Драма на аеродромот во Манчестер: Полицаец со нога удара патник по глава (ВИДЕО) - Канал 5

Драма на аеродромот во Манчестер: Полицаец со нога удара патник по глава (ВИДЕО)

Полицаец вооружен со „тизер“ удрира човек во глава додека тој лежел со лицето надолу на аеродромот во Манчестер.Полицаецот удрил и друг маж.

Драма на аеродромот во Манчестер: Полицаец со нога удара патник по глава (ВИДЕО)

На социјалните мрежи се проширија видеата од инцидентот на аеродромот, објави Скај Њуз.

По инцидентот, помошник началникот на полицијата Васим Чаудри од полицијата на Манчестер изјави дека еден полицаец е „отстранет од оперативните должности“. Тој се уште не е суспендиран.

„Снимката што се шири е многу вознемирувачка, јасно е зошто луѓето се загрижени. Употребата на таква сила при апсење е невообичаена и ние разбираме дека предизвикува тревога“, рече тој.

Тој потоа објасни дека пред инцидентот полицијата реагирала на пријава за напад на Терминал 2.

„Наводниот осомничен беше виден на безбедносните камери на машината за билети на паркингот и полицајците присуствуваа на локацијата за да го уапсат“, рече Чаудри.

При одговорот полицијата соопшти дека биле нападнати тројца полицајци. Едната полицајка се здобила со скршеница на носот, додека другите полицајци се здобиле со повреди за кои била потребна болничка помош.

За инцидентот се уапсени четворица мажи. Двајца осомничени за напад, напад врз вработен во Брза помош, тепање и попречување на полицијата и уште двајца поради сомнение за напад врз работник на Брза помош.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

СДСМ: Мицкоски и Кочоска најавуваат задолжување од 2 милијарди евра во 2027 - за народот нема пари само камати

Мицкоски и Кочоска планираат во 2027 година да ги задолжат граѓаните на Македонија со нови две милијарди евра. 

СДСМ: Мицкоски и Кочоска најавуваат задолжување од 2 милијарди евра во 2027 - за народот нема пари само камати

За да го оправдаат огромното задолжување, Кочоска и Мицкоски лажат, како и за се друго. Велат дека толку долг доспева за враќање.

А во предлог- Буџетот за 2027 којшто Кочовска го предлага, стои дека за отплата на долг се предвидени 64,6 милијарди денари, односно 1 милијарда евра.

Уште една лага за некакви „наследени долгови“ е разбиена.

Мицкоски го зголеми долгот за 4 милијарди евра, за 50 проценти повеќе од вкупниот долг на државата од независноста до денеска.

Со Предлог-буџетот за 2027 година, планира да ги задолжи граѓаните за уште 2 милијарди евра.

Додека граѓаните живеат лошо, трошоците за живот растат, платите стагнираат. Во 2027 се најавува поскапување на парното и струјата, што ќе значи уште еден удар врз стандардот на народот.

Нови долгови за граѓаните, огромни камати коишто треба да ги плаќаат а нема пари за минималната плата од 600 евра, нема пари за поголем студентски оброк, нема пари за земјоделците.

Пари за граѓаните нема. Знаеме каде има, само кај Мицкоски и неговата банда.

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

ВМРО-ДПМНЕ: СДС бараше надзорна расправа за Алта банка а сега не сака да ја продолжи, од што се плаши Филипче?

СДС ја побара надзорната расправа за Алта банка, па откога излезе вистината на виделина, не го закажуваат продолжетокот.

ВМРО-ДПМНЕ: СДС бараше надзорна расправа за Алта банка а сега не сака да ја продолжи, од што се плаши Филипче?

СДС и Филипче беа гласни за Алта банка, се до моментот кога се дозна во јавноста дека тие биле првите кои му продале акции на Мацура и на самата Алта банка.

СДС и Венко Филипче се заплеткаа во сопствените лаги и потези за Алта Банка.

Филипче и СДС молчат и не кажуваат зошто во 2023 година не излегоа на прес-конференција да ги известат граѓаните дека ќе ги продадат државните акции, на како што тие тврдат, криминалецот Мацура и неговиот сомнително стекнат капитал во Алта банка.

Дали СДС и Венко Филипче се плашат дека во јавноста може да излезат дополнителни информации и токму поради тои и не го закажуваат продолжението на надзорната расправа.

После сите информации СДС и Филипче бегаат кога треба да се соочат со фактите.

Филипче е нервозен затоа што ќе се најде решение за Алта банка, во време на СДС банките пропаѓаа, се затвораа, а блиски до кланот Заеви се богатеа.

Разоткриен е вистинскиот мотив зад долгомесечната кампања на СДС и Филипче против Алта банка. Додека во јавноста се обидуваа да наметнат приказна за таканаречен српски свет, во позадина стои политичка хајка во која се кријат бизнис мотиви на лица блиски до СДС Филипче и кланот Заеви.

Архитекти и главни произведувачи на српскиот свет во Македонија се Венко Филипче и СДС.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Демократка победи на изборите на Алјаска, демократите обезбедуваат големо мнозинство во Сенатот

Кандидатката на Демократската партија, Мери Пелтола, победи на изборите за Сенатот на САД во Алјаска, со што се разјасни односот на силите во горниот дом на американскиот Конгрес по изборите одржани на 3 ноември. 

Демократка победи на изборите на Алјаска, демократите обезбедуваат големо мнозинство во Сенатот

Во новиот состав на Сенатот, кој започнува во јануари 2027 година, демократите ќе имаат мнозинство од 56 наспроти 44 места за републиканците.

Според последните достапни резултати, Пелтола освоила 50,12 отсто од гласовите и го победи актуелниот републикански сенатор Ден Саливан, кој доби 45,80 отсто од гласовите. На тој начин, демократите добија уште едно место кое претходно го држеа републиканците. Трката во Алјаска беше последната неизвесна изборна трка за Сенатот на овогодинешните избори.

Асошиејтед прес ја прогласи Пелтола за победник две недели по изборите.

Со победата во Алјаска, демократите заокружија голем успех на изборите за Сенатот. Вкупно, тие освоија девет места што претходно ги држеа републиканците, што претставува нивен најголем успех од ваков вид на избори за Сенатот уште од 1958 година.

Пред изборите, републиканците имаа мнозинство од 53 наспроти 47 места, додека во новиот состав односот ќе биде 56 наспроти 44 во корист на демократскиот блок, во кој влегуваат и независни сенатори поврзани со Демократската партија.

Демократите исто така успеаја да освојат места во сојузни држави кои традиционално нагинуваат кон републиканците, вклучувајќи ги Тексас, Јужна Каролина, Канзас и Мисисипи.

Според резултатите објавени на 17 ноември, таа добила 144.302 гласа, додека Саливан освоил 131.844. Разликата изнесувала 12.458 гласа. Иако преостанувале уште гласови за броење, „Асошиејтед прес“ процени дека Саливан веќе нема реални шанси да ја надомести разликата.

Покрај победата на изборите за Сенатот, демократите на Алјаска постигнаа успех и на изборите за гувернер. Демократот Џонатан Крајс-Томпкинс ги победи тројцата републикански кандидати и стана првиот демократски гувернер на Алјаска по 1998 година. Резултатите на Алјаска дополнително ја потврдија промената во односот на силите по изборите во средината на мандатот во САД, на кои демократите ја презедоа контролата врз Сенатот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер