Драма во популарно шпанско летувалиште- уловен е крокодил, туристите во шок - Канал 5

Свет

Драма во популарно шпанско летувалиште- уловен е крокодил, туристите во шок

Необичен инцидент е забележан во популарно шпанско одморалиште во покраината Албасете, околу 200 километри југоисточно од Мадрид.

Драма во популарно шпанско летувалиште- уловен е крокодил, туристите во шок

Туристите биле вознемирени од информацијата дека е забележан крокодил на слобода, па властите веднаш реагирале. Влекачот бил забележан од двајца тинејџери, по што членови на Цивилната гарда биле испратени на местото на настанот, објавува The Sun.

Префрлен во зоолошката градина

На почетокот се сметало дека станува збор за алигатор, но подоцна било утврдено дека крокодилот од семејството Кајман Јакаре е на слобода. Бил фатен во заедничка операција на Цивилната гарда, локалните екологисти, рибари и експерти за заштита на дивите животни.

Потоа влекачот бил транспортиран во зоолошката градина во Мадрид.

Во исто време, започнала истрага за да се утврди кој - и под кои околности - го пуштил егзотичното животно во урбаната средина.

Сериозен ризик по безбедноста

Според важечките закони, поседувањето и пуштањето егзотични видови без дозвола претставува сериозен прекршок и потенцијален еколошки криминал.

Властите предупредуваат дека ваквите (неодговорни) дејствија претставуваат сериозен ризик за биодиверзитетот и јавната безбедност.

Кајманот јакаре е заштитен вид, опфатен со меѓународна конвенција, а истражителите се сомневаат дека пристигнал во Шпанија преку нелегална трговија со егзотични домашни миленици.

Иако главно се храни со риби и мекотели, во екстремни случаи може да нападне и други помали животни.

Тагови: крокодил туристи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Мал авион падна во Хрватска

 Мал авион со едно лице се урна нешто по 10 часот претпладне во Роковци, во близина на Винковци, Хрватска.

Мал авион падна во Хрватска

Според неофицијални информации, пилотот е повреден, а авионот завршил во поле со пченка покрај пистата. На местото на несреќата се упатени сите служби за итни интервенции. Испратен е и хеликоптер за итна медицинска помош.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Ким Кардашијан повторно ги истакна облините

Американската старлета Ким Кардашијан е фотографирана на улиците на Париз во провокативно издание, таа самоуверено чекореше по улица, а нејзиниот целокупен изглед потсети на славната Мерилин Монро.

Фото: Ким Кардашијан повторно ги истакна облините

Провокативната Ким повторно го спои модерното со класичното и самоуверено зачекори во провокативен фустан што го истакнуваше секој милиметар од нејзината препознатлива фигура.

Таа лежерно ја заокружи смелата комбинација со кратка бела кожна јакна-бомбер префрлена преку рамениците, големи црни очила за сонце и интересни чевли со високи, тенки потпетици.

Кројот на фустанот беше она што најмногу ја потсети Ким Кардашијан на култната русокоса и секс-симбол, а овојпат таа не „заборави“ ниту да го истакне своето деколте и својата препознатлива фигура.

Тагови: Ким Кардашијан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Општина Кисела Вода и „ХЕМА-ОНКО“: Утре во Драчево едукативна трибина за превенција од малигни заболувања

Општина Кисела Вода, во соработка со Здружението „ХЕМА-ОНКО“, ги поканува сите заинтересирани граѓани на едукативна трибина под мотото „Заедно за рано откривање, заедно за живот“.

Општина Кисела Вода и „ХЕМА-ОНКО“: Утре во Драчево едукативна трибина за превенција од малигни заболувања

Настанот е посветен на подигнување на јавната свест за превенција, рано откривање и навремено лекување на малигните заболувања, а ќе се одржи оваа сабота, 19 септември 2026 година, со почеток во 13:00 часот во „Паркот на бранители“ во населбата Драчево.

Присутните ќе имаат можност да слушнат корисни совети и лични искуства преку излагањата на Наташа Бабулова, која ќе ја сподели својата борба како лице со рак на дојка и членка на „ХЕМА-ОНКО“, како и низ обраќањата на стручните лица: спец. д-р Албина Чресловник Пупакоски, на медицинската сестра Јасмина Јовческа од ЈЗУ Универзитетска клиника за радиотерапија и онкологија, и д-р Славица Чалчевска, радиолог, супспецијалист и интернист од ГОБ „8 Септември“.

Ги повикуваме сите граѓани да присуствуваат, да се информираат и заеднички да ја дадеме нашата поддршка, бидејќи превенцијата и навремената дијагностика се најважни во битката за животот.

Со овој настан се означува почетокот на кампањата „Розев Октомври“ која стартува од општина Кисела Вода, а ќе заврши со голем РОЗЕВ ПИКНИК на Школка во Градскиот парк. Активностите посветени на оваа важна тема ќе продолжат, па така, по трибината во Драчево, ќе се одржи уште една на 26 септември во околината на општината.

Ве очекуваме!

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер