Драма во Италија: Авион се запали пред полетување, патниците евакуирани со тобоган (ВИДЕО) - Канал 5

Свет

Драма во Италија: Авион се запали пред полетување, патниците евакуирани со тобоган (ВИДЕО)

Авион на Ryanair - летот FR8826 - се запали додека требаше да го напушти аеродромот Бриндизи во Италија, по што бил активиран тобоган на надувување за да се евакуираат патниците поради вонредната состојба.

Драма во Италија: Авион се запали пред полетување, патниците евакуирани со тобоган (ВИДЕО)

Летот на „Рајанер“ бил подготвен за полетување на аеродромот во Бриндизи во Италија кога пламенот избувнал од моторот. Пожарникарите брзо реагирале, авионот престанал да полетува, а 184 патници биле евакуирани со помош на надуен тобоган.

„'Aeroporti di Puglia' соопштува дека поради проблем со авионот кој бил подготвен за полетување, било неопходно да се затвори аеродромот Саленто во Бриндизи. Проблемот, кој се случил кога авионот веќе бил усогласен за полетување, барал евакуација на патници преку итни тобогани“, соопшти портпаролот на аеродромот.

„Сите операции беа извршени со максимална безбедност за патниците и екипажот. Патниците се веќе на аеродромот, каде им се пружа помош од персоналот на „Аеропорти ди Пуља“. Техничарите на компанијата работат на потребните интервенции за подготовка на аеродромот за проверка на исправноста на пистата и продолжување на операциите“, се заклучува во соопштението.

Екипажот забележал чад кој излегува од моторот додека авионот се подготвувал за полетување, по што била спроведена итна процедура. Нема извештаи за позначајни повредени.

Портпаролот на Ryanair рече: „Летот FR8826 од Бриндизи до Торино беше одложен утрово откако кабинскиот екипаж забележа чад од надвор од авионот. Патниците беа безбедно евакуирани и вратени на терминалот со автобус. Искрено им се извинуваме на патниците погодени од ова доцнење, замена на авионот ќе го изврши летот FR8826 од Бриндизи до Торино подоцна утрово.“

Рајанер и Бритиш ервејс се меѓу неколкуте авиокомпании кои го користат аеродромот, кој обично опслужува повеќе од три милиони патници секоја година.

Оваа драма се случи откако во вторникот беа дупнати „сите четири“ гуми на авионот на Рајанер при слетување на аеродромот Орио ал Серио во Бергамо, во близина на Милано. Драматичните слики покажуваат патнички авион без гуми и метални тркала како ја гребат пистата.

Слетувањата и полетувањата беа прекинати на аеродромот поради инцидентот. Сведоците кои биле на вториот лет изјавиле дека нивниот пилот им рекол дека инцидентот се должи на „лошо слетување“, иако ниту од авиокомпанијата ниту од аеродромот не го потврдиле тоа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Куба се подготвува за можен американски воен напад

Куба се подготвува за можен американски воен напад по изјавите на американскиот претседател Доналд Трамп, кои беа протолкувани како закана за воена интервенција. 

Куба се подготвува за можен американски воен напад

Ова го изјави кубанскиот претседател Мигел Дијаз-Канел, кој порача дека земјата е подготвена да се брани од секоја странска агресија.

„Одлучни сме да го одбиеме секој обид за странска воена агресија врз нашата земја“, рече Канел. Неговата изјава следува откако Трамп прашан дали би размислил за воена интервенција со цел да ја „ослободи“ Куба, за американски медиуми рече: „Сакам да ја решам Куба пред да си заминам“. Тој додаде дека САД внимателно ја следат ситуацијата на островот, оценувајќи дека земјата е во многу лоша состојба и дека практично е пропадната држава.

Тагови: куба

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Кравите од Крива Паланка осамнаа во светските медиуми

Кравите од Крива Паланка го обиколуваат Светот.

Кравите од Крива Паланка осамнаа во светските медиуми

Веста дека стотици говеда шетаат слободно низ градот го објавија неколку угледни светски медиуми, како Асошиејтед прес и Еуроњуз, каде што случајот со кравите се најде во познатата рубрика „без комента“.

Медиумите наведуваат дека жителите на Крива Паланка, опишана како земјоделски град, се бори со повеќе од илјада крави кои им ги уништуваат имотите..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Заврши најголемиот прекин на авиосообраќајот во САД од 2001 година - хаосот ќе трае со денови

Илјадници откажани летови, преполни аеродроми и патници заглавени со часови. САД се соочија со најголемиот прекин на авиосообраќајот од терористичките напади на 11 септември 2001 година. 

Заврши најголемиот прекин на авиосообраќајот во САД од 2001 година - хаосот ќе трае со денови

Иако забраната за полетување е укината, хаосот не завршува. Последиците ќе се чувствуваат и во наредните денови, откако синоќа пет часа беа приземјени сите авиони на аеродромите, а кон леталата кои сообраќаа се постапуваше индивидулно.

Над 9.000 летови беа одложени и повеќе од 5.000 откажани. Aвиокомпаниите се обидуваат да го вратат нарушениот распоред. Властите отфрлија можност дека се работи за сајбер напад. Појаснија дека станува збор за голем технички дефект во системот за контрола на воздушниот сообраќај.

,,Ова е нашиот стар аналоген ТДМ-систем, кој беше преоптоварен со податоци, поради што почнаа да се појавуваат овие проблеми. Овој систем беше користен во нашите ТРАКОН-центри и во контролните центри низ целиот Национален систем на воздушен простор (НАС). Сега дел од системите во ТРАКОН-центрите и контролните центри се надградени и функционираат дигитално.,, – Шон Дафи, министер за транспорт на САД

И додека американските власти најавуваат модернизација на системот, авиоаналитичарите предупредуваат дека застарената инфраструктура и натаму претставува сериозен проблем, а ризикот од нови прекини останува.

,,Очекувам ваквите проблеми да се повторуваат и во иднина. Сметам дека тоа ќе биде поврзано со несоодветната инфраструктура со која располагаме, додека трае процесот на нејзино развивање и модернизирање, со цел да се доведе на ниво на технологијата на 21 век и понатаму,,

Додека авиокомпаниите се обидуваат да го нормализираат сообраќајот, патниците и натаму се соочуваат со доцнења и неизвесност.

,, Утрово добивме известување дека нашиот лет ќе доцни два часа, па сега чекаме тука. Веќе два часа сме овде и сè уште не добивме никакви информации,,

Во меѓувреме, американскиот претседател Доналд Трамп побара забрзана модернизација на системот за контрола на воздушниот сообраќај. За таа цел, неговата администрација побара дополнителни 30 милијарди долари од Конгресот, со цел да се спречат слични прекини во иднина.

Тагови: САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер