Првиот човек на пазарен, Влатко Стојкоски, за Канал 5 вели контролите кои почнаа вчера ќе се спроведуваат во следните две до три недели, а од трговците очекува општествена одговорност.

Со цел спречување на неоправдано зголемување на цените на произовдите по конфликтот на Бликсиот Исток, Владата и трговците вчера седнаа на заедничка маса. По средбата премиерот Мицкоски соопшти дека состојбата активно се следи и дека нема да дозволат отстапувања и профитерство. Механизми има, но според ВладаТА сега нема потреба од интервенции...

„Државата нема да интервенира во пазарот без причина. Но државата нема ни да стои на страна ако се создава реален притисок врз граѓаните без објективна основа. Со преставниците на маркетите заеднички заклучивме дека треба да има фер цени на производите и дека не треба да има ново зголемување.“ - стои во објавата на Мицкоски.

Од Организацијата на потрошувачи, пак не се оптимисти дека единствено дијалогот ќе вроди со плод. Оценуваат дека ситуацијата треба внимателно да се разгледа, а надлежните веќе да подготват мерки со кои ќе се интервенира.

„Не знаеме дијалогот какви ефекти ќе даде дали навистина фирмите ќе бидат општествено одговорни.....Владата се обедува еве на некој начин да поттикне кај маркетите да бидат општествено одоговорни и да не ги покаќуваат цените на производите меѓутоа не сме сигурни дека тоа така и ќе остане бидејќи сега во овој момент граѓаните реагираат дека многу од цените сепак не се останати на исто ниво и се покачени што значи дека доколку дојде навистина до покаќување се поставува прашањето нема ли да бидат закаснети мерките кои владата постоа ќе ги примени....“ - Татјана Тасевска – ОПМ.

Надлежните оценуваат дека растот на цените на нафтените деривати за околу 15 % не треба да биде изговор за раст и на останатите цени. Од владата неколку пати досега повротија дека инфалцијата е стабилна, а Македонија и покрај растот има најниски цени на нафтените деривати. Во моментов литар дизел се продава по цена од 85,5 денари, додека бенизните 95 ка и 98 ца по цени од 79,50 денари, односно 81,5денари за литар, овие цени ќе важат се до понеделник. На светските берзи по конфликот на Блискиот исток, цените на барел постојано варираат, а во одредени моменти деновиве достигнаа и над 100 долари за барел.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.