Драма на тренингот пред трката за ГН на Сингапур: Се запали болид во боксот (ВИДЕО)

Шпанскиот возач Карлос Саинц Џуниор (Ферари) имаше најдобро време на втората официјална тренинг сесија одржана вчера, два дена пред неделната трка од Светскиот шампионат во Формула 1 на Големата награда на Сингапур.

Саинц Џуниор. беше за 208 илјадитинки побрз од неговиот тимски колега Шарл Леклер од Монако. Третото време го имаше Британецот Џорџ Расел (Мерцедес), чиј најдобар круг беше 324 илјадитинки побавен од оној на Саинц.

Покрај победата на Саинц, тренингот го одбележа и драматична ситуација. Автомобилот на Пјер Гасли кој вози за Алфа Таури се запали, но членовите на неговиот тим реагирале многу брзо и го изгаснале пожарот. За среќа, пожарот започнал во боксот, па околу Гасли во моментот имало неколку противпожарни апарати.

Актуелниот светски шампион и лидер во генералниот пласман оваа сезона, Холанѓанецот Макс Верстапен (Ред Бул) беше 15 илјадитинки побавен од Расел, но успеа да извози само седум круга, поради технички проблеми со својот болид. Денешните квалификации се закажани за 15:00 часот по средноевропско време, додека утрешната трка започнува во 14:00 часот.

Пијан Германец возел 12 километри во спротивна насока на автопат

Германската полиција во четвртокот вечерта запрела пијан возач кој возел во спротивна насока на автопатот во сојузната покраина Хесен повеќе од 12 километри.

Полицијата извести дека блокираната раскрсница Манхајм-Санхофен го навела 52-годишниот маж да погреши и да вози во спротивна насока.

Возачот бил запрен откако возел повеќе од 12 километри во правец на Франкфурт. За среќа, не предизвикал сообраќајна несреќа или инцидент. Од полицијата објаснија дека возачот згрешил бидејќи бил во алкохолизирана состојба, што било утврдено со земање крв.

Веднаш му била одземена возачката дозвола и против него е покрената кривична постапка. Очевидците се замолуваат да контактираат со полицијата, која ги следи сообраќајните услови во јужен Хесен.

Српски навивачи дивееле низ Виена со антиалбански пароли (ВИДЕО)

Навивачите на српската репрезентација синоќа маршираа низ главниот град на Австрија и извикуваа „Убиј, коли, додека Шиптар не постои“.

На социјалните мрежи се прошири видеото од српските навивачи како шетаат низ Виена по натпреварот меѓу Србија и Швајцарија на Светското првенство во Катар, на кој што Србија беше елиминирана од натпреварувањето.

Да потсетиме, синоќешниот натпревар во Катар не го одбележа само елиминацијата на Србија од Мундијалот, туку и вербалните и физички пресметки меѓу српската репрезентација и швајцарските репрезентативци со албанско потекло.

Украински гувернер: Ослободивме 13 населени места на истокот

Украинската армија ослободи 13 населени места во областа Луганск, најисточниот регион на Украина, изјави денеска шефот на регионалната администрација на мнозинскиот окупиран регион, Серхи Хајдај.

Гувернерот на Луганск наведува дека руските сили се уште ги гаѓаат ослободените села со артилерија. Најави и дека идната недела медицински екипи треба да ги посетат ослободените села, а властите организираат собирање огревно дрво за жителите, објави Хајдај на апликацијата Телеграм.

Оваа информација не е независно потврдена.

притисни ентер