Култура

ДПМ ги соопшти делата во потесен круг за неговите годишни награди

ДПМ ги соопшти делата во потесен круг за неговите годишни награди, свеченото доделување ќе биде на 18 септември.

Друштвото на писателите на Македонија (ДПМ) соопшти дека на конкурсот за годишните награди за 2023 година се пријавиле вкупно 35 дела и ги соопшти тие што влегле во тесен избор за награда, а изборот ќе го направат жири-комисиите за секоја од наградите.

ДПМ наведува дека во согласност со Деловникот за работа на жири-комисиите за доделување на годишните награди, секој од членовите на жиријата доставува бодовник, со кој од еден до пет бода поддржува пет наслови. Верификациската комисија од Управниот одбор на ДПМ на крајот го пресметува збирот на бодови.

За наградата „Стале Попов“ за најдобро прозно дело се пријавиле четиринаесет дела, а во полуфиналниот круг влегле седум наслови:. „Не кажувам“ - роман од Петар Андоновски („Полица“); „Мина“ - роман од Игор Анѓелков („Или-или“); „Во трка за животот“ - роман од Петре Димовски („Дијалог“); „Ако се родат некакви чувства“, - роман од Блаже Миневски („Матица“); „Заборав“ - роман од Томислав Османли („ВиГ Зеница“); „Сè уште можам нешто да сторам“ - роман од Фросина Пармаковска („Или-или“) и „Вонземјанки“ - збирка раскази од Влада Урошевиќ („Или-или“).

За наградата „Ацо Шопов“ за најдобра книга поезија пријавени се седум дела, а во полуфиналниот круг, поради израмнет број бодови кај некои од конкурентите, влегле шест наслови: „Коњски житија“ од Зоран Анчевски („Арс ламина“); „Ден-година“ од Тихомир Јанчовски (самиздат); „Умоверзум“ од Фима Клетникова („Макавеј“); „За сите времиња“ од Братислав Ташковски („ПНВ публикации“); „На врв на јазикот“ од Катица Ќулавкова („Арс ламина“) и „Поинаков сон“ од Ивица Челиковиќ („Караманови средби“).

За наградата „Ванчо Николески“ за најдобра книга за деца и млади биле пријавени шест дела. ДПМ посочува дека поради малиот број конкуренти, вториот круг за оваа награда е воедно и финален, а во него влегуваат три наслови: „На крилјата на самовилското коњче“ од Александра Велинова („Едука Мак“); „Рокчето“ од Никола Маџиров („Арс Ламина“) и „Земјата на заборавените сказни“ од Билјана Црвенковска („Чудна шума“).

За наградата „Димитар Митрев“ за најдобра книга критика и есеистика пријавени се осум дела. Во вториот, полуфинален круг, влегле пет наслови: „Просто и строго – Конески“ од Иван Антоновски („Матица“); „Птици во аквариум“ од Лидија Капушевска-Дракулевска и Влада Урошевиќ („Полица“); „Тажен и прекрасен свет“ од Дејан Трајковски („Прозарт“); „Живот во ролни“ од Горан Тренчовски (самиздат) и „Два опита (Конески и Старделов)“ од Ивица Џепароски (Филозофски факултет).

-Засега се познати финалистите само за наградата „Ванчо Николески“. Финалистите за трите други награди се планира да бидат објавени на 10 септември, по вториот круг гласање на жири-комисиите. Во однос на наградата „Мост“ за најдобро дело објавено на некој од јазиците на националностите во Република Северна Македонија, рокот за достава на книги и на преводи до ДПМ е продолжен до 1 септември (недела), информира писателската асоцијација.

Годишните награди на ДПМ за 2023 година се доделуваат вонредно, со задоцнување и надвор од вообичаениот термин во февруари. Како што соопшшти ДПМ, свеченото врачување ќе биде на 18 септември 2024 во неговите простории.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Поранешниот претседател на Јужна Кореја е осуден за лажење во изборната кампања

Јужнокорејскиот суд денеска го осуди поранешниот претседател Јун Сук Јеол на 18 месеци затвор,условно на три години, откако го прогласи за виновен за кршење на изборниот закон со давање лажни изјави за време на претседателската кампања во 2022 година.

