицајците и пожарникарите дека во поткровјето се наоѓа уште една жена која боледува од срцева болест.

Пожарникарите оваа жена ја нашле онесвестена со видливи изгореници. Успеале да ја изнесат од зградата и да ја пренесат до возилото на брзата помош, каде и е укажана прва помош.

Пожарникарите го гаснеле пожарот до 5 часот наутро, а се претпоставува дека електричната инсталација е причина за избивање на огнот.

Во полицискиот извештај се наведува дека на местото на пожарот била и екипа од електродистрибуција, која го прекинала доводот на електрична енергија до зградата која била во пламен.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фото: Хаос поради нозете на Џеј Ло

Светската музичка ѕвезда Џенифер Лопез покажа дека дури и на 57-годишна возраст може да се пофали со завидна фигура, а нејзиното последно телевизиско појавување повторно привлече внимание поради нејзиниот изглед.

Фото: Хаос поради нозете на Џеј Ло

Извајаните нозе на „жешката“ латиноамериканка Џеј Ло предизвикаа хаос, напорните тренинзи вродија со плод.

Латино дивата Џенифер Лопез гостуваше во емисијата „The Tonight Show Starring Jimmy Fallon“, каде што се појави во краток фустан што ги истакна нејзините затегнати и мускулести нозе.

За оваа пригода, таа одбра впечатлив мини-фустан во маслинеста боја, чиј крој дополнително ја нагласи фигурата по која таа е препознатлива со години.

Токму мини-должината ги стави нејзините извајани нозе во центарот на вниманието, особено додека таа седеше на каучот во студиото.

Стајлингот го заокружи со чевли со шпиц во кафеава нијанса, златни алки, часовник, прстени и обетки.

Косата ја зачешла наназад и ја врза во високо опавче, додека очите ги истакна со шминка, а усните ги остави во неутрални тонови.

Сепак, фотографиите од студиото брзо привлекоа внимание, а нејзиниот избор на облека уште еднаш покажа дека пејачката радо избира парчиња што ја истакнуваат нејзината фигура и дека не се плаши од кратки и провокативни кроеви.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фото: Ретко кој го забележа шеширот покрај бујното деколтет!

Од шеширот едвај се гледа, но градите сепак „штрчат“, дали знае некој која е оваа убавица?

Фото: Ретко кој го забележа шеширот покрај бујното деколтет!

Раперката Карди Б не пропушти прилика повторно да ги покаже своите прекрасни бујни облини – но и својот префинет вкус за мода и модни трендови.

Синоќа во Лос Анџелес се одржа 17-тото доделување на наградите „Гувернерс“ (Governors Awards), настан на кој присуствуваа бројни ѕвезди.

Американската раперка Карди Би не ја пропушти можноста да заблеска на овој настан, воодушевувајќи ги сите присутни со своето модно издание.

За хуманитарниот настан, таа му ја довери довербата на модниот дизајнер Тамара Ралф и облече нејзин фустан од висока мода. Како што може да се види, белиот фустан, кој е кроен со нагласен струк, ја истакна нејзината витка фигура, но истовремено ги нагласи и нејзините бујни гради.

Интересен беше и делот на стомакот – златниот елемент во стил на корсет, кој на целата креација ѝ даде нота на модерен гламур.

Сепак, главниот акцент во стајлингот беше преголемата шапка, која совршено се вклопи во оваа комбинација и го претвори целокупниот изглед на раперот во уметничко доживување.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

НБА инвестира милијарди во европската кошарка !

Најсилното светско кошаркарско првенство, НБА планира да инвестира милијарди долари во создавањето на нова европска кошаркарска лига, во која сака да ги вклучи најголемите фудбалски клубови од Стариот континент.

НБА инвестира милијарди во европската кошарка !

НБА не се откажува од идејата за започнување ново кошаркарско натпреварување на Стариот континент, а амбициите на американската организација стануваат сè поголеми.

Според информациите на британскиот „Скај њуз“ (Sky News), планот е да се формира огромен инвестициски фонд кој би располагал со милијарди долари. Средствата првенствено би биле наменети за изградба на модерни спортски сали, развој на инфраструктурата и привлекување на големи европски клубови.

Целта на НБА е да создаде натпреварување кое ќе ги обедини најпознатите спортски брендови во Европа и ќе стане сериозен конкурент на Евролигата.

Посебно внимание привлекува списокот на клубови што американската организација сака да ги вклучи во проектот. Меѓу нив се Реал Мадрид, Барселона, Милан и Пари Сен Жермен. Идејата е овие фудбалски гиганти да добијат свои кошаркарски франшизи и да ја искористат својата постоечка популарност за развој на нов спортски производ.

НБА особено смета на британскиот пазар, па Лондон и Манчестер веќе се споменуваат како потенцијални градови домаќини за нови тимови. Ова би му дало дополнителна комерцијална вредност на европскиот проект и би ја отворило вратата кон пазар каде што кошарката сè уште ја нема популарноста што ја ужива фудбалот.

Сепак, реализацијата на еден ваков голем потфат нема да биде едноставна. Дел од потенцијалните инвеститори се загрижени поради огромните трошоци за започнување на натпреварувањето, но и поради неизвесноста во однос на неговата долгорочна профитабилност.

Инаку, НБА претходно се обиде да најде заеднички јазик со Евролигата, но договор меѓу двете страни не беше постигнат. По неуспешните преговори, американската организација продолжи да ја развива идејата за посебно европско натпреварување, со поддршка од ФИБА.

Доколку планот се реализира, европската клупска кошарка би можела да влезе во сосема нова ера, со огромни финансиски вложувања и доаѓање на некои од најголемите спортски имиња.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер