Драма на аеродромот во Белград: Србинка без билет и документи стигна во авион за Малта (ВИДЕО) - Канал 5

Балкан

Драма на аеродромот во Белград: Србинка без билет и документи стигна во авион за Малта (ВИДЕО)

Безбедносните камери на белградскиот аеродром „Никола Тесла“ снимија неверојатен настан на 8 јануари - жена која некако успеала да им побегне на чуварите, без документи или билет, се лизнала под неодамна отворените е-порти и стигнала до авион.

Драма на аеродромот во Белград: Србинка без билет и документи стигна во авион за Малта (ВИДЕО)

Безбедносните камери на белградскиот аеродром „Никола Тесла“ снимија неверојатен настан на 8 јануари - жена која некако успеала да им побегне на чуварите, без документи или билет, се лизнала под неодамна отворените е-порти и стигнала до авионот кој требало да полета за Малта, и покрај строгото обезбедување на аеродромот и полицијата.

Таа во Белград пристигнала со лет од Франција, откако била депортирана од таа земја. Според новите правила, документите на депортираните лица кои не патуваат во придружба и под надзор на службени лица, се пречекувани од пилоти на авиони или членови на екипажот. По слетувањето, овие документи се предаваат на локалната полиција или на службениците за безбедност, а доколку нема „одбор за добредојде“, тие можат да бидат вратени на лицето DEPU.

Во овој случај не се знае кому се предадени документите на Србинката од Франција, но жената го искористила нивното незнаење, невнимание или нешто друго и - побегнала. На видеото се гледа жена како се лизга под е-портата, ползи под лентите кои го регулираат правецот на движење на патниците, поминува покрај една од вратите, влегува во канцеларија која во тој момент била празна, а потоа видеото запира.

Оваа жена успеала да стигне сѐ до авионот на „Визер“ кој требало да полета за Малта. Екипажот забележал дека таа нема ниту билет ниту документи, па на крајот била повикана полиција и жената била приведена. Нејасно е како ниту еден од бројните полицајци кои требало да патролираат на аеродромот не ја забележал жената која ползи, ниту пак некој погледнал во мониторите на камерите за видео надзор. Жената тоа не го направила за две-три секунди, туку за неколку минути и успеала да помине незабележано.

Како што неофицијално дознава Еуроњуз, жената по апсењето била испратена на опсервација во психијатриска установа, од каде била пуштена, а не се знае дали против неа е поднесена прекршочна пријава.

Системот е-порта официјално беше пуштен во употреба на 20 декември минатата година од страна на министерот за внатрешни работи Ивица Дачиќ, а неполни три недели подоцна веќе бил пронајден некој кој го надмудрил целиот систем. Инаку, белградскиот аеродром веќе пред десетина години воведе е-порта на која патниците сами ги покажуваат документите без контакт со полицијата, но таа е укината бидејќи се покажало дека има многу слабости.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хорор на градилиште во Брисел: Безживотни тела пронајдени во лифт

Неколку лица загинаа во пожар на градилиште во Брисел денес, додека потрагата по уште шест исчезнати е во тек, соопштија локалните власти.

Хорор на градилиште во Брисел: Безживотни тела пронајдени во лифт

Телевизијата „VRT“ објави дека повеќето од приближно 200 работници биле евакуирани откако избувнал пожарот.

Портпаролот на локалниот инспекторат за труд изјави дека голем број тела се пронајдени во еден од двата лифтови на голем проект за реновирање на „Place de Brouckere“, каде што пожарот избувна рано утрово.

Сепак, тој не прецизираше за колку тела станува збор.

Тој додаде дека сè уште не е јасно дали телата на исчезнатите работници се пронајдени.

Тагови: Брисел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Падна Владата на Украина

Украинскиот парламент, Врховната рада, денес ја прифати оставката на премиерката Јулија Свириденко.

Падна Владата на Украина

Целата украинска влада со тоа автоматски поднесе оставка заедно со премиерката, а 258 пратеници гласаа за нејзино усвојување, објавува Укринформ.

Свириденко претходно им се заблагодари на пратениците во своето обраќање пред парламентот за нивната заедничка работа во текот на целата година и на украинскиот претседател Володимир Зеленски за довербата што ѝ ја покажаа, објавува агенцијата.

Претседателот на украинскиот парламент, Руслан Стефанчук, вчера објави на Фејсбук дека оставката на премиерката Јулија Свириденко стигнала до украинскиот парламент.

„Благодарен сум на Јулија Анатолиевна за нејзината работа на чело на владата во исклучително тежок период за земјата, нејзиниот придонес во зајакнувањето на економијата, поддршката на граѓаните и напредокот на нашата земја на патот кон Европската унија. Ѝ посакувам успех во понатамошната работа“, додаде претседателот на украинскиот парламент.

Зеленски претходно најави реорганизација на Кабинетот на министри како дел од спроведувањето на нова политичка стратегија и промената на раководителите на безбедносните и судските институции.

На 17 јули 2025 година, Врховната Рада го поддржа назначувањето на Јулија Свириденко за премиер на Украина.

Според извори на „Укринформ“, гласањето во парламентот за назначување на нова влада се очекува да се одржи на 16 јули.

Дотогаш, првиот заменик-премиер, поранешниот премиер Денис Шмигал, привремено ќе ја извршува функцијата шеф на владата.

Фото: ВИ

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: Падна монтираниот случај за политички прогон против ВМРО-ДПМНЕ

 Падна монтираниот случај за политички прогон против ВМРО-ДПМНЕ, фактите се непријатни за СДС, а бегањето од сопствената одговорност преку политичка пропаганда не е политика, туку лицемерие.

Петрушевски: Падна монтираниот случај за политички прогон против ВМРО-ДПМНЕ

Падна монтираниот случај за политички прогон против ВМРО-ДПМНЕ!

Колку и да се обидува СДС да ја префрли вината, фактите не можат да ги избришат.

Факт е дека предметот го отвори нивното криминално СЈО, како дел од тогашниот политички прогон против ВМРО-ДПМНЕ, со цел промена на името. Дополнително, факт што свесно го избегнуваат, а кој денес судот јасно го образложи, е дека пресудата е последица на измените на Кривичниот законик од 2023 година, кои СДС ги предложи и ги изгласа.

Јавноста добро памети и како тогаш беа донесени тие измени на Кривичниот законик, со силни сомнежи дека се дел од пошироки политички договори и трговија со влијание, со цел уставни измени за внесување на Бугарите во Уставот.

Затоа, наместо да измислуваат приказни за „судство под контрола“, најпрвин нека се погледнат во огледало, а потоа нека одговорат јавно: кој и за какви цели преку тогашното СЈО го нарача политичкиот прогон против ВМРО-ДПМНЕ и зошто ги донесоа измените на Кривичниот законик во 2023 година?

Фактите се непријатни за СДС! А бегањето од сопствената одговорност преку политичка пропаганда не е политика, туку лицемерие.

Бране Петрушевски

ВМРО-ДПМНЕ

Тагови: Бране Петрушевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер