Драма на плажа во Грција: Човек на даска спасува деца, струјата ги носи кон отворено море (ВИДЕО) - Канал 5

Балкан

Драма на плажа во Грција: Човек на даска спасува деца, струјата ги носи кон отворено море (ВИДЕО)

Драматични снимки доаѓаат од Грција, каде на плажата во Епаноми, во близина на Солун, струја почнала да носи две деца кон отоврено море.

Драма на плажа во Грција: Човек на даска спасува деца, струјата ги носи кон отворено море (ВИДЕО)

Таткото на децата речиси умрел обидувајќи се да ги спаси, а којзнае како би завршило ако еден млад човек не им дошол на помош на SUP даска. Она што го кажале децата кога успеал да стигне до нив ќе ве натера да се згрозите.

Драмата се случила во недела, 17 август, попладне. Две деца, на возраст од 13 и 15 години, биле однесени во морето од силната струја. Нивниот татко почнал да плива по нив, но набрзо почнал да се дави.

Застрашувачката сцена на плажата Епаноми ја видел пливачот Евангелос Папајоану, кој бил на SUP даска. Безбедносна камера ја снимила десетминутната драма што се одвивала на отворено море.

Десетминутното драматично видео од плажата во Грција го прикажува, кадар по кадар, моментот кога Евангелос го наоѓа исцрпениот татко, од романско потекло, полусвесен и во паника, како го носат брановите.

„Сурфав во областа и се враќав на брегот кога слушнав вресоци од морето. Се свртев и видов две деца, момче и девојче, во далечината, како повикуваат на помош. Се приближив до нив и кога ги прашав што се случува, ми рекоа дека пливаат долго време и дека не можат да излезат“, изјави Евангелос Папајоану за Voria.gr.

Децата пливаа спротивно од струјата, обидувајќи се да се вратат на местото каде што скокнале во морето.

„Им реков дека пливаат во погрешна насока и дека треба да одат во спротивна насока, за самиот бран да им помогне да излезат. Не можев да повлечам двајца луѓе на даската и кога им реков дека ќе бидам со нив за да излеземе заедно на брегот, ми рекоа: „Ајде да одиме, одете да му помогнете на нашиот татко.“

Откако го уверија дека имаат сила сами да испливаат, тој се обиде да го пронајде нивниот татко.

„Веднаш се огледав наоколу, но на почетокот не го видов. Се качив на даската и потоа го видов две или три секунди, бидејќи тонеше, а потоа излегуваше на површината“, продолжува Папајоану, нагласувајќи дека во таа област имало многу ветер и бранови.

YouTube video

„Беше полунесвесен, во паника, во шок. Не можеше да дише. Штом ме виде, малку се крена, ја зграпчи даската, но не можеше добро да се држи, се лизгаше, кашлаше и повраќаше вода. Го држев за рацете некое време за да може да се потпре на даската, бидејќи немаше сила, човекот беше целосно исцрпен. Седевме така пет минути, разговаравме малку за да го смириме, а потоа почна да дише. Кога дојде при себе и почувствува дека е подготвен, му кажав како да се држи за даската и полека се упативме кон брегот“, вели овој херој.

На копно, децата, кои веќе успеаја да излезат, го пречекаа со прегратки и благодарност кон човекот чие случајно присуство на море се покажа како спасоносно. „Јас и моите пријатели веќе бевме подготвени да тргнеме. Веќе бев на едно возење со SUP и во последен момент решив да ја извадам камерата од автомобилот и да одам на друго возење за да снимам видео и да му го испратам на еден пријател. Оваа приказна се случи затоа што доцнев пет до десет минути до автомобилот“, рече Папајоану, нагласувајќи дека неговиот придонес за спасувањето на семејството бил чиста среќа и случајност.

Тагови: грција плажа

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Уапсен кошаркарот на Србија, Урош Плавшиќ !