Доколку пресудата биде потврдена по жалба, може да ја принуди партијата на Јун да врати околу 27 милиони долари, или 39,7 милијарди јужнокорејски вони, што ги доби од Националната изборна комисија по неговата претседателска победа.

Лажни изјави во кампањата

Централниот окружен суд во Сеул утврди дека Јун дал лажни информации двапати за време на кампањата, помеѓу декември 2021 и јануари 2022 година.

„Кога кандидатот лично објавува лажни информации на јавни настани со големо влијание, како што се дебати и интервјуа, влијанието врз донесувањето одлуки на гласачите е многу значајно“, рече судот во својата пресуда.

Обвинителите побараа двегодишна затворска казна, додека Јун, кој негираше какво било кривично дело, планира да поднесе жалба на пресудата, рече неговиот правен советник.

Партијата би можела да изгуби милиони

Според изборниот закон на Јужна Кореја, политичките партии добиваат државна компензација за трошоците за кампањата ако нивниот претседателски кандидат победи или добие најмалку 15 проценти од гласовите.

Доколку кандидатот последователно добие затворска казна или парична казна од најмалку еден милион јужнокорејски вони, партијата мора да ги врати примените средства.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Коњаниците тргнаа кон Крушево- почна 48. Илинденски коњички марш

Околу 40 коњаници, меѓу кои и пет девојки, попладнево, од дворот на црквата „Св. Петар и Павле“ во Горно Лисиче, тргнаа кон Крушево.

Околу 40 коњаници, меѓу кои и пет девојки, од дворот на црквата „Св. Петар и Павле“ во Горно Лисиче, тргнаа кон Крушево, продолжувајќи ја речиси петдецениската традиција посветена на чествувањето на Илинден и на македонските херои.

– На 31 јули, коњаниците од Горно Лисиче ќе се обединат со учесниците од Свети Николе, Кичево и Битола, испраќајќи силна порака за единство, почитување на традицијата и зачувување на македонското историско наследство – информира прес-службата на Општина Аеродром.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Коментарот на Халанд на сопствената статуа е хит на мрежите (ВИДЕО)

Уметник познат како Џеј Клејот создаде глинена скулптура на Ерлинг Халанд, а видеото брзо стана вирално на социјалните мрежи.

Видеото го забележа самиот норвешки фудбалер и тој реагираше со коментар од еден збор.

Коментар на Халанд од еден збор

Откако видеото се прошири на социјалните мрежи, Халанд го забележа и остави кратка порака во коментарите: „Убаво“. Тој краток одговор го воодушеви и авторот на скулптурата и илјадниците фудбалски фанови. Се чини дека уметникот очекувал токму тоа, шегувајќи се напиша покрај видеото: „Поминуваш часови правејќи фигура, а потоа еден човек по име Ерлинг само коментира „убаво“. На крајот, токму тоа се случи.

View this post on Instagram

A post shared by Art Daily Dose (@art_dailydose)

Интернет феномен на коментарите на Халанд

Реакцијата на Халанд е дел од самосоздаден интернет феномен во последниве години. Напаѓачот на Манчестер Сити е познат по тоа што остава многу кратки коментари на социјалните мрежи, обично само „Убаво“ и повремено „Не е убаво“. Неговите одговори се појавуваат на сè, од фудбалски резимеа до вирални видеа кои немаат никаква врска со спортот.

Овој начин на коментирање стана многу популарен на Инстаграм и ТикТок, па корисниците сега намерно го тагираат Халанд во своите објави со надеж дека ќе го привлечат неговото внимание. Она што започна како серија обични коментари на крајот се претвори во интернет шега што самиот Халанд ја прифати.

View this post on Instagram

A post shared by Erling Braut Haaland (@erling)

Неговото „Убаво“ можеше да се види под преработки на навивачки песни, спортски мемиња, но и на објавата за роденденот на неговата девојка. Така, тој збор стана негов препознатлив интернет потпис.

Тагови: Халанд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.