Поранешниот кошаркар на Црвена Звезда, српскиот репрезенативец Урош Плавшиќ, е уапсен по наредба на Вишото јавно обвинителство во Белград под сомнение за напад врз обезбедувач на Военомедицинската академија (ВМА).

Уапсен кошаркарот на Србија, Урош Плавшиќ !

Како што пренесува „Спортињо“, инцидентот се случил во текот на ноќта меѓу 16 и 17 јули, кога Плавшиќ наводно ја прескокнал оградата на ВМА и стигнал до шалтерот за прием бр. 2, каде што физички нападнал воено лице кое било на должност. Обезбедувањето успеало да го совлада напаѓачот и веднаш ја известило Воената полиција за инцидентот.

Потоа, припадниците на Воената полиција го предале Плавшиќ на патрола на Министерството за внатрешни работи. Во инцидентот, припадникот на обезбедувањето се здобил со полесни повреди на главата и раката.

На Плавшиќ му е одреден притвор во траење до 48 часа поради сомнение дека сторил кривично дело напад врз воено лице при вршење воена служба, а за понатамошните чекори ќе одлучи надлежното обвинителство.

Инаку, како штпо пренесуваат дел од српските медиуми само неколку часа пред апсењето, Плавшиќ и неговата сопруга, инфлуенсерката Јована Томиќ, организирале голема црковна венчавка и прослава за семејството и пријателите.

Двојката претходно стапила во граѓански брак пред една година, на интимна церемонија. Плавшиќ неодамна стана играч на романскиот клуб Клуж.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Силен земјотрес регистриран во источниот дел на Турција

Земјотрес со јачина од 5,0 степени според Рихтеровата скала рано утринава го погоди источниот дел на Турција. 

Силен земјотрес регистриран во источниот дел на Турција

Потресите беа почувствувани во неколку провинции, а засега нема извештаи за жртви или материјална штета.

Земјотрес со јачина од 5,0 степени според Рихтеровата скала ја погоди источната турска провинција Малатија рано утринава, соопшти Агенцијата за управување со катастрофи и вонредни состојби (АФАД).

Земјотресот се случи во 6:20 часот по локално време, со епицентар во областа Баталгази, на длабочина од 15,59 километри, се наведува во соопштението на АФАД.

Потресот се почувствувал и во соседните провинции Елазиг, Адијаман, Тунџели и Шанлиурфа. АФАД соопшти дека засега нема извештаи за материјална штета или жртви.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Тухел: „Виновен сум, но не жалам“

Селекторот на Англија, Германецот, Томас Тухел, ги бранеше своите тактички одлуки по поразот од Аргентина (2:1) во полуфиналето на Светското првенство.

Тухел: „Виновен сум, но не жалам“

Германецот изјави дека не жали за ниту една измена и дека ја презема целосната одговорност врз себе.

На прес-конференцијата пред натпреварот за третото место против Франција во Мајами, германскиот стручњак призна дека неговиот тим станал премногу пасивен кон крајот на натпреварот, но нагласи дека не смета оти одлуките биле погрешни.

„Ако некој треба да биде виновен, тоа сум јас. Јас сум тренер и ја преземам одговорноста. Не жалам за моите одлуки; ги донесов врз основа на искуство, инстинкт и желба да му помогнам на тимот да победи. За жал, резултатот не беше таков каков што посакувавме“, рече Тухел.

Англија водеше со 1:0 сè до 85-тата минута, но Аргентина, предводена од Лионел Меси, успеа да направи пресврт и да се пласира во финалето. Тухел објасни дека одлуката неговиот тим да премине на формација со петмина во одбраната била донесена за да се запрат нападите на Аргентина.

„По нашиот гол, Аргентина заигра со многу поголем ритам. Не успеавме да ги спречиме нафрлувањата ниту влегувањето на нивните играчи во шеснаесетникот. Затоа преминавме на систем со петмина во одбраната за да ги затвориме крилните позиции. Сепак, станавме премногу пасивни, додека Аргентина го подигна нивото на играта“, објасни тренерот.

Тагови: Англија СП2026 Тухел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